Fréttablaðið - 22.08.2020, Side 62

Það er gjarnan dálítið sérstakt andrúmsloft á þessum tíma árs. Sumarið er senn á enda
og haustið tekur brátt við með
skólahaldi og annarri rútínu. Það
er f leira sem breytist á þessum
tíma en fyrir þau sem hafa áhuga
á stjörnuspeki þá er þessi helgi
merkileg fyrir þær sakir að núna
lýkur tímabili ljónsins og meyjan
tekur við.
Í stjörnuspeki er talað um þessa
skörun sem „cusp“ og á hún sér
alltaf stað þegar eitt stjörnumerki
„tekur við“ af öðru ef svo má að
orði komast. Einstaklingar sem
fæðast á milli merkja eru oft taldir
búa yfir skemmtilegum eigin-
leikum þar sem eiginleikar tveggja
stjörnumerkja koma saman.
Frumefnin fjögur
Í þessu tilfelli er það ljónið og meyj-
an, merki sem talin eru afar ólík
hvort öðru að nokkurn veginn öllu
leyti, en tímabilið sem um ræðir
er frá 19.-25. ágúst. Stjörnumerkin
tólf eru öll tengd ákveðnum frum-
efnum. Þannig er ljónið, ásamt
hrútnum og bogamanninum,
svokallað eldsmerki sem á vel við
önnur eldsmerki og loftmerki. Þau
stjörnumerki sem tilheyra loftinu
eru tvíburinn, vatnsberinn og
vogin. Er þá meðal annars verið
að vísa í eiginleika frumefnanna
þar sem súrefni getur fætt eld og
eldurinn þarfnast súrefnis.
Meyjan tilheyrir hins vegar
jarðarmerkjum en hin jarðar-
merkin eru nautið og steingeitin.
Jarðarmerkin svokölluðu eru talin
eiga vel við önnur jarðarmerki og
vatnsmerki en vatnið nærir jörðina
og af jörðinni sprettur svo flest
líf. Þessar frumefnapælingar eru
óneitanlega áhugaverðar þar sem
frumefnin þarfnast hvert annars.
Ólíkir eiginleikar
Ljónið er sagt skapandi, ástríðu-
fullt, örlátt, hjartahlýtt og fyndið.
Það getur þó líka verið hroka-
fullt, þrjóskt, sjálfhverft, latt og
ósveigjanlegt. Meyjan aftur á móti
er sögð skipulögð, blíð, greind,
traust, vinnusöm og hagsýn. Nei-
kvæðu eiginleikar meyjunnar eru
svo sagðir vera feimni, áhyggjur,
gagnrýni á sjálfa sig og aðra og til-
hneiging til þess að einblína á strit
fremur en að njóta.
Ljónið vill ekki einungis athygli
heldur þarfnast hennar á meðan
meyjan kann oftar en ekki best
við sig á bak við tjöldin. Þessi
merki eru því, samkvæmt stjörnu-
spekinni, afar ólík og ekki talin
eiga vel saman en þegar þessum
eiginleikum er blandað saman er
útkoman sögð geta verið ákaflega
hrífandi.
Meðal þess sem hefur verið sagt
um þessa einstaklinga er að þeir
geti verið framúrskarandi elskhug-
ar. Ástæðan er sú að ljónið er elds-
merki og því ástríðufullt á meðan
meyjan er athugul, samviskusöm
og nýtur þess að þjóna öðrum. Það
er því hin fullkomna blanda af hita
og hugulsemi.
Annað sem nefnt hefur verið
er hæfileg blanda af sýniþörf og
hógværð. Ljónið innra með þeim
nýtur sín í sviðsljósinu á meðan
meyjan kann vel við sig að dást
að öðrum meðal áhorfenda. Þá
hefur líka verið sagt að þessir
einstaklingar geti verið sérlega
vel gefnir og ákveðnir en á meðan
ljónið er skapandi og tjáningarríkt
er meyjan vitsmunavera og skarp-
skyggn.
Áhugaverð afmælisbörn
Það eru margir áhugaverðir ein-
staklingar sem eru (eða voru)
fædd/ir í dag og á morgun, þann
22. og 23. ágúst. Meðal þeirra sem
fæddust 22. ágúst eru franska tón-
skáldið Claude Debussy, smásagna-
höfundurinn Dorothy Parker,
rapparinn GZA úr Wu-Tang Clan,
leikkonan og handritshöfundurinn
Kristen Wiig, tónlistarkonan Dua
Lipa og íslenski fótboltamaðurinn
Heiðar Helguson.
Af þeim sem fæddust 23. ágúst
má svo nefna trommuleikara
rokkhljómsveitarinnar The Who,
Keith Moon, sem fæddist árið
1946. Moon lést árið 1978, langt
fyrir aldur fram, en skildi eftir sig
ógrynni af goðsagnakenndum
tónum og skemmtilegum sögum.
Þá fæddist leikarann River Phoenix
einnig á þessum degi árið 1970
en líkt og Moon lést hann ungur
að árum árið 1993, einungis 23
ára gamall. Phoenix þótti ekki
bara einn efnilegasti leikari síns
tíma heldur var hann einnig
mikill brautryðjandi hvað dýra- og
umhverfisréttindi varðar og eru
örlög þessa hæfileikaríka manns
því afar harmræn.
Örlög næsta afmælisbarns voru
ekki síður átakanleg en það er
körfuknattleiksmaðurinn Kobe
Bryant en eins og flestir vita lést
hann í hrikalegu flugslysi ásamt
dóttur sinni og fleirum í byrjun
árs. Það er þó vonandi ekki ein-
hvers konar bölvun sem fylgir
þessum degi en leikarinn og
dansarinn Gene Kelly var fæddur
þennan dag árið 1912 og lést árið
1996, 83 ára að aldri.
Athugið að þessar stjörnu-
merkjavangaveltur eru einungis
hugsaðar sem afþreying en ekki
staðreyndir á nokkurn hátt.
Ástríðufull og yfirveguð
Þau eru mörg afmælisbörnin, lífs og liðin, þessa helgi og því tilvalið að dýfa tánum í smávegis
stjörnuspeki. Athugið að stjörnumerkjavangaveltur eru einungis hugsaðar sem afþreying.
Körfuboltahetjan
Kobe Bryant
hefði orðið 42
ára á morgun, 23.
ágúst, hefði hann
lifað. Hann fórst í
þyrluslysi ásamt
dóttur sinni og
fleirum þann 26.
janúar síðastlið-
inn. MYNDIR/GETTY
Leikarinn River Phoenix hefði átt stórafmæli á morgun og orðið fimmtugur.
Trommuleikarinn sálugi Keith Moon úr The Who fæddist 23. ágúst 1946.
Hjördís Erna
Þorgeirsdóttir
hjordiserna@frettabladid.is
Í stjörnuspeki er
þessi helgi merkileg
fyrir þær sakir að núna
lýkur tímabili ljónsins
og meyjan tekur við.
8 KYNNINGARBLAÐ FÓLK 2 2 . ÁG Ú S T 2 0 2 0 L AU G A R DAG U R