Fréttablaðið - 22.08.2020, Page 84

Provisional Life er ljós-myndabók eftir Rann-veig u Einarsdótt u r, ljósmyndara og félags-sálfræðing, en hún er búsett í Berlín. Ljós-
myndirnar eru teknar á þriggja ára
tímabili og sýna fólk sem þurfti að
f lýja heimaland sitt og búa tíma-
bundið á f lóttamannaheimili í
Þýskalandi. Portrettmyndir eru af
íbúunum, myndir af daglegu lífi
þeirra og herbergjunum sem þau
bjuggu í.
„Í þrjú ár heimsótti ég vikulega
f lóttamannaheimili í Berlín og tók
myndir af íbúunum og húsnæðinu
sem fólkið bjó í. Í Provisional Life
sýni ég hvernig búið er að f lótta-
fólki í Þýskalandi,“ segir Rannveig.
„Það að vera f lóttamaður og búa
á f lóttamannaheimili takmarkar
daglegt líf íbúanna, sem einkennist
af reglum og bið og von um að fá
dvalarleyfi. Myndirnar eiga að sýna
hvernig þetta hefur áhrif á íbúana,
bæði börn og fullorðna.“
Búa við einangrun
Spurð hvernig aðstæður fólkið búi
við á þessu f lóttamannaheimili
segir Rannveig: „Á þessu f lótta-
mannaheimili búa yfirleitt um 250
manns. Rýmið sem einstaklingar
eða fjölskyldur fá úthlutað er tak-
markað. Eitt eldhús eða tvö eru á
hverri hæð, eftir því hvað hæðin
er stór og svo er sameiginlegt bað
og klósett. Þarna er mjög þröngt.
Meðal þeirra sem ég myndaði voru
tveir unglingsstrákar, 14 og 16 ára,
sem bjuggu með foreldrum sínum
í mjög litlu herbergi sem hefur
sennilega verið um 20 fermetrar.
Í því var borðað, lært, unnið og
sofið.“
Hún segir að íbúarnir hafi tekið
henni mjög vel. „Örugglega að
hluta til vegna þess að þeir búa við
einangrun og taka ekki þátt í dag-
legu lífi í samfélaginu. Fólkið hefur
ekkert samband við aðra utan
f lóttamannaheimilisins, nema
þá embættismenn og afgreiðslu-
fólk. Þau vildu vera í sambandi við
venjulegan borgara í Þýskalandi og
voru því forvitin um mig og ennþá
forvitnari af því ég kom frá Íslandi.
Gestrisnin var mikil, þegar ég kom
var eldaður matur og ef ekki var
matur þá var kökuhlaðborð, te
og kaffi. Þau töluðu arabísku og
ég þýsku, sem var að mörgu leyti
áhugavert því við þurftum að horfa
mikið hvert á annað til að gera
okkur skiljanleg.“
Bið og von flóttamanna í Berlín
Rannveig Einarsdóttir heimsótti flóttamannaheimili í Berlín og tók myndir af íbúun-
um. Útkoman er ljósmyndabók. Næsta verkefni er ljósmyndabók um Rómafólk.
Rannveig heim-
sótti flótta-
menn vikulega í
þrjú ár.
FRÉTTABLAÐIÐ/
ANTON BRINK
Áhyggjur og kvíði setja vitanlega
sitt mark á íbúana, líka börnin.
Fjölskyldur búa við mikil þrengsli og það að vera flóttamaður takmarkar mjög daglegt líf íbúanna.
Kvíði og áhyggjur
Hún segir kvíða og áhyggjur hafa
verið áberandi hjá mörgum íbú-
anna. „Mörgum hafði reynst afar
þungbært að skiljast við ættingja
og vini og þau voru síspyrjandi sig
hvað væri að gerast heima. Auk þess
áttu sum þeirra alltaf von á að vera
vísað úr landi og vitaskuld fylgir því
mikið álag að vita ekki hvað bíður
manns.“
Rannveig gaf bókina út sjálf og
hún er seld í helstu ljósmynda- og
listaverkabúðum í níu löndum, þar
á meðal vitanlega hér á landi. „Það
hefur gengið mjög vel að koma
henni á framfæri,“ segir hún.
Næsta stórverkefni Rannveigar
er ljósmyndabók um Rómafólk,
sem hún myndar í Bosníu. „Ég hef
farið fimm sinnum þangað á síðustu
þremur árum og stefni á f leiri ferðir
eftir COVID,“ segir hún.
Kolbrún
Bergþórsdóttir
kolbrunb@frettabladid.is
Sunnudaginn 23. ágúst 2020 er boðið til leiðsagnar um þrjú af verkum útisýningarinnar Yfir
Gullinbrú, í Grafarvogi.
Birta Guðjónsdóttir sýningar-
stjóri og Eygló Harðardóttir mynd-
listarmaður, taka á móti gestum
við verk Eyglóar kl. 16.00. Þaðan
verður farið að verkum Þórdísar
Öldu Sigurðardóttur og Elísabetar
Brynhildardóttur, sem báðar segja
frá verkum sínum.
Leiðsögn í Grafarvogi
Verk Eyglóar Harðardóttur.
Sunnudaginn 23. ágúst kl. 13 mun Guðmundur Oddur Magn-ússon, Goddur, f lytja erindi
í Hönnunarsafni Íslands. Erindið
ber yfirskriftina Stofnendur FÍT og
frumherjar grafískrar hönnunar á
Íslandi, og mun Goddur rekja niður-
stöður rannsóknar sinnar, en hann
hefur haft aðsetur í Hönnunar-
safninu allt frá því í mars. Aðeins 12
gestir komast að vegna sóttvarna-
reglna en miðasala fer fram á Tix,
fyrirlesturinn verður tekinn upp og
gerður aðgengilegur á heimasíðu og
Facebook-síðu Hönnunarsafns.
Goddur lýkur
rannsókn sinni
Goddur verður í Hönnunarsafninu.
FRÉTTABLAÐIÐ/ANTON BRINK
Francesco Donadello, náinn s a m s t a r f s m a ð u r H i l d a r Guðnadóttur, er væntanlegur
í Menningarhúsið Hof á Akureyri
til að starfa með upptökuteymi
SinfoniaNord.is-verkefninu og
Sinfóníuhljómsveit Norðurlands.
Hljómsveitarstjórinn Bjarni Frí-
mann mun stjórna hljómsveitinni
að þessu sinni.
Francesco hljóðblandaði tónlist
Hildar við verðlaunasjónvarps-
seríuna Chernobyl og hefur meðal
annarra unnið með ítalska tón-
skáldinu Ennio Morricone, Jóhanni
Jóhannssyni, Thom Yorke söngvara
Radiohead, bandaríska tónskáldinu
Dustin O’Halloran og breska tón-
listarmanninum David Sylvian.
Donadello í Hof
2 2 . Á G Ú S T 2 0 2 0 L A U G A R D A G U R36 M E N N I N G ∙ F R É T T A B L A Ð I Ð
MENNING