Morgunblaðið - 09.01.2020, Síða 18

18 FRÉTTIRInnlent
MORGUNBLAÐIÐ FIMMTUDAGUR 9. JANÚAR 2020
SVIÐSLJÓS
Stefán Einar Stefánsson
ses@mbl.is
Skammt austan Selfoss er jörðin
Hnaus. Þar hafa hjónin Anna Fjóla
Gísladóttir og Ólafur Sigurðsson
staðið í stórræðum síðustu misseri.
Afrakstur vinnunnar er ekki vel
sýnilegur frá þjóðvegi 1 en sé ekið
spölkorn þaðan kemur í ljós reisu-
legt hús sem stendur á myndarlegri
hæð. Þar hafa þau hjónin reist
glæsilegt hótel sem sífellt nýtur
meiri vinsælda og er ólíkt öllum
öðrum hótelum landsins.
Á allar hliðar einkenna stórir
gluggar bygginguna en að öðru
leyti fellur hún inn í landslagið.
Þegar hjónin eru innt eftir því
hvað hafi fengið þau til þess að ráð-
ast í að reisa hótelið segir Anna
Fjóla að þau hafi viljað prófa eitt-
hvað nýtt og að uppbygging í ferða-
þjónustu hafi verið spennandi kost-
ur.
„Við höfðum hugsað okkur að
byggja upp gistiþjónustu hér á jörð-
inni með smáhýsum sem staðsett
væru í slakkanum hér fyrir neðan.
Við vorum farin að móta þá hug-
mynd þegar faðir minn, Gísli B.
Björnsson, dró okkur upp á hæðina
þar sem hótelið stendur nú og sann-
færði okkur um að hér væri rétt að
byggja.“
Ólafur tekur undir og segir að
staðsetning hótelsins sé í raun ein-
stök.
„Það er hvergi meira víðsýni í
byggð hér á landi. Héðan sést í
góðu skyggni til sex virkra eldfjalla.
Í suðri eru Vestmannaeyjar, jökl-
arnir í austri, Hekla og svo margt
ótrúlega fallegt.“
Gísli er í hópi þekktustu teiknara
landsins og listrænt innsæi hans
hefur mögulega leitt þau upp á hól-
inn og valdið fyrrnefndri stefnu-
breytingu. Það er því eflaust við
hæfi að víða um hótelið getur að líta
málverk eftir hann. Áhrif hans eru
sýnileg og ósýnileg á staðnum.
Þar sem útsýnið seldi þeim hjón-
um hugmyndina að hverfa frá fyrri
ráðagerðum hefur það einnig mótað
eftirleikinn. Útveggir úr gleri
tryggja að gestir hótelsins hafi sem
mesta möguleika til að njóta þess
sem fyrir augu ber. Heiti hótelsins
vitnar þar um, 360°.
Gengið hreint til verks
Þegar teikningar og hönnun voru
að mestu tilbúnar var hafist handa
á Hnausi. Í maí árið 2017 var grafið
fyrir grunninum og í kjölfarið var
allt sett í fullan gang. Anna Fjóla
segir framkvæmdirnar að mestu
hafa gengið vel en að það hafi verið
mikil lífsreynsla að eiga við eftirlits-
aðila og byggingaryfirvöld. Þar hafi
verið furðu auðvelt að reka sig á
veggi.
„Það virðist sem hvert landsvæði
hafi sínar byggingarreglur og mis-
munandi hvernig farið er eftir þeim.
Jafnræðisreglan virðist ekki til. Við
þurftum t.d. að fjárfesta fyrir tugi
milljóna í brunavörnum sem hótel á
svæði við hlið okkar þurfti ekki,“
segir Ólafur.
Rúmu ári síðar var hótelið opnað
fyrir fyrstu gestum eða hinn 1.
ágúst. Þau hjónin viðurkenna að
síðustu mánuðirnir í byggingarferl-
inu hafi tekið nokkuð á taugarnar.
„Ef ég get ráðlagt þeim sem ráð-
ast í að reisa hótel eitthvað eitt, þá
er það að byrja ekki að bóka inn á
hótelið fyrr en það er tilbúið,“ segir
Ólafur. „Þetta stóð mjög tæpt og
vont að þurfa að vinna allt í spreng.
Það hafðist, en það er ekki þægi-
legt,“ segir hann og þau hjónin
brosa hvort til annars. Það er
greinilegt að þau eiga ógleyman-
legar minningar frá þessum dögum.
Á hótelinu er boðið upp á 13 glæsi-
leg herbergi í þremur stærðar-
flokkum og segir Ólafur að mikil
eftirspurn sé eftir herbergjum af
þessu tagi.
„Við höfum ekki fundið fyrir
fækkun ferðamanna og við sjáum
fjölgun í hverjum einasta mánuði
milli ára. Stór hluti okkar gesta er
frá Bandaríkjunum en einnig frá
öðrum löndum. Alls höfum við feng-
ið gesti frá 52 löndum,“ segir Anna.
Á hótelinu er einnig veitinga-
staður sem hingað til hefur aðeins
verið hugsaður fyrir gesti þess.
Segir Anna Fjóla að þau hafi ákveð-
ið að einbeita sér að þjónustu við
gesti sína áður en þjónustan verður
gerð aðgengileg öðrum.
Skrumba vinsælust allra
Vitnisburður gesta á TripAdvisor
vitnar um ánægju með starfsemina.
Anna Fjóla og Ólafur benda þó á þá
staðreynd að enginn hafi slegið tík-
inni Skrumbu við í vinsældum. Hún
er 10 ára íslenskur fjárhundur sem
komst í eigu þeirra hjóna fyrir
tveimur árum.
„Hún átti ekki að vera hluti af
hótelinu. Það var hins vegar svo
mikið um að vera þegar við tókum á
móti fyrstu gestunum að við höfðum
ekki tíma til að fara með hana heim
á bæ. Áður en við vissum af voru
gestirnir lagstir í gólfið og farnir að
gæla við Skrumbu. Þannig hefur
það verið síðan og hingað kom t.d.
Japani gagngert í þeim tilgangi að
hitta hana,“ segir Ólafur.
Hann viðurkennir að það hafi
komið fyrir að gestir hafi verið
hræddir við tíkina og að þá haldi
hún sig til hlés. Þá sé ófrávíkjanleg
regla að hún fari ekki inn í eldhús.
„Hún sníkir ekki mat og er afar
ljúf. Hingað hafa hins vegar komið
gestir sem helst vilja bara hafa
hana inni á herbergi,“ segir Anna
Fjóla og hlær.
Þau hjónin vilja lítið tala um fjár-
hagslegu hliðina þegar kemur að
stórframkvæmd af þessu tagi. Hót-
elið er 1.000 fermetrar og SPA við
hlið þess er 200 fermetrar. Þau
segja hins vegar að þetta krefjist
mikillar yfirlegu og þegar á þau er
gengið viðurkenna þau að kostn-
aður skipti hundruðum milljóna
króna.
„Þetta er ekki hægt að gera með
of miklum lántökum. Hér þarf að
koma að eigið fé og mikil vinna eig-
endanna sjálfra,“ segir Ólafur að
lokum.
Með útsýni til sex virkra eldfjalla
 Hjónin Anna Fjóla Gísladóttir og Ólafur Sigurðsson hafa byggt upp glæsilegt hótel á Hnausi
 Uppbyggingin kostaði hundruð milljóna  Tíkin Skrumba nýtur mikilla vinsælda meðal gesta
Lúxus Stærsta svítan á hótelinu er einkar glæsileg og þaðan er m.a. útsýni til Vestmannaeyja.
Uppbygging Hótelbyggingin er um 1.000 fermetrar að stærð og spa-aðstaða þar nærri 200 fermetrar.
Aðstaða Við veisluborð í matsal er boðið upp á ljúffengar veitingar. Þaðan er gott útsýni.