Rit Búvísindadeildar - 01.06.1993, Side 23

BEITARTILRAUNIR
Anna Guðrún Þórhallsdóttir
A. Sumarbeit hrossa.
Sumarið 1992 hófst undirbúningur að hrossabeitartilraun í samvinnu
Bændaskólans á Hvanneyri, Rannsóknastofnun landbúnaðarins og Landgræðslu
ríkisins, með styrk Framleiðnisjóðs.
Markmið tilraunarinnar er:
að mæla átmagn hjá hrossum yfir sumarmánuðina við mismunandi
beitarþunga
að mæla beitartíma hrossa yfir sumarmánuðina við mismunandi
beitarþunga
að mæla áhrif mismunandi beitarþunga á samsetningu og uppskeru
gróðurs á þurrlendi og votlendi.
Valin voru tvö svæði undir tilraunina, á framræstri mýri á Hesti og á gömlu
túni að Litlu Drageyri í Skorradal. Landgræðsla ríkisins tók að sér að sjá um
girðingar og lauk uppsetningu þeirra á liðnu sumri. Hvort svæði er 15.9 ha
að stærð og skiptist í þrjú hólf, 7.1 ha, 5.0 ha og 3.8 ha. í hverju hólfi er
ætlunin að gangi 5 hross. Beitarþungar í hólfunum verða því 0.7, 1.0 og 1.3
hross/ha.
Eftir að girðingar voru komnar upp voru gerðar nákvæmar gróðurmælingar á
svæðunum. Tekin voru 12 handahófskennd hnit í hverju hólfi og 0.25 m2 reitir
klipptir (N=72). Reitimir voru merktir með hniti og stálteinar reknir alveg
niður í jörðina í hvert hom. Með hjálp hnitanna og málmleitartækis á að vera
hægt að finna nákvæmlega sömu reitina við lok tilraunarinnar. Uppskera hvers
reits var tekin heim og gróðurgreind. Var allt sýnið aðskilið í tegundir og
magn (g þurrefnis) hverrar tegundar ákvarðað. Þau sýni sem ekki voru greind
jafnharðan vom fryst og tekin eftir hendinni. Listi yfir algengar plöntutegundir
sem fundust í sýnunum á Hesti og Litlu Drageyri er að finna í töflu 1.
Ætlunin er að nota alkana sem merkiefni við átmagnsákvörðunina. Fyrir liggur
á vordögum að gera frumathugun á endurheimtum merkiefnisins í hrossum á
innistöðu. Sumarið 1993 verða þessi merkiefni gefin öllum hrossunum í
beitartilrauninni (N=30) í 10 daga í hverjum mánuði, frá maí til október, og
skítasýnum safnað frá hverju hrossi daglega síðustu 5 dagana til ákvörðunar á
átmagni.
16