Safnablaðið Kvistur - 2020, Síða 7

9
FRÉTTIR ÚR SAFNAHEIMINUM
Á heimsþingi ICOM í Kyoto á síðasta
ári var samþykkt ályktun um söfn og
sjálfbærni. Hægt er að nálgast hana á
heimasíðu ICOM. Í ályktuninni kem-
ur skýrt fram hvert hlutverk safna á
að vera á þessari vegferð. Þar er lögð
áhersla á fjögur atriði sem söfn þurfa
að taka ábyrgð á.
– Að viðurkenna að söfn hafi hlut-
verki að gegna við að skapa sjálf-
bæra framtíð í gegnum dagskrá,
samvinnu og faglegt starf.
– Söfn verða að bregðast við ákalli
vinnuhóps ICOM um sjálfbærni
safna með því að endurskoða gildi
sín, stefnur og faglegt starf.
– Kynni sér og stuðli að því að heims-
markmið Sameinuðu þjóðanna
náist. Að söfn noti „2030 Trans­
forming our World“ skjalið sem leið-
beinandi ramma við að verða sjálf-
bærari í starfi.
– Að söfn stuðli að valdeflingu starfs-
fólks, gesta og samfélaga með því
að stuðla virkt að því að heims-
markmiðin náist. Skoði áhrif sín á
umhverfið og dragi úr neikvæðum
áhrifum á það.
Nokkur skref sem hægt er að byrja
á, varðandi umhverfi safnsins:
– Skipta yfir í led- lýsingu.
– Endurvinna efni sem til fellur
við sýningar og almennt rusl sem
kemur frá t.d. skrifstofum.
– Hætta að vera með plastpoka
í safnverslun.
– Sleppa pappír eða nota
endurunninn pappír.
– Nota lífrænar ‘grænar’
hreingerningavörur.
– Halda „ekki rusl” (zero waste) við-
burð. Hjálpar til við að beina athygl-
inni að málinu hjá þeim sem koma
á viðburðinn.
– Fá alla starfsmenn í lið með sér,
og minna á af hverju sjálfbærni sé
mikilvæg, hafa t.d. heimsmarkmið
Sameinuðu þjóðanna sýnileg.
– Setja upp sýningar, halda viðburði
ofl. sem stuðlar að því að fræða sem
flesta um málefnið.
www.icom.museum/en/news/the-
-sustainable-development-goals-help-
ing-transform-our-world-through-
museums
Söfn og sjálfbærni
– ályktun frá Kyoto
Þeir sem hafa áhuga á næfri list eða jaðarlist eða eins
og Níels Hafstein kallar í samtali hér í blaðinu, sannri,
óspilltri og frjálsri list, ættu að skoða heimasíðu
tímaritsins RAWVISION. Þar kennir margra gæðalegra
grasa. Áskrift er góður kostur en einnig er hægt að
kaupa einstök blöð. www.rawvision.com
Tímarit
um jaðarlist