Safnablaðið Kvistur - 2020, Blaðsíða 49

aldri ríka hreyfiþörf og eiga erfitt
með að einbeita sér við hlustun í
langan tíma í einu.
Tengsl viðburða og fræðslu eru
einnig mikil í Verk að vinna. Einn
af sumarviðburðum safnsins hefur
sama heiti þar sem gestum safnsins
er boðið að vinna þessi verk. Fastir
liðir í viðburðadagskrá safnsins
eins og að þvo þvott og þurrka salt-
fisk hafa einnig verið nýttir fyrir
skólahópana. Hugsunin á bak við
árstíðabundna fræðslu er einmitt að
vísa til þeirra verka sem þurfti að
vinna hverju sinni.
Þegar litið er yfir farinn veg þá hefur
virkað rökrétt skref að taka upp árs-
tíðabundnu fræðsluna Verk að vinna.
Hún uppfyllir fræðslumarkmið
safnsins um þátttöku og sköpun, hún
miðlar handverki og verklegri þekk-
ingu auk þess er spennandi að geta
þróað og bætt við fleiri verkum inn í
hana í framtíðinni.
Jóhanna Guðrún Árnadóttir,
verkefnastjóri í miðlunar-
og fræðsludeild
51