Víkurfréttir - 02.09.2020, Blaðsíða 85
Færri bátar stunda bugtarveiðarnar
Þegar þessi pistill kemur út þá er
nýtt fiskveiðiár komið og það þýðir
að Faxaflóinn meðal annars opnast
fyrir dragnótaveiðar. Veiðarnar í
Faxaflóanum ganga undir nafninu
bugtarveiðar.
Í ár eru bátarnir nú ekki margir.
Þeir eru einungis þrír, Benni Sæm
GK, Siggi Bjarna GK og síðan er það
Aðalbjörg RE frá Reykjavík. Aðal-
björg RE á sér langa sögu í veiðum í
Faxaflóanum og á sínum tíma voru
tveir bátar sem voru hétu þessu
nafni á veiðum í bugtinni, Aðalbjörg
RE og Aðalbjörg II RE.
Þetta þýðir að aðeins tveir bátar
frá Suðurnesjum stunda veiðar
í Faxaflóa og er það mjög mikil
fækkun á bátum sem voru á þessum
veiðum. Sem dæmi fyrir 30 árum
síðan í september árið 1990 þá voru
eftirfarandi bátar á veiðum:
Í Keflavík voru Arnar KE, Baldur
KE, Eyvindur KE, Farsæll GK,
Haförn KE, Reykjaborg RE og Ægir
Jóhannson ÞH. Í Reykjavík voru
Rúna RE, Sæljón RE, Aðalbjörg II
RE, Njáll RE, Aðalbjörg RE og Guð-
björg RE.
Annars núna í ágúst fóru drag-
nótabátarnir aðeins af stað. Benni
Sæm GK réri oftast, fékk 83 tonn í
þrettán róðrum, Aðalbjörg RE 63
tonn í sjö, Siggi Bjarna GK 38 tonn
í sex róðrum og Sigurfari GK hóf
veiðar undir lok ágúst og landaði
25 tonnum í tveimur róðrum. Allir
bátarnir lönduðu í Sandgerði.
Netabátarnir hafa fiskað mjög
vel í ágúst og voru þeir að veiðum
í Faxaflóa. Maron GK er með 88
tonn í 21 róðri, Bergvík GK 55 tonn
í fimmtán, Halldór Afi GK 47 tonn í
24, Sunna Líf GK 45 tonn í fjórtán
og Hraunsvík GK 27 tonn í þrettán.
Reyndar kom smá leki að Hraunsvík
GK og var hann tekinn í slipp í Njarð-
víkurslipp,
Eins og fram kemur komið í
þessum pistlum þá hefur verið
fjallað um Grímsnes GK en hann
er kominn á ufsann og hefur gengið
feikilega vel. Grímsnes GK er kominn
í 111 tonn í sex róðrum og þar af
landaði báturinn 88 tonn í aðeins
fjórum róðrum og mest 28 tonn í
einni löndun.
Erling KE er kominn í slippinn í
Njarðvík en hann var á grálúðuneta-
veiðum í sumar og var á veiðum fyrir
Brim HF, sem áður hét HB Grandi.
Togarinn Berglín GK er líka
kominn í slippinn en þessi togari
komst í fréttirnar þegar að áhöfn
skipsins tók til sinna ráða og mót-
mælti því að Nesfiskur borgaði þeim
það lágt verð fyrir rækjuna svo hún
ákvað að sigla togaranum tómum til
Njarðvíkur. Þar lá togarinn í hátt í
fjórar vikur en fór svo á rækjuveiðar
um miðjan júlí. Togarinn mun fara á
botnfiskveiðar eftir slippinn, enda
er skipið með úthlutað 1.434 tonna
kvóta.
Aðeins út í kvótann. Sóley Sigur-
jóns GK er með 4.124 tonna kvóta,
Pálína Þórunn GK 1.669 tonna kvóta,
Erling KE 1.688 tonna kvóta, Sigur-
fari GK 2.927 tonna kvóta, Grímsnes
GK 178 tonna kvóta og af því er 85
tonna rækjukvóti, Sturla GK, nýi tog-
báturinn sem Þorbjörn á með, 3.392
tonna kvóta og Jóhanna Gísladóttir
GK 3.951 tonna kvóta.
Í rafrænni útgáfu Víkurfrétta fylgir
með myndband sem var tekið þegar
að netabáturinn Maron GK er að
koma til hafnar í Njarðvík en þessi
bátur er smíðaður árið 1955 og er
einn af elstu stálbátunum á Íslandi
í útgerð í dag.
Gísli Reynisson
gisli@aflafrettir.is
Berghólabraut 7 // 230 Reykjanesbær // sími 421 8010 // netfang kalka@kalka.is // www.kalka.is
Kalka leitar að fjölhæfum starfskrafti
Nánari upplýsingar um starfið veitir Davor Lucic í síma
843 9213 eða tölvupósti, davor@kalka.is.
Umsóknarfrestur er til og með 15. september.
Umsókn skal fylgja starfsferilskrá. Þeir sem það kjósa
geta sótt umsóknareyðublað á www.kalka.is.
Umsókir skal senda
Kölku Sorpeyðingarstöð, Berghólabraut 7,
230 Reykjanesbæ eða með tölvupósti á davor@kalka.is.
Kalka sorpeyðingarstöð sf. óskar að ráða fjölhæfan starfsmann til starfa við móttökuplan og
brennslustöð fyrirtækisins í Helguvík. Starfið felur meðal annars í sér þjónustu við viðskiptavini,
flutning og meðhöndlun úrgangs innan athafnasvæðis Kölku, vigtun efnis og þátttöku í
umbótaverkefnum. Auk vinnu í Helguvík getur starfið krafist þess að starfsmaður sinni
verkefnum á móttökuplönum fyrirtækisins í Grindavík og Vogum.
Kalka er opin um helgar svo starfið krefst viðveru utan dagvinnutíma.
Við leitum að einstaklingi sem ...
... hefur áhuga á að sinna fjölbreyttum verkefnum
í umhverfi í stöðugri mótun.
... nýtur sín við framlínustörf og meðal viðskiptavina
en einnig í skrifstofuumhverfi.
... hefur ástríðu fyrir stöðugum umbótum
og vill gera betur í dag en í gær.
Kröfur um menntun og hæfni:
Góð almenn menntun. Bílpróf er skilyrði.
Góð íslenskukunnátta er skilyrði.
Almenn tölvufærni er mikill kostur.
Réttindi sem löggiltur vigtarmaður er kostur.
Vinnuvélaréttindi eru kostur.
Kalka sorpeyðing sf. er fyrirtæki í eigu sveitarfélaganna Reykjanesbæjar,
Grindavíkurbæjar, Suðurnesjabæjar og Voga. Fyrirtækið annast sorphirðu
á svæðinu, í samvinnu við verktaka, rekur móttökuplön í Helguvík,
Grindavík og Vogum og sorpbrennslu í Helguvík.
Kalka annast söfnun á endurvinnsluefni og miðlar því til samstarfs-
og endurvinnsluaðila. Hjá Kölku starfa að jafnaði um 20 manns.
Meðhöndlun úrgangs frá heimilum og fyrirtækjum hefur breyst ört
undanfarin ár og ljóst er að þróunin mun áfram verða hröð á komandi
árum. Miklar breytingar eru að verða í ytra umhverfi, með lögum og
reglugerðum um úrgangsmál og væntingar eigenda og viðskiptavina
Kölku um ábyrga meðhöndlun úrgangs breytast hratt.
Verkefnin framundan eru því mörg og fjölbreytt.
aFlaFrÉttir á suðurNesJuM Í 40 ár // 25