Freyr - 15.12.1967, Blaðsíða 50

Rannsóknarstöðin og íbúðarhús verkstjóra (t. v.). Fjallshlíðin á bak við gefur mögnleika á ræktunartil-
raunum og veðurfarsathugunum í mismunandi hæð yfir sjó.
gott — einnig á sviði skógræktar. Dæmi um
það eru skipti á skógræktarfólki, sem kom-
in eru í fast form og eiga sér einmitt stað
nú á þessu ári.
Eflaust hefur það ekki verið auðvelt
verk, að finna skógræktarstöðinni stað, en
mér virðist umhverfið hér við Mógilsá fag-
urt. Það er full ástæða að ætla að hér verði
komizt að þeim niðurstöðum, sem unnt
verður að byggja á — niðurstöðum, sem
verða mikilvægar fyrir skógræktarstarf á
íslandi og einnig í öðrum löndum.
Ég óska þeim, sem hér koma til með að
vinna, farsældar í störfum og í rannsóknum.
íslandi óska ég til hamingju með skógrækt-
ina og hina nýju skógræktarstöð."
Hákon Guðmundsson, formaður stjórn-
arnefndar norsku þjóðgjafarinnar, opnaði
vígsluna, og rakti sögu málsins og athafna-
feril, en er hans tign Haraldur ríkisarfi
hafði vígt stöðina til starfa veitti Ingöljur
512
Jónsson, landbúnaðarráðherra, henni mót-
töku fyrir hönd ríkisstjórnarinnar, og
þakkaði þann vinarhug, sem norska þjóð-
in hefur sýnt okkur með rausnarlegri gjöf,
sem treysta skal hornsteina þeirrar reynslu
og þekkingar, sem nauðsynlega þurfa til
þess að vinna traust og árangursríkt starf
í ræktun skóga á íslandi
Ríkið lagði til jörðina, en byggingar eru
reistar fyrir þjóðargjöfina. Og nú er starf-
ið á Mógilsá að hefjast. Til þess að stýra
þar störfum hefur skógfræðingurinn Hauk-
ur Ragnarsson, verið ráðinn. Þar á að fram-
kvæma bæði tilraunir og rannsóknir um
ókomin ár og FREYR á nærtækt hlutverk
að segja frá, í stuttu máli, hvað þar er á
dagskrá, og svo hvernig þar verður unnið
að framtíðarhlutverkum á því sviði rækt-
unar hér á landi, sem heitir skógrækt. Lát-
um við því Hauk Ragnarsson segja frá.
—o—
F R E Y R