Skessuhorn - 03.06.2020, Side 4

MIÐVIKUDAGUR 3. júnÍ 20204
Garðabraut 2a - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til kl. 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 3.590 krónur með vsk. á mánuði. Elli- og örorkulífeyrisþegar greiða
kr. 3.100. Rafræn áskrift kostar 2.815 kr. Rafræn áskrift til elli- og örorkulífeyrisþega er 2.595 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 950 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Kristján Gauti Karlsson kgauti@skessuhorn.is
Anna Rósa Guðmundsdóttir arg@skessuhorn.is
Gunnhildur Lind Hansdóttir glh@skessuhorn.is
Auglýsingar og dreifing:
Hrafnhildur Harðardóttir auglysingar@skessuhorn.is
Umbrot og hönnun:
Ómar Örn Sigurðsson umbrot@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Ship-o-hoj
Fátt minnir meira á sæinn og líf hins knáa íslenska sjómanns en lag
Oddgeirs Kristjánssonar Ship-ohoj, sem hann samdi við ljóð Lofts
Guðmundssonar. Þessi meistari íslenskra sjómannasöngva samdi að
minnsta kosti hálft hundrað þekktra slagara á borð við; Ég veit þú kem-
ur, Meira fjör og mörg fleiri sem fyrir löngu eru orðin hluti af þjóð-
arsálinni. Mörg eru þessara laga samin í tilefni þjóðhátíðar í Eyjum,
en tengjast lífi sjómanna og þeirra fólks, enda enginn staður á landinu
meira háður útvegi og nálægðinni við hafið. „Sjómannslíf, sjómannslíf,
draumur hins djarfa manns, blikandi bárufans, býður í trylltan dans...“
Hvílíkur snilldar kveðskapur.
Framundan er frídagur sjómanna. Víða verða hátíðarhöld lág-
stemmdari en venja er, en það helgast af Covid. útgerðir og áhafn-
ir skipanna hafa farið mjög varlega í landlegum á síðustu vikum og
mánuðum til að lágmarka hættuna á að fá veiruna um borð í skipin.
Ströngum reglum hefur verið fylgt og tekist að koma í veg fyrir smit í
flestum tilfellum. Mikið var í húfi fyrir heilsu sjómanna en sömuleiðis
afkomu þeirra og útgerðanna. Sem betur fer er nú veiran á undanhaldi
hér á landi, en þó greinist eitt og eitt smit og því full ástæða til að halda
áfram vöku sinni. Því skil ég mætavel að fjölmennustu hátíðahöldunum
sé víða sleppt. Sjálfur myndi ég ekki vilja taka þátt í slíkri hóphátíð við
þessar aðstæður og hygg að það eigi við um flesta.
En þótt hátíðarhöld verði hófstilltari er samt engin ástæða til annars
en að hefja á loft það sem sjómenn eru að gera fyrir land sína og þjóð.
nú þegar ferðaþjónusta er í tímabundinni lægð er útflutningur sjávar-
afurða það sem í raun brauðfæðir þessa þjóð. Lyft hefur verið grettis-
taki í að auka verðmæti þess afla sem á land kemur og bæði búnaður
í skipum og í landvinnslunni allt annar og betri en þekktist fyrir ekki
svo löngu. Þar eiga Vestlendingar vissulega hlut að máli. Ég nefni ofur-
kælibúnað sem Skaginn 3X framleiðir og selur út um víða veröld, nú
eða Marel sem sömuleiðis er í fararbroddi í þróun. Ekki er langt síðan
opnuð var fullkomnasta landvinnsla í heimi vestur í Grundarfirði sem
meðal annars er skrautfjöður Marel. Þangað komu þrjú ný skip á síð-
asta ári, hvert öðru fullkomnara. Smæstu bátar róa nú með ís til veiða
að morgni og koma með ferskari og betri fisk að landi. Allt þetta skiptir
máli því fólk er meðvitað um að gæðin skipta öllu máli til að íslensk-
ur fiskur skipi sér í röð besta og ferskasta fisksins sem í boði er á hin-
um stóra heimsmarkaði. Þegar gæðin eru annars vegar erum við hreint
engin smáþjóð.
Í Sjómannadagsblaði sem að venju fylgir Skessuhorni á þessum árs-
tíma, knýjum við dyra hjá nokkrum sjómönnum. Fáum að forvitnast
um líf þeirra og störf, verkefnin nú og áður. Ég vil nota þetta tækifæri
til að þakka þeim sem vildu gefa lesendum innsýn í störf sín. Við ræð-
um bæði við menn sem eiga kvóta og þá sem ekki eru svo gæfusamir.
Við ræðum við fulltrúa smábátasjómanna, strandveiðikarlana, trillu-
karlana og grásleppuveiðimennina, en einnig þá sem lokið hafa farsælli
starfsævi.
Þrátt fyrir allar þær tækniframfarir, kenndar við fjórður iðnbylt-
inguna, sem hratt eru að breyta sumum atvinnugreinum og leggja aðr-
ar niður, verður það seint sem tæknin leysir mannshöndina af hólmi
þegar útgerð er annars vegar. Það þarf áfram að sækja sjóinn. Róa til
fiskjar, færa björg í bú. Áfram munu íslenskir sjómenn því gegna lykil-
hlutverki við að gera okkur sem þjóð einstaka í hópi þjóða. Þeim til-
einkum við næstu helgi og sendum hlýjar kveðjur til sjómanna og fjöl-
skyldna þeirra. Ship-o-hoj!
Magnús Magnússon
Ferjunni Baldri verður siglt eina
ferð á dag yfir Breiðafjörðinn í sum-
ar, eftir að Sæferðum var tryggð-
ur sérstakur styrkur til siglinganna.
Mannlíf greindi fyrst frá. Baldri
hefur verið siglt yfir Breiðafjörð-
inn með ríkisstuðningi á veturna
en á markaðsforsendum á sumrin.
Töldu Sæferðir, sem reka ferjuna,
ekki grundvöll fyrir ferjusigling-
um nú í sumar vegna hruns í komu
ferðamanna til landsins. Því var út-
lit fyrir að ekkert yrði siglt, þar til
stjórnvöld komu að málinu. Fyrir
helgi var svo samið við Vegagerð-
ina um sérstakt framlag sem tryggir
siglingar í sumar.
Farin verður ein ferð á dag milli
Stykkishólms og Brjánslækjar, með
viðkomu í Flatey, en ekki tvær eins
og verið hefur undanfarin sumur.
Þó er gert ráð fyrir því að hægt
verði að bæta við um fimmtán au-
kaferðum á álagstímum í sumar.
kgk
„Hérna í Dölunum var helgin
með ágætum þrátt fyrir smá skúri
á köflum,“ segir jóhanna María
Sigmundsdóttir, verkefnastjóri at-
vinnu-, markaðs- og ferðamála
hjá Dalabyggð. „Það var margt
um manninn á Erpsstöðum þeg-
ar kýrnar fóru út á laugardegin-
um. Þá voru allir sem mættu mjög
hrifnir af tónleikum Ívu og Más á
sveitasetrinu að Vogi, en þar tóku
þau vel valin lög og héldu uppi
léttri stemningu fram eftir laugar-
dagskvöldi.“
Þá segir jóhanna María að Ei-
ríksstaðir og Dýragarðurinn á
Hólum hafi tekið vel á móti gest-
um og var gaman að sjá hversu
margir dvöldu á tjaldsvæðinu í
Búðardal um helgina. „Rigning-
in var nokkuð tillitssöm á sunnu-
deginum og fór ekki að láta á sér
kræla fyrr en brauðbakstri á Ei-
ríksstöðum var lokið og ganga átti
frá varðeldinum. Það má segja að
hvítasunnuhelgin sé fyrsta ferða-
helgi sumarsins og að hún hafi
verið gott upphaf á ferðasumri í
Dölum,“ segir jóhanna María.
mm
nýr ærslabelgur er kominn upp á
Merkurtúni á Akranesi. Belgurinn
var settur í gang fyrir síðustu helgi
og er hann ætlaður fólki á öllum
aldri sem hefur áhuga á að hoppa
og leika sér.
nú eru tveir Ærslabelgir á Akra-
nesi, einn við Akraneshöll og ann-
ar á Merkurtúni. Ærslabelgurinn
er vinsælt leiktæki meðal barna
og er hann opinn frá klukkan
08:00-23:00 alla daga frá maí til
september. „Mikilvægt er að virða
reglur og umgengi þarna í kring til
þess að koma í veg fyrir slys. Það
má t.d. ekki fara á belginn í rign-
ingu, bannað að hoppa með eitt-
hvað oddhvasst eða keyra á skelli-
nöðrum eða vespum yfir belg-
inn. Þá er ekki leyfilegt að borða
á belgnum, hoppa í skóm eða vera
með gleraugu á sér á meðan verið
er að hoppa,“ segir í tilkynningu frá
Akraneskaupstað. mm
Baldur leggur úr höfn í Stykkishólmi á blíðviðrisdegi. Ljósm. úr safni/ sá.
Baldur fer eina ferð á dag í sumar
Líf og fjör í Dölunum um
hvítasunnuhelgina
Kýrnar skvettu úr klaufunum, frelsinu fegnar, á Erpsstöðum. Þar fylgdist hópur fólks með. Ljósm. JMS
Ærslabelgur kominn á Merkurtún