Skessuhorn - 28.10.2020, Side 6

MIÐVIKUDAGUR 28. oKtÓBER 20206
Endurnýja
búningsklefa
AKRANES: tilboð voru
opnuð í endurnýjun bún-
ingsklefa íþróttahússins á
Jaðarsbökkum á Akranesi
13. nóvember síðastliðinn.
Kostnaðaráætlun verksins
hljóðaði upp á rúmar 22,9
milljónir króna. tvö tilboð
bárust og voru þau kynnt
á fundi skipulags- og um-
hverfisnefndar mánudag-
inn 19. október. Lægra boð-
ið átti Skagaver ehf., upp á
rétt tæplega 21,5 milljón-
ir króna en GS Import bauð
24,5 milljónir rúmar. Sviðs-
stjóra var falið að ganga til
samninga við lægstbjóðanda,
Skagaver ehf., að uppfylltum
útboðskröfum. -kgk
Þriðjungur hef-
ur nýtt ferða-
gjöf
LANDIÐ: Síðastliðinn
miðvikudag höfðu 170 þús-
und manns sótt ferðagjöf
stjórnvalda, fimm þúsund
króna styrk til kaupa á ein-
hvers konar ferðaþjónustu.
Af þeim höfðu 119 þúsund
nýtt ferðagjöfina fyrir alls
um 848 milljónir króna. Það
samsvarar því að þriðji hver
Íslendingu hafi nýtt hana.
Flestir hafa nýtt ferðagjöf-
ina til kaupa á gistingu, eða
32%. Í veitingageirann fóru
28%, til kaupa á afþreyingu
27% og til samgangna 12%.
-mm
Spólað við
Miðgarð
HVALFJ.SV: Neyðarlínu
barst tilkynning þriðjudag-
inn 20. október kl. 20:00
um bifreiðar sem spóluðu í
hringi á bílastæði við félags-
heimilið Miðgarð í Hval-
fjarðarsveit. Hafði hring-
spólið staðið í nokkurn tíma
þegar lögregla skarst í leik-
inn, stöðvaði hringspólið
og veitti ökumönnum bif-
reiðanna tiltal. Að sögn lög-
reglu er algengt að tilkynn-
ingar berist um hringspól á
opnum svæðum, svo sem við
verslanir og víðar. -frg
Ekið of hratt
við Ketilsflöt
AKRANES: Síðastliðin
miðvikudag var myndavéla-
bifreið lögreglunnar lagt á
móts við leikskólann Garða-
sel við Ketilsflöt á Akranesi.
Bifreiðin stóð við leikskólann
í eina klukkustund, á milli kl.
15:00 og 16:00. Alls óku 288
bifreiðar fram hjá myndavél-
inni á þessari klukkustund.
teknar voru alls 59 myndir
af bílum sem óku of hratt. Af
þeim fá sex ökumenn senda
mynd af sér og bílnum og
geta búist við vænni sekt fyr-
ir hraðaksturinn. -frg
Ekki vitað til að
fólk smitist af riðu
í sauðfé
LANDIÐ: Af gefnu tilefni hefur
Matvælastofnun vakið athygli á
upplýsingasíðu um riðuveiki á vef
stofnunarinnar. Þar eru m.a. upp-
lýsingar um eðli smitefnis riðu,
einkenni veikinnar, smitleiðir og
til hvaða aðgerða er gripið þeg-
ar smit greinist. Þar kemur fram
að engar vísbendingar eru um að
fólki stafi hætta af snertingu við
riðusmitað fé né neyslu afurða
þess, svo sem kjöts, innmatar og
mjólkur. „Hvorki neytendur né
fólk sem starfar á sauðfjárbú-
um eða í sláturhúsum er í hættu
vegna riðuveiki í sauðfé,“ segir í
tilkynningu frá MASt. -mm
Varaforsetum ASÍ
fjölgað í þrjá
LANDIÐ: Síðastliðinn miðviku-
dag fór 44. þing Alþýðusambands
Íslands fram. Fyrirkomulagið
var óhefðbundið en 300 manns
komu saman á fjarfundi. Lögum
var breytt í þá veru að varafor-
mönnum sambandsins var fjölg-
að úr tveimur í þrjá. Í kosningu
um þetta nýja embætti var aðeins
Ragnar Þór Ingólfsson í fram-
boði og var hann því sjálfkjör-
inn. Ekki bárust nein mótfram-
boð um embætti forseta ASÍ, 1.
varaforseta né 2. varaforseta og
eru Drífa Snædal, Kristján Þórð-
ur Snæbjarnarson og Sólveig
Anna Jónsdóttir því sjálfkjörin í
þau embætti. Þá voru ellefu ein-
staklingar, sem kjörnefnd gerði
tillögu um, sjálfkjörnir sem aðal-
menn í miðstjórn þar sem engin
mótframboð bárust. -mm
Undir kvöld sunnudaginn 18. októ-
ber kom upp eldur í íbúðarhúsinu
á bænum Augastöðum í Hálsa-
sveit í Borgarfirði. Húsið varð fljótt
alelda. Húsmóðirin, Jóhanna Guð-
rún Björnsdóttir, var ein í húsinu
þegar eldurinn kom upp og lést hún
í brunanum. Jóhanna var sjötug að
aldri, fædd 5. desember 1949. Hún
lætur eftir sig eiginmann, Snorra
Jóhannesson, fjögur uppkomin
börn og fjölskyldur þeirra. Í brun-
anum missti Snorri ekki einungis
ástvin og lífsförunaut, heldur auk
þess íbúðarhús sitt og allt innbú.
Að frumkvæði vina og ættingja
Snorra á Augastöðum var í síðustu
viku hrundið af stað fjársöfnun til
að gera eftirleikinn bærilegri. Árdís
Kjartansdóttir mágkona hans fylgir
söfnuninni úr hlaði og ritar:
„Það má með sanni segja að árið
2020 sé „Annus horribilis“ í lífi
fjölskyldunnar frá Augastöðum.
Eins og margir hafa frétt, varð sá
hræðilegi atburður síðasta sunnu-
dag að íbúðarhús Snorra mágs míns
og Hönnu svilkonu að Augastöð-
um í Borgarfirði, brann til grunna
og elsku Hanna fórst í brunanum.
Snorri hefur því ekki einungis misst
lífsförunaut sinn, heldur heimili og
allar eigur.
Allmargir hafa haft samband,
bæði við okkur og aðra í ættingja-
og vinahópi Snorra og Hönnu.
Þetta góða fólk vill leggja sitt af
mörkum til að gera eftirleikinn
bærilegri fyrir Snorra. Þau heiðurs-
hjón voru enda vinamörg, sem ekki
er að undra; elskuleg, hjálpsöm,
röggsöm, dugleg, brosmild, hlát-
urgjörn og hörkuduglegt eðalfólk.
Frábærlega gestrisin og skemmti-
leg heim að sækja á Augastaði. (Það
fyrsta sem mér kemur einmitt í hug
þegar ég minnist Hönnu er dill-
andi hlátur hennar),“ skrifar Árdís.
til að svara þessu kalli hefur verið
stofnaður styrktarreikningur í nafni
Snorra.
Reikningsnúmerið er:
0322-13-400032 og kennitalan:
211247-3049.
mm
Starfsmenn Norðuráls samþykktu
nýjan kjarasamning við fyrirtæk-
ið með afgerandi meirihluta, eða
89,2% greiddra atkvæða. Alls voru
8% andvíg en 2,8% tóku ekki af-
stöðu til samningsins, að því er
fram kemur á vef Verkalýðsfélags
Akraness. Þátttaka í kosningunni
um kjarasamningin var afar góð.
Alls greiddu 399 manns atkvæði,
eða 88,% þeirra sem voru á kjör-
skrá.
Vilhjálmur Birgisson, formað-
ur Verkalýðsfélags Akraness, lýsir
ánægju sinni með niðurstöðu at-
kvæðagreiðslunnar á vef félagsins
og þakkar starfsfólki Norðuráls fyr-
ir samstöðuna og veittan stuðning
í erfiðum kjaraviðræðum, en þær
stóðu yfir í tíu mánuði.
Eins og greint var frá í Skessu-
horni í síðustu viku kveður kjara-
samningurinn á um sams konar
launahækkanir og tilgreindar eru
í lífskjarasamningnum svokallaða.
Heildarlaun vaktmanns á byrjun-
artaxta munu til að mynda nema
um 686 þúsund krónum á mánuði,
sem er 43 þúsunda króna hækkun,
og heildarlaun vaktmanna á tíu ára
taxta munu nema um 825 þúsund
krónum, sem samsvarar um 52 þús-
unda króna hækkun á mánuði. Þá
er einnig kveðið á um það í nýjum
kjarasamingi að komið verði á átta
stunda vaktakerfi í álverinu eigi síð-
ar en 1. janúar 2022, eins og áður
hefur verið greint frá í Skessu-
horni.
kgk
Níutíu prósent fylgjandi
nýjum samningi
Glaðbeittir starfsmenn Norðuráls á Grundartanga. Ljósm. úr safni.
Fjallasýn frá bæjarhlaðinu á
Augastöðum. Ljósm. mm.
Í gangi er söfnun til stuðnings
Snorra á Augastöðum