Skessuhorn - 28.10.2020, Blaðsíða 35

21
Á tólf ára tímabili frá 2006 til 2018 var Magnús B Jóns-son, fyrrverandi skólastjóri
á Hvanneyri, formaður stjórnar
Brákarhlíðar. Hann var því í for-
svari fyrir starfsemina á einu mesta
uppbyggingartímabili í sögu heim-
ilisins. Ný stjórn tók við sum-
arið 2006, skipti með sér verk-
um; stjórn sem að meirihluta var
óbreytt næstu tólf árin og skilaði af
sér góðu verki.
„Þegar við tókum við voru það
mörg og stór verkefni sem biðu
nýrrar stjórnar, bæði gömul og ný.
Haldið var áfram vinnu fráfarandi
stjórnar sem fólst í að þoka áfram
húsnæðismálum dvalarheimilisins,
fjölga hjúkrunarrýmum og
endurbótum á þáverandi húsnæði.
Lítið þokaðist í því máli í fyrstu
og engar fjárveitingar voru til
okkar í sjónmáli,“ rifjar Magnús
upp. „Þrátt fyrir þetta var ákveðið
að berjast áfram enda þörfin
brýn, leita annarra leiða, ýtt
var á ríkisvaldið og beðið þess
að það rumskaði. Sparisjóður
Mýrasýslu var tilbúinn að
koma að stækkun heimilsins
og sömuleiðis sveitarfélögin
sem standa að því. Ákveðið var
að hefja hönnunarvinnu við
byggingu nýrrar hjúkrunarálmu
og endurbóta á eldra húsnæði
síðsumars 2007. Gert var
samkomulag við Einar
Ingimarsson arkitekt og VSÓ -
verkfræðistofu um alla hönnun.
Nú kom byggingasjóður
heimilisins í góðar þarfir en
enga utaðkomandi fyrirgreiðslu
þurfti til þess að fjármagna
hönnunarvinnuna í upphafi,“ rifjar
Magnús upp.
Áformin metnaðarfull
Magnús segir að á þessum
tíma hafi mikið verið rætt um
samþættingu öldrunarþjónustu
og hafði dvalarheimilið
frumkvæði af að koma af stað
stefnumótunarvinnu um málefni
aldraðra á starfssvæðinu. „Í þeirri
vinnu kom skýrt fram að skortur
var á þjónustuíbúðum fyrir aldraða
og í því skyni létum við hanna
nokkrar tillögur að íbúðablokk á
lóðinni við Borgarbraut 63 og leita
samstarfsaðila til þess að hrinda
málinu í framkvæmd. Ekkert
varð af þessum áformum vegna
utanaðkomandi aðstæðna. Á árinu
2007 var Björn Bjarki Þorsteinsson
svo ráðinn nýr framkvæmdastjóri
og kom til starfa í vikunni
fyrir bankahrun, 1. október.
Nýbygging við dvalarheimilið og
endurbætur hins eldra húsnæði var
nú megin viðfangsefni stjórnar.
Hönnunarvinnu miðaði vel og
byggingarnefndarteikningar
tilbúnar á fyrri hluta árs 2008.
Áformin voru metnaðarfull
og í anda stefnumótunar um
framtíðar hlutverk Brákarhlíðar í
öldrunarþjónustu héraðins. Auk
hjúkrunarálmu var gert ráð fyrir
samkomusal og tómstundaðstöðu
fyrir utanaðkomandi auk
heimilsmanna. En þá kom hrunið
og öll áformin urðu strax í
uppnámi. Nú þurfti nýja nálgun.
Þar kom sér vel að ráðherra
málaflokksins sagði engan bilbug
á þeirri ætlan sinni að fjölga
hjúkrunarrýmum þrátt fyrir
stöðuna,“ rifjar Magnús upp, en
ráðherrann sem um ræðir var Árni
Páll Árnason félagsmálaráðherra.
Reistum burst
Magnús rifjar upp að á þessum
tímapunkti hafi skotið upp
kollinum svokölluð leiguleið og
enn kom því upp ný staða. „Þegar
nánari útfærsla hinnar svokölluðu
leiguleiðar lá fyrir skyldi einungis
samið við sveitarfélög, en ekki
sjálfseignarstofnanir. Varð því
að gera sérstakt samkomulag
við aðildarsveitarfélög að
dvalarheimilinu um hvernig
aðkoma okkar í stjórn heimilisins
yrði að framkvæmdunum.
Þann 25. maí 2010 voru svo
undirritaðir samningar á
milli félagsmálaráðuneytis
og Borgarbyggðar um
verkefnið og jafnframt
samningur milli heimilisins og
aðildarsveitarfélaganna þriggja um
að framkvæmdirnar yrðu á forræði
dvalarheimilisins. Stjórnin ákvað
í kjölfarið að efna til lokaðrar
verðkönnunar á heimamarkaði og
tveir aðilar skiluðu verðtilboðum.
Við fengum athugasemdir og
„vinsamlegar“ ábendingar að þetta
væri ekki samkvæmt reglum. Við
reistum burst og sögðumst í fullum
rétti enda sambærileg dæmi tiltæk.
Varð ekki af frekara skaki,“ rifjar
Magnús upp.
Farið af stað eftir hrun
Í framhaldi af verðkönnun á
heimamarkaði var samið við
Byggingafélagið Borgfirðing
ehf. um stækkun Brákarhlíðar.
Fyrirtækið var stofnað sérstaklega
um verkefnið af verktökum í
héraði. Samningar við verktakana
voru undirritaðir 26. ágúst
2010 og fyrsta skóflustunga
tekin sama dag. Það voru þau
Herdís Guðmundsdóttir frá
Hóli í Norðurárdal og Þórður
Kristjánsson frá Hreðavatni sem
sáu um það verk. Verklok voru
áætluð á miðju sumri 2012. Nú
voru tímamót og mikill léttir að
komast af stað með framkvæmdir.
Þær gengu áfallalaust, að
undanskildum nokkrum töfum
í upphafi, en verkinu miðaði
samkvæmt áætlun bæði hvað
varðaði tíma og kostnað. Samskipti
við verktaka gengu vel í alla staði.
Það var svo 14. júlí árið 2012 sem
við fengum hjúkrunarálmuna
formlega afhenta, fullbúna og fyrir
það verð sem í upphafi var ætlað.“
Eldra húsnæði lagfært
Þegar nýbygging við Brákarhlíð var
fullbúin og tekin í notkun hófust
endurbætur á eldra húsnæði strax á
árinu 2012. „Samið var að nýju við
Byggingafélagið Borgfirðing um
þá framkvæmd einnig og var fyrri
áfanga verksins skilað í júní 2013.
Verktakinn afhenti okkur húsnæðið
til notkunar 17. júní 2014. Þá
voru eftir nokkrar innansleikjur
innanhúss og verkþættir utanhúss.
Lokaskýrsla vegna endurbótanna
var svo gefin út í júní 2015. Þar
með lauk nærri fimm ára samfelldu
uppbyggingartímabili í Brákarhlíð
sem skapað hefur heimilisfólki og
starfsfólki heimilisins gjörbreytt
umhverfi í alla staði. Endurbætur
eldra húsnæðisins reyndust mjög
flókið og erfitt verkefni og oft
var um að litast eins og á vígvelli
á framkvæmdasvæðinu. Í þessum
aðstæðum var starfsfólki ætlað
að starfa, heimilisfólki að una
og verktökunum að sinna sínum
verkum. Aldrei heyrðust þó úrtölu-
eða óánægjuraddir. Í mestri eldlínu
stóðu þó framkvæmdastjóri okkar
sem var vakinn og sofinn yfir
þessu verkefni frá fyrstu stundu
og byggingastjórinn Aðalsteinn
Kristjánsson sem unnið hafði það
vandasama verk að stýra erfiðu og
flóknu verki og leitt það með sinni
styrku hendi allan ferilinn að því
lokamarki sem nú er raunin.“
Magnús segir að framkvæmdir
við endurbætur heimilisins hafi
verið fjármagnaðar með eigin fé
úr byggingarsjóði heimilisins,
framlagi frá Framkvæmdasjóði
aldraðra, lánsfé og sölu eigna.
„Þegar ákveðið var að hefjast
handa um endurbætur á húsnæði
dvalarheimilisins var ljóst að flytja
þyrfti heimilisfólk og til þess að
tryggja húsrými voru keyptar þrjár
eignir við Ánahlíð. Þær eignir voru
svo seldar þegar framkvæmdum var
lokið.
Stækkað um 60% á
starfstímanum
Fyrrum formaður stjórnar
rifjar það upp að rekstur
Brákarhlíðar hafi allt hans
tímabil í stjórn verið frekar
þungur og hafi þar margt komið
til. „Framkvæmdaárin sköpuðu
ekki skilyrði til hagræðingar
og voru í mörgu útlátasöm.
Eftir að framkvæmdunum lauk
og nýtt húsnæði var komið
í fulla notkun voru gerðar
margvíslegar breytingar til að
efla og styrkja reksturinn. Allar
greiningar sýna að vandi okkar
er fyrst og fremst tekjuvandi
sem skýrist af því að ríkið sinnir
ekki þeirri grunnskyldu sinni
að veita nægjanlegu fjármagni
til málaflokksins til samræmis
við þær kröfur sem það leggur
á rekstaraðilana. Brákarhlíð er
mjög vel í stakk búin til þess
að auka umsvifin í starfsemi
sinni sem myndi bæta þjónustu
við þurfandi hóp fólks. Við
getum með litlum tilkostnaði
fjölgað hjúkrunarrýmum. Þessir
möguleikar hafa ítrekað verið
tíundaðir fyrir ráðamönnum
en, enn sem komið er, lítil sem
engin viðbrögð fengið. Nokkuð
hefur þó áunnist því nú eru hér
35 hjúkrunarrými, 17 dvalarrými
og fimm dagdvalarrými. Þá
hefur Landsspítalinn nýtt
þjónustu okkar hins vegna
svokallaðs „fráflæðivanda“ og
eru heimildir fyrir að taka á
móti tveimur einstaklingum.
Þegar uppbyggingin á nýju
hjúkrunarálmunni hófst voru
hér aðeins 22 hjúkrunarrými
og hefur þeim því fjölgað á
uppbyggingartímanum um tæp 60
prósent,“ rifjar Magnús B Jónsson
upp að endingu.
mm
Fimm ára samfellt uppbyggingartímabil
Magnús B Jónsson var formaður stjórnar Brákarhlíðar í tólf ár
Í maí 2010 var í Borgarnesi skrifað undir samninga vegna fyrirhugaðrar bygging-
ar 32 hjúkrunarrýma. Á myndinni eru ráðherra, stjórn DAB, sveitarstjóri og fram-
kvæmdastjóri DAB. F.v. Páll S. Brynjarsson, Guðsteinn Einarsson, Sæunn Oddsdótt-
ir, Jón G Guðbjörnsson, Þór Þorsteinsson, Magnús B Jónsson, Árni Páll Árnason og
Björn Bjarki Þorsteinsson.
Fyrstu skóflustungu að stækkun heimilisins tóku þau Herdís Guðmundsdóttir frá
Hóli í Norðurárdal og Þórður Kristjánsson frá Hreðavatni í ágúst 2010. Herdís var rétt
tæplega tíræð að aldri og Þórður tæplega níræður. Þeim til aðstoðar við stunguna var
svo Árni Páll Árnason félagsmálaráðherra.

Íbúar í Brákarhlíð, starfsfólk og gestir njóta góða veðursins og bíða hér eftir að fyrsta skóflustungan væri tekin að stækkun heimilisins síðsumars 2010.