Börn og menning - 2017, Blaðsíða 30

172 tímar á tunglinu
Johan Harstad
Þýðandi: Harpa Magnadóttir
Björt, 2016
Bókin 172 tímar á tunglinu, eftir Johan Harstad, kom
fyrst út á norsku árið 2008 og hlaut Brageprisen sama
ár. Bókin heitir á frummálinu Darlah ­ 172 timer på
månen, en í titlinum er vísað til geimstöðvarinnar
DARLAH, sem í söguheiminum er staðsett á tungl-
inu. Réttur til þýðinga hefur verið seldur til a.m.k. 16
landa, þar á meðal Íslands, en Bókabeitan gaf bókina
út á íslensku árið 2016 í þýðingu Hörpu Magnadóttur.
Vafasamt happdrætti
Bókin fjallar um þrjú ungmenni sem vinna í happdrætti
NASA, geimferðastofnunar Bandaríkjanna, og fá að fara
til tunglsins ásamt geimförum frá NASA. Antoine er 17
ára drengur frá París, sem sækir um til þess að komast
burt. Hann er í ástarsorg vegna þess að kærasta hans,
Simone, sagði honum upp fyrir annan. Hann tekur því
vægast sagt illa og er kominn á hættulega braut í sam-
skiptum þeirra. Antoine er farinn að sitja um Simone,
þegar hann fær þær fréttir að hann sé að fara til tunglsins.
Midori frá Japan vill ekki verða hefðbundin japönsk
húsmóðir þegar fram líða stundir og finnst hún þar að
auki ekki passa í hóp jafnaldra sinna, sem hafa lagt hana
í einelti árum saman. Hana dreymir um að flytja til
New York og hyggst nota tunglferðina sem stökkpall
þangað.
Mía er frá Noregi og hefur engan áhuga á að fara
til tunglsins. Foreldrar hennar hvetja hana til að sækja
um en hún aftekur það með öllu. Hún er söngkona í
hljómsveit og hefur nánast áráttukenndan áhuga á tón-
list. Foreldrum hennar finnst þetta of gott tækifæri til
að láta það sér úr greipum ganga, svo þau sækja um
fyrir hennar hönd án þess að láta hana vita. Þegar hún
fréttir að hún hafi verið valin verður hún fyrst öskureið,
en lætur svo að lokum til leiðast, í þeirri von að hljóm-
sveitin fái heimsathygli þegar hún kemur í fjölmiðlum
sem tunglfari.
Ungmennin þrjú fara í langa og stranga þjálfun hjá
NASA og kynnast vel þar. Mía og Antoine hafa áhuga
hvort á öðru, eins og gengur, og þar er komin ástarsagan
sem virðist vera ómissandi í ungmennabókmenntum
nútímans.
Tunglferðin sjálf gengur í fyrstu vel en þegar leið-
angursfólkið er búið að koma sér fyrir í geimstöðinni
DARLAH 2, rofnar sambandið við jörðina og miður
skemmtileg atburðarás fer af stað. Sagan verður af-
skaplega spennandi þegar ungmenni og geimfarar taka
höndum saman til að reyna að sigrast á öflum sem þau
gera sér enga grein fyrir hver eru í raun og veru.
Vísindafantasía?
Sagan er í sjálfu sér fremur einföld ferðasaga. Hún hefst
við skipulagningu og undirbúning ferðarinnar og nær
yfir nokkurn veginn sama tímaskeið og ferðin sjálf. Það
sem gerir söguna einstaka er hversu vel lesandinn nær
að tengja við persónur innan hennar. Lesandanum er
strax hleypt nálægt persónunum, hverri á fætur annarri
Um loft þú líður
Hildur Ýr Ísberg
Bækur