Bændablaðið - 15.04.2021, Blaðsíða 4

Bændablaðið | Fimmtudagur 15. apríl 20214
FRÉTTIR
Sigurbjörg og Friðrik hlutu nautgriparæktarverðlaun BSE fyrir árið 2019 fyrir afburða góðan rekstur og árangur í
sínum búskap. Með þeim á myndinni er Gunnhildur Gylfadóttir, fráfarandi formaður BSE. Mynd / BSE
Nautgriparæktarverðlaun BSE til Grundarbænda í Svarfaðardal:
Afburðagóður rekstur og árangur
Ábúendur á Grund í Svarfaðardal,
þau Sigurbjörg Karlsdóttir og
Friðrik Þórarinsson, hlutu naut­
griparæktarverðlaun Búnaðar­
sambands Eyjafjarðar fyrir árið
2019. Sigurbjörg er frá Hóli við
Dalvík og Friðrik frá Bakka. Þau
hófu búskap á Grund árið 1986.
Hafa þau búið þar síðan. Þau eiga
tvo syni og eina dóttur.
Friðrik og Sigurbjörg hófu fljót­
lega í sínum búskap framkvæmdir,
fjós var byggt árið 1990 til 1991 og
íbúðarhús 6 árum seinna. Með þá
ágætu aðstöðu bjuggu þau þar til
að tekið var til við byggingu á nýju
fjósi árið 2015. Í það var flutt réttu
ári síðar eða í mars 2016.
Nýja fjósið er með mjaltaþjóni
og úrvals aðstöðu fyrir dýr og
menn, allt hið snyrtilegasta líkt
og Grundarbænda er von og vísa,
snyrtimennska og góð umgengni
hefur ávallt einkennt þeirra störf.
Afurðir fóru að vaxa
Strax og flutt var í fjósið fóru af­
urðir að vaxa, sem þó höfðu verið
ágætar fyrir.
Árið 2017 voru afurðirnar komn­
ar í tæplega 8.000 kg/árskú og 16.
sæti á landsvísu. Á þeim þremur
árum sem skýrslur hafa verið gerð­
ar upp síðan, hefur búið verið með
ólíkindum stöðugt í afurðum og í
13., 10. og 11. sæti yfir landið með
rúmlega 8.000 og upp í 8.200 kg á
hverja kú, sem hafa verið á bilinu
53–54 á þessum tíma.
Kjötframleiðsla, kindur og hross
Einnig er talsverð kjötframleiðsla
á Grund og nautkálfar látnir lifa.
Slátrað er 20 til 25 gripum árlega til
kjötframleiðslu. Einnig eru á búinu
um 90 kindur og hrossarækt sem
skilað hefur góðum árangri og dóttir
þeirra hjóna gjarnan keppt á hestum
úr þeirra ræktun. Það má geta þess
að 1. verðlauna stóðhesturinn
Vængur frá Grund er í eigu þeirra.
/MÞÞ
Niðurstöður tilboðsmarkaðar með greiðslumark mjólkur:
Einungis 9 gild sölutilboð en 188 kaup-
tilboð á greiðslumarki mjólkur
– Óskað eftir 9.157.000 lítrum en 663.754 lítrar í boði, eða um 7% af eftirspurn
Tilboðsmarkaður með greiðslu­
mark mjólkur var haldinn 6.
apríl. Einungis 9 gild sölutil­
boð bárust atvinnu vega­ og
nýsköpun ar ráðuneytinu en 188
gild kaup tilboð.
Þetta er fyrsti markaður ársins
og viðskiptin taka gildi frá 1. janúar
síðastliðnum og getur kaupandi því
nýtt greiðslumarkið á yfirstandandi
framleiðsluári.
Sama hámarksverð
Núverandi fyrirkomulag með
greiðslumarkað í mjólkur fram­
leiðslu var komið á eftir endur­
skoðun búvörusamnings um
starfsskilyri í nautgriparækt sem
hófst árið 2019. Hámarksverð
greiðslumarks var ákveðið í júlí
á síðasta ári þegar sjávarútvegs­
og landbúnaðar ráðherra staðfesti
tillögu fram kvæmdanefndar
búvöru samninga um þrefalt
afurða stöðvaverð. Á markaðnum
nú var hámarksverð 294 krónur
á lítrann, eins og verið hefur á
undanförnum mörkuðum, og var
ekkert tilboð undir því verði.
Samkvæmt upplýsingum á vef
Landssambands kúabænda nam
magn þess greiðslumarks mjólkur
sem var í boði 663.754 lítrum, en
þess sem óskað var eftir að kaupa
9.157.000 lítrum. Það sem í boði
var nam því ekki nem aum 7% af
eftirspurninni.
Viðskipti voru með 663.590
lítra fyrir rúmar 195 milljónir
króna, en í reglum er gert ráð
fyrir sérstakri úthlutun til nýliða
sem nemur fimm prósentum af
sölutilboðum og voru nú 33.176
lítrar. Gild kauptilboð frá nýliðum
voru 19.
Að hámarki er hægt að óska
eftir 50.000 lítrum til kaups
á hverjum markaði og alls
150.000 lítrum árlega. Hlutdeild
framleiðanda eða framleiðenda
sem eru í eigu einstakra aðila,
einstaklinga, lögaðila eða tengdra
aðila má ekki nema hærra hlutfalli
en 1,2 prósentum af árlegu
heildargreiðslumarki mjólkur.
/smh/HKr.
Mikill áhugi er fyrir því meðal kúabænda að bæta við sig greiðslumarki en lítið til sölu. Mynd / smh
Kristján Þór Júlíusson sjávar­
útvegs­ og landbúnaðar ráðherra
hefur skipað Margréti Hólm
Valsdóttur nýjan formann
Matvælasjóðs í stað Grétu Maríu
Grétarsdóttur sem hætti fyrir
nokkru og hóf störf hjá Brimi.
Í tilkynningu úr atvinnuvega­
og nýsköpunarráðuneytinu kemur
fram að stefnt sé á að auglýsa eftir
umsóknum úr sjóðnum fljótlega en
sjóðurinn hefur ríflega 600 milljónir
til úthlutunar á þessu ári. Í desember
hlutu 62 verkefni úr sjóðnum.
Hlutverk Matvælasjóðs er að
styrkja þróun og nýsköpun við
framleiðslu og vinnslu matvæla úr
landbúnaðar­ og sjávarafurðum.
Margrét er útibússtjóri Íslandsbanka
á Húsavík, hún er viðskipta­
og iðnrekstrarfræðingur og er
með diplómu í ferðamálafræði.
Margrét hefur auk þess starfað
sem fjármálastjóri, hótelstjóri
og skrifstofustjóri og kom að
rekstri búsins að Gautlöndum í
Mývatnssveit um árabil.
Stjórn Matvælasjóðs er þannig
skipuð:
• Margrét Hólm Valsdóttir, án
tilnefningar, formaður.
• Gunnar Þorgeirsson, tilnefndur
af Bændasamtökum Íslands.
• Heiðrún Lind Marteinsdóttir,
tilnefnd af Samtökum fyrirtækja
í sjávarútvegi.
• Karl Frímannsson, án tilnefn­
ingar /smh
Margrét Hólm Valsdóttir er
nýr formaður Matvælasjóðs
Margrét Hólm Valsdóttir er nýr formaður Matvælasjóðs. Mynd / ANR
Ráðuneytið svarar erindi Félags atvinnurekenda:
Gjaldtaka fyrir tollkvóta er í
samræmi við stjórnarskrána
Atvinnuvega­ og nýsköpunar­
ráðuneytið (ANR) sendi frá sér
yfirlýsingu þriðjudagskvöldið
6. apríl þar sem brugðist er við
erindi Félags atvinnurekenda (FA)
til ráðuneytisins fyrr um daginn,
sem mótmælti verklagi við nýlega
auglýsingu og úthlutun tollkvóta.
Telur FA að gjaldtaka fyrir
tollkvóta sé óheimil. Í yfirlýsingu
ANR kemur fram að það sé
mat þess að nú sé kveðið með
skýrum hætti á um það í lögum
að skattskylda hvíli á þeim sem
fá úthlutað tollkvóta.
Auglýsing ANR um
tollkvóta, vegna innflutnings á
landbúnaðarvörum frá ríkjum
Evrópusambandsins, birtist á vef
ráðuneytisins 31. mars. Í erindi FA
er vísað til dóms Landsréttar frá
19. mars síðastliðnum sem féllst
á endurgreiðslukröfu Ásbjörns
Ólafssonar ehf. á ofteknum
gjöldum fyrir tollkvóta á árinu
2018. „Einróma og afdráttarlaus
niðurstaða Landsréttar í máli
Ásbjörns Ólafssonar ehf. gegn
íslenska ríkinu var að það
fyrirkomulag, sem var viðhaft við
útboð á tollkvóta fyrir búvörur
á árinu 2018, væri ólögmætt og
gengi gegn stjórnarskrá Íslands.
Sagði orðrétt í niðurstöðu
Landsréttar: „Álagning gjalda
þeirra sem málið varðar studdist
samkvæmt þessu ekki við lögmæta
skattlagningarheimild og var því
ógild.“ FA bendir í bréfi sínu til
ráðherra á að dómar Landsréttar
séu endanlegir og bindandi
fyrir málsaðila með þeirri einu
undantekningu að sækja megi um
áfrýjun þeirra til Hæstaréttar. Sé
slík beiðni samþykkt sé málið tekið
fyrir í Hæstarétti en þar til að nýr
dómur er kveðinn upp haldi dómur
Landsréttar gildi sínu og bindi, í
þessu tilfelli, stjórnvöld,“ segir á vef
FA um erindi þess til ráðuneytisins.
FA telur að ráðherra verði
að beita sér fyrir því að Alþingi
breyti búvörulögum á nýjan leik
eða úthluti tollkvótunum án
gjalda því annars sé um að ræða
skýrt ásetningsbrot ráðherra gegn
stjórnarskrá lýðveldisins.
Í samræmi við ákvæði
stjórnarskrárinnar
Í yfirlýsingu ráðuneytisins
kem ur fram að Alþingi hafi sam­
þykkt frumvarp til breytinga
á búvörulögum og tollalögum
17. desember 2019. Þar hafi sú
breyting verið gerð að mun skýrar
hafi verið kveðið á um það hvernig
sú fjárhæð sem tilboðsgjafar þurfa
að inna af hendi vegna tollkvóta
er ákveðin. „Þá kemur fram í
tímabundnu bráðabirgðaákvæði því
sem tók gildi sl. desember að verð
tollkvóta ráðist af fjárhæð tilboða
hverju sinni. Kvótanum verði fyrst
úthlutað til hæstbjóðanda, svo til
þess er næsthæst bauð og þannig
koll af kolli uns tiltækum kvóta hafi
verið úthlutað.
Í ljósi framangreinds er það mat
ráðuneytisins að nú sé kveðið á um
það með skýrum hætti í lögunum
hvernig útboði skuli háttað og
ákvæðið sé eftir breytingarnar
2019 í samræmi við ákvæði
stjórnarskrárinnar. Ekki sé því þörf
á lagabreytingum til að bregðast
við dómi Landsréttar,“ segir í
yfirlýsingunni.
Framhald málsins og möguleg
áfrýjun dóms Landsréttar er nú í
höndum ríkislögmanns. /smh