Morgunblaðið - 26.06.2021, Blaðsíða 4

4 FRÉTTIRInnlent
MORGUNBLAÐIÐ LAUGARDAGUR 26. JÚNÍ 2021
Annecy&Tossa deMar
sp
ör
eh
f.
Haust 11
Dásamleg ferð um frönsku Alpana, Katalóníu á Spáni
og Provence hérað í Suður-Frakklandi. Farið verður í
ævintýralegar ferðir þar sem við m.a. siglum á hinu heillandi
Annecy vatni, njótum lífsins í huggulega strandbænum Tossa
de Mar, heimsækjum glæsilegu heimsborgina Barcelona,
siglum til Lloret de Mar við Costa Brava ströndina og
skoðum gömlu rómversku borgina Orange í Frakklandi.
20. - 31. október
Fararstjóri: Þóra Björk Valsteinsdóttir
Bókaðu núna á baendaferdir.is
Sími 570 2790 | bokun@baendaferdir.is | Síðumúla 2, 108 Reykjavík
Verð: 269.900 kr. á mann í tvíbýli.
Mjög mikið innifalið!
Lilja Hrund Ava Lúðvíksdóttir
Þóra Birna Ingvarsdóttir
Öllum takmörkunum vegna kórónu-
veirufaraldursins var aflétt innan-
lands í dag. Ríkisstjórnin greindi frá
ákvörðun um það á blaðamanna-
fundi í gær. Þetta er í fyrsta sinn
síðan faraldurinn hófst í mars 2020
að engar takmarkanir eru í gildi
hans vegna hér innanlands. Áfram
verða viðhafðar ráðstafanir á landa-
mærunum fram eftir sumri.
Katrín Jakobsdóttir forsætisráð-
herra, Svandís Svavarsdóttir heil-
brigðisráðherra og Áslaug Arna
Sigurbjörnsdóttir dómsmálaráð-
herra tilkynntu um afléttingarnar.
Katrín þakkaði þjóðinni og sagði:
„Staðan hér á Íslandi er með besta
móti í alþjóðlegu samhengi.“
Svandís sagði að Ísland væri fyrst
Norðurlandanna til þess að aflétta
takmörkunum innanlands og jafnvel
fyrsta ríki Evrópu til að gera svo.
„Njótið sumarsins og takk fyrir
þessa sameiginlegu baráttu,“ sagði
Svandís. Glatt var yfir ráðherrunum
öllum: „Til hamingju með daginn,“
sagði Áslaug Arna í ávarpi sínu.
Grímuskylda, nándarreglan og
fjöldatakmarkanir heyra nú sögunni
til. Engar takmarkanir verða lengur
í gildi um líkamsræktarstöðvar,
sundlaugar, verslanir, veitingastaði,
skemmistaði og krár. Breyttar sótt-
varnareglur á landamærunum taka
gildi 1. júlí og gilda til 15. ágúst.
Sýnatöku verður hætt hjá þeim sem
framvísa gildum vottorðum um
bólusetningu með bóluefnum sem
Lyfjastofnun Evrópu og/eða Al-
þjóðaheilbrigðismálastofnunin hafa
viðurkennt, eða um fyrri sýkingu.
Sýnatöku verður hætt hjá börnum
sem fædd eru 2005 eða síðar. Í til-
vikum þeirra sem ekki geta fram-
vísað gildum vottorðum um bólu-
setningu eða fyrri Covid-19-sýkingu
þarf áfram að framvísa neikvæðu
PCR-prófi á landamærunum, þeir
þurfa að undirgangast skimun við
komu og dvelja í fimm daga sóttkví
fyrir seinni skimun.
Eftir fundinn kvaðst Katrín vera
þakklát og stolt að tilheyra sam-
félagi sem hefur bæði tekist svo vel
á við ráðstafanir vegna sóttvarna en
líka tekið svo mikinn þátt í bólu-
setningu sem veldur því að Ísland
sé að ná einum besta árangri í heim-
inum.
Katrín sagðist hafa fundið fyrir
öfund frá öðrum forsætisráðherrum
fyrir traust þjóðarinnar og vilja til
að taka þátt í aðgerðum og bólu-
setningum.
100
67
33
0
1.000
100
10
1
Fjöldi daglegra smita Fjöldi staðfestra smita, sjö daga meðaltal
Almennar fjöldatakmarkanir500
100100
200
50 50
20 20 20 20
50
150
300
10 10
16. mars 2020
100 manna sam-
komubann sett á
24. mars
Samkomubann
hert í 20 manns
4. maí
Samkomubann
rýmkað í 50 manns
25. maí
Samkomubann
rýmkað í 200 manns
15. júní
Samkomubann
rýmkað í 500 manns
30. júlí
Samkomubann
hert í 100
manns
31. október
Samkomubann
hert í 10 manns
13. janúar 2021
Samkomubann
rýmkað í 20 manns
24. febrúar
Samkomubann
rýmkað í 50
manns
25. mars
Samkomubann
hert í 10 manns
15. apríl
20 manna samkomubann
10. maí
Samkomubann
rýmkað í 50 manns
25. maí
150 manns
mega koma
saman
15. júní
Samkomubann
rýmkað í 300
manns
26. júní
Samkomu-
banni aflétt
5. október
20 manna
samkomubann
Fjöldi smita og fjöldatakmarkanir
Fj
öl
di
sm
it
a
fj
öl
da
ta
km
ar
ka
ni
r
Heimild: Covid.is og Stjórnarráðið
febrúar mars apríl maí júní júlí ágúst september október nóvember desember janúar febrúar mars apríl maí júní
Takmörkunum aflétt innanlands
- Ráðstafanir viðhafðar á landamærunum fram eftir sumri - Staðan hér er með besta móti í
alþjóðlegu samhengi - Ísland varð fyrst Norðurlandanna til að aflétta takmörkunum innanlands
Morgunblaðið/Eggert
Gleði Katrín Jakobsdóttir forsætisráðherra þakkaði þjóðinni á blaðamannafundinum í gær. Þar var létt yfir öllum.
Ómar Friðriksson
omfr@mbl.is
Yfirgnæfandi meirihluti íbúa í sveit-
um og strjálbýli landsins er frekar
eða mjög ánægður með búsetu sína
og ætlar sér ekki að flytja þaðan á
næstu árum, ef marka má nið-
urstöður rannsóknar á vegum
Byggðastofnunar á búsetuáformum
landsmanna. Fram kemur að bændur
eru ólíklegri en þeir sem ekki eru
bændur til þess að áforma flutninga
úr sveitinni og rúmlega þriðjungur
bænda reiknar með því að afkom-
endur eða aðrir í fjölskyldunni taki
við jörðinni þegar þeir hætta búskap.
Niðurstöðurnar eru birtar í skýrslu
á vef Byggðastofnunar en rannsóknin
var unnin í samstarfi við innlendar og
erlendar háskólastofnanir. Um er að
ræða niðurstöður annars áfanga viða-
mikils verkefnis sem leitt er af Þór-
oddi Bjarnasyni, prófessor við Há-
skólann á Akureyri.
„Yfirgnæfandi meirihluti svarenda
segir að náttúran og samfélagið í
sveitinni skipti sig persónulega miklu
eða talsverðu máli. Þá skiptir húsið
sem fólk býr í einnig máli. Fyrir
áframhaldandi búsetu skipta hreint
loft, kyrrð og ró og lítil umferð miklu
máli. Þessir þættir skipta mun fleiri
miklu máli en nálægð við ættingja
eða vini, foreldra eða tengdaforeldra,“
segir í umfjöllun um niðurstöðurnar.
Má sjá af svörunum að hreint loft
vegur þyngst þegar spurt var hvaða
þættir skiptu máli fyrir áframhald-
andi búsetu í sveitinni eða strjálbýlinu
og kyrrð og ró er næst í röðinni. 45%
segja atvinnu skipta miklu máli um
þetta, 40% að jörðin fari ekki í eyði.
60% segja fjárhagsstöðu góða
Fram kemur að langflestir telji
fjárhagsstöðu sína góða, eða tæplega
60%, en um 9% telja hana vera
slæma. Í skýrslunni segir að nið-
urstöður bendi til samhengis milli
þess að telja fjárhagsstöðu heimilisins
slæma og að sjá frekar fyrir sér að
flytja fyrir fullt og allt í framtíðinni.
„Þá er áhugavert að þeir sem telja
fjárhagsstöðu heimilisins góða eru þó
líklegri til að flytja úr sveitinni en
þeir sem telja stöðuna hvorki slæma
né góða,“ segir í skýrslunni.
Óþægindi við vetrarakstur
Íbúar á Vestfjörðum skáru sig
nokkuð úr hvað varðar upplifun
óþæginda við akstur að vetrarlagi og
munur er á viðhorfi til flutninga eftir
aldri en yngsti hópurinn er líkleg-
astur til að flytja á næstu árum.
„Rúmlega fjórðungur svarenda á
aldrinum 61-70 ára telja frekar eða
mjög líklegt að þeir flytji úr sveitinni í
framtíðinni,“ segir þar einnig.
Enn fremur má sjá að mikill meiri-
hluti telur litlar líkur á flutningum úr
sveitinni í nánustu framtíð og reikna
flestir með því að flytja innan sama
landshluta og næstflestir reikna með
að flytja á höfuðborgarsvæðið.
Flestir ánægðir í sveitinni
- Hreint loft, kyrrð og ró ráða mestu um áframhaldandi
búsetu í sveit eða strjálbýli skv. rannsókn á búsetuáformum
Morgunblaðið/Kristinn Magnússon
Sláttur Flestir íbúar í sveitum og strjálbýli hyggja á áframhaldandi búsetu þar.