Morgunblaðið - 26.06.2021, Blaðsíða 44

44 MENNING
MORGUNBLAÐIÐ LAUGARDAGUR 26. JÚNÍ 2021
Stofnanasamningur milli Félags
íslenskra leikara (FÍL) og sviðs-
listafólks og Íslenska dansflokks-
ins (ÍD) var undirritaður í fyrra-
dag en þann 10. júní hafði FÍL
skrifað undir kjarasamning fyrir
danshöfunda hjá ÍD við ríkið. Í til-
kynningu segir að stofnanasamn-
ingur þessi og kjarasamningurinn
sem hann tengist séu fyrstu dans-
höfundasamningar sem gerðir
hafi verið á Íslandi og að þeir séu
árangur margra ára baráttu FÍL
og ÍD. „Með samningunum eru
danshöfundar loksins komnir á
sama stað og aðrir listrænir
stjórnendur hjá opinberum sviðs-
listastofnunum hvað varðar laun
og réttindi,“ segir í tilkynningu
og að samninganefndir vilji þakka
öllum sem að verkefninu komu,
sem og mennta- og menningar-
málaráherra fyrir veittan stuðn-
ing.
Samninginn undirrita f.h. ÍD,
Erna Ómarsdóttir, Hlynur Páll
Pálsson og Jóhanna Jafetsdóttir
og fyrir hönd FÍL, Birna Hafstein,
Hrafnhildur Theodórsdóttir og
Katrín Gunnarsdóttir.
Ljósmynd/Einar Hrafn Stefánsson
Ánægja Fulltrúar ÍD og FÍL ánægðir eftir undirritun samnings.
Fyrstu danshöfunda-
samningarnir á Íslandi
Viktor Pétur
Hannesson opnar
sýningu í Hall-
steinssal í Safna-
húsi Borgar-
fjarðar í Borgar-
nesi í dag á
verkum sem
hann vann úr
borgfirskum
jurtum. Viktor
hefur unnið með
íslenska flóru í ein fjögur ár, ferð-
ast um landið og fylgst með sí-
breytilegu litaframboði jurtarík-
isins, allt frá bronsgulum njólarót-
um að vori yfir í dimmblá kræki-
berin að hausti, eins og því er lýst í
tilkynningu. Hefur hann oftar en
ekki komið við í Borgarfirði og ná-
grenni og eru verkin á sýningunni
unnin í þeim heimsóknum.
Sýningin verður opin kl. 13-18 á
virkum dögum og kl. 13-17 um
helgar.
Sýnir verk úr borg-
firskum jurtum
Viktor Pétur
Hannesson
Listval, nýtt sýningarými, verður
opnað að Hólmaslóð 6 í dag, laug-
ardag, kl. 16. Elísabet Alma Svend-
sen og Helga Björg Kjerúlf reka
rýmið en Listval hefur sl. tvö ár
veitt heimilum og fyrirtækjum
myndlistarráðgjöf. Rýmið á Hólma-
slóð verður aðsetur Listvals þar
sem fólk getur komið og skoðað
fjölbreytta myndlist og fengið per-
sónulega ráðgjöf við val á verkum,
segir í tilkynningu. Í tilefni opn-
unar verða til sýnis verk eftir yfir
30 samtímalistamenn og ný heima-
síða Listvals opnuð.
Í Listvali Helga Björg Kjerúlf og Elísabet
Alma Svendsen í nýja sýningarýminu.
Nýtt sýningarými
á Hólmaslóð
Borgarráð veitti í fyrradag borgar-
stjóra, Degi B. Eggertssyni, heimild
til að ganga frá samningnum fyrir
hönd borgarinnar um safn myndlist-
arkonunnar Nínu Tryggvadóttur.
Verður hann undirritaður í sumar
milli Reykjavíkurborgar og dóttur
listakonunnar, Unu Dóru Copley, að
því er fram kemur í tilkynningu.
Segir þar að safn Nínu Tryggvadótt-
ur verði fyrsta myndlistasafn
Reykjavíkurborgar kennt við og til-
einkað íslenskri listakonu og því
mikil menningarleg tímamót.
Samningurinn er í samræmi við
sameiginlega viljayfirlýsingu aðila
frá 17. maí, 2018, segir í tilkynning-
unni, en síðan þá hafi verið unnið að
samningnum, skráningu safneignar,
stofnskrá safnsins, erfðamálum og
fleiru. Safnið verður í austurhluta
Hafnarhússins í Reykjavík en í vest-
urhluta þess er Listasafn Reykjavík-
ur. Þar með verður allt Hafnarhúsið
lagt undir listastarfsemi, að því er
fram kemur í tilkynningunni.
Safneignin varðveitt og
sýningar haldnar
Í samningnum er kveðið á um að
Una Dóra, einkadóttir Nínu, gefi
Reykvíkingum vel á annað þúsund
listaverk eftir móður sína sem end-
urspegla allan feril listakonunnar.
Eru þar meðal annars málverk,
teikningar, glerverk og vatnslita-
myndir og mun Una Dóra einnig
gefa fasteignir á Manhattan og í
Reykjavík eftir sinn dag, sem og
aðrar listaverkaeignir, bókasafn og
fleiri muni. „Borgin fjármagnar á
móti rekstur safnsins samkvæmt
fjárhags- og starfsáætlun hvers árs,
og skuldbindur sig til að varðveita
safneignina og halda úti sýningum
sem byggja á ferli Nínu Tryggva-
dóttur og á öðrum verkum sem
kveikja áhuga á abstrakt list. Eftir
undirritun samningsins er miðað við
að Reykjavíkurborg kaupi aust-
urhlið Hafnarhússins af Faxaflóa-
höfnum. Í framhaldinu er stefnt að
samkeppni um hönnun þess hluta
hússins,“ segir í tilkynningunni.
„Gríðarlega rausnarleg gjöf“
Haft er eftir Unu Dóru í tilkynn-
ingunni að hún sé afar glöð og ham-
ingjusöm yfir því að listaverk móður
hennar, sem nái yfir allan hennar
feril, verði til sýnis í Reykjavík þar
sem þau eigi heima. „Þannig verða
þau aðgengileg hinum dásamlegu Ís-
lendingum á öllum aldri næstu ár og
áratugi,“ segir Una Dóra.
Dagur B. Eggertsson borgarstjóri
segir um mikil tímamót að ræða í
menningarlífi borgarinnar. „Þessi
höfðinglega gjöf Unu Dóru Copley á
verkum Nínu Tryggvadóttur, móður
sinnar, er gríðarlega rausnarleg og
þeir fjármunir sem fylgja í formi
fasteigna gera borginni kleift að
sækja fram á sviði myndlistar. Safn
Nínu Tryggvadóttur verður kær-
komin viðbót í flóru safna borgar-
innar og mun halda nafni hennar og
list á lofti einsog hún á skilið,“ er
haft eftir Degi í tilkynningunni.
Bjó í Kaupmannahöfn, París,
London og New York
Nína fæddist árið 1913 og lést árið
1968. Hún var þekktust fyrir list-
málun en gerði líka barnabækur,
bæði myndir og texta. Á yngri árum
naut hún tilsagnar Ásgríms Jóns-
sonar í teikningu og meðfram námi
við Kvennaskólann í Reykjavík
stundaði hún listnám í skóla Finns
Jónssonar og Jóhanns Briem. Eftir
það hélt Nína til Kaupmannahafnar,
lærði listmálun við Det kongelige
akademi for de skønne kunster og
bjó síðar í París og London en lengst
af í New York. Tengsl hennar við Ís-
land rofnuðu aldrei og hún hélt
margar sýningar hér á landi, auk
þess að sýna erlendis. Hún var virk í
hreyfingu abstrakt-expressjónista í
New York og verk eftir hana má
finna í söfnum víða um heim og einn-
ig í einkaeigu.
Morgunblaðið/Ásdís
Arfleifð Una Dóra Copley, dóttir Nínu, með verk eftir móður sína til beggja handa á heimili sínu árið 2018.
Morgunblaðið/Ólafur K. Magnússon
Í Bogasal Nína á sýningu á verkum
hennar í Bogasal Þjóðminjasafnsins
á sjöunda áratugnum.
Fyrsta safn borgarinnar sem
tileinkað er íslenskri listakonu
- Samningur um safn Nínu Tryggvadóttur listmálara verður undirritaður í
sumar - Dóttir hennar gefur á annað þúsund verka auk fasteigna eftir sinn dag