Morgunblaðið - 26.06.2021, Blaðsíða 42

42 MENNING
MORGUNBLAÐIÐ LAUGARDAGUR 26. JÚNÍ 2021
Skiltagerð og merkingar
Inni og úti merkingar, spjöld og skilti. Kíktu á
heimasíðuna okkar og skoðaðu þjónustuna
sem er í boði.
Xprentehf. | Sundaborg3 |104Reykjavík |7772700|xprent@xprent.is
SANDBLÁSTURSFILMUR
BÍLAMERKINGAR
SKILTAGERÐ
KYNNINGARSVÆÐI
www.xprent.is
Hólmfríður María Ragnhildardóttir
hmr@mbl.is
Olgur landsins geta nú farið að
dusta rykið af spariskónum en hinn
fjölþjóðlegi karlasöngkvintett Olga
Vocal Ensamble mun koma til Ís-
lands og halda sjö tónleika víðs veg-
ar um landið 25. júlí til 4. ágúst.
„Við erum enn þá með þá reglu að
allar Olgur fá frítt á tónleika, við
gerðum það í byrjun og höfum ekki
hætt með þá hefð síðan,“ segir Pét-
ur Oddberg Heimisson, bassabari-
tón sönghópsins.
Auk Péturs samanstendur hóp-
urinn af Hollendingunum Jonathan
Ploeg og Arjan Lienaerts, Englend-
ingnum Matthew Lawrence Smith
og rússneska Bandaríkjamanninum
Philip Barkhudarov. Sönghópurinn
var stofnaður í Hollandi árið 2012
en upprunalegu meðlimirnir eiga
það allir sameiginlegt að hafa lært
söng hjá Jóni Þorsteinssyni söng-
kennara.
Fjarsöngur í Covid
Blaðamaður náði tali af Pétri þar
sem hann var á leið heim af æfingu
með hópnum í Hollandi. Í ljósi yfir-
standandi heimsfaraldurs hefur
sönghópurinn ekki haft mörg tæki-
færi til að undirbúa sig saman en
félagarnir sem skipa Olgu eru ýmist
búsettir á Íslandi eða í Hollandi.
Kom þá fjarfundarbúnaðurinn
Zoom mikið við sögu en auk þess að
syngja sjá félagarnir einnig um alla
skipulagsvinnuna sem fer fram bak
við tjöldin.
Pétur segir störfin með hópnum
hafa verið afar krefjandi undan-
farna mánuði en félagarnir urðu að
sinna meiri heimavinnu en vanalega
og hver og einn varð að undirbúa
sinn hluta einsamall áður en hóp-
urinn fékk loks tækifæri til að hitt-
ast á ný. Sameiginlegar æfingar
hófust þó í tæka tíð fyrir tónleika-
ferðalagið sem hefst þann 25. júlí,
en Olga stefnir nú á að halda tón-
leika í Hollandi og Belgíu áður en
haldið verður til Íslands.
Norðurljós á vínyl
Í júní gaf kvintettinn út fjórðu
plötuna sína sem ber yfirskriftina
Aurora og kemur verkið bæði út
sem geisladiskur og vínylplata. Líkt
og heitið gefur til kynna er þema
verksins norðurljós og eiga lögin að
endurspegla ljós í myrkri líkt og
norðurljós sem lýsa dimman nætur-
himin. Hafa liðsmenn sönghópsins
valið sín eftirlætislög til að syngja á
plötunni en að sögn Péturs var mik-
il áhersla lögð á persónulega nálgun
í þessu verki. Völdu strákarnir lög
sem meðal annars veita þeim inn-
blástur og vekja upp góðar minn-
ingar, en lögin sem flutt verða eru
afar fjölbreytt, allt frá klassík yfir í
popp og djass.
Yfirtónverkið sjálft, Aurora, er
afar táknrænt en þar notar hópur-
inn djúpan yfirtón til að kalla fram
hljóm sem minnir á norðurljós að
sögn Péturs. Félagarnir bjuggu til
og útsettu lagið sjálfir og fengu þeir
listamanninn James Barany í lið
með sér við gerð myndbands. Sam-
starfið er afar vel heppnað, að sögn
Péturs, en myndbandið hefur nú
verið tilnefnt til verðlauna í alþjóð-
legum stuttmyndakeppnum.
Uppátæki sem vekja athygli
Félagarnir í sönghópnum hafa
verið duglegir að vekja athygli á sér
með ýmsum uppátækjum í gegnum
tíðina en auk þess að bjóða öllum
Olgum frítt á tónleika hafa þeir
meðal annars tekið upp á því að
koma fram þar sem þeir þjóna til
borðs og syngja milli rétta. Er þá
einnig vert að nefna rauða ketilinn
sem fylgir með á öllum myndum
Olgu og kemur fyrir í lógói söng-
hópsins. Eldhúsáhaldið ber hið lýs-
andi nafn Ketill Olguson og ferðast
hann að sjálfsögðu með til landsins
enda er hann alla jafna í aðalhlut-
verki uppi á sviði þegar sönghóp-
urinn kemur fram. Fyrir áhuga-
sama er hægt að senda Katli Olgu-
syni vinarbeiðni á Facebook en
hann er nú þegar með yfir 2.000
vini á samfélagsmiðlinum þar sem
hann er duglegur að deila upplýs-
ingum um sönghópinn.
Norðurljós og eldhús-
áhöld í aðalhlutverki
Hressir Fé-
lagarnir í
Olga Vocal
Ensamble.
- Sönghópurinn Olga gefur út plötu og heldur tónleika á Íslandi í júlí og ágúst
Tónleikar verða
haldnir á morg-
un, sunnudag, í
Myndasal Þjóð-
minjasafns
Íslands og sagt
frá einni af
myndum yfirlits-
sýningar á verk-
um ljósmynd-
arans Spessa kl.
14 og 15. Á sýningunni má m.a.
sjá ljósmynd Spessa af Jóni Múla
Árnasyni og tengist myndin sam-
starfi Spessa og Óskars Guðjóns-
sonar saxófónleikara sem hófst
árið 2002 þegar Óskar bað Spessa
að vinna með sér að því að mynd-
skreyta hljómdisk með lögum
Jóns Múla í framsæknum djassút-
setningum. Diskinn var Óskar að
vinna með djasshljómsveitinni
Delerað og var ákveðið að Jón
Múli myndi prýða framhliðina.
Spessi mun segja söguna á bak
við myndina og að því loknu
munu Óskar og Eyþór Gunnars-
son píanóleikari leika lög Jóns
Múla. Í tengslum við sýningu
Spessa gefur Þjóðminjasafnið út
ljósmyndabók sem varpar ljósi á
feril listamannsins og mun Spessi
árita bókina á morgun í safnbúð-
inni.
Tónleikar og saga
Spessa í Myndasal
Spessi
Heiðar Kári
Rannversson,
sýningarstjóri
sýningarinnar
Diskótek, mun
ræða við gesti
um sýninguna og
samstarf hans og
listamannsins
Arnfinns Ama-
zeen í Hafnar-
borg á morgun
kl. 14. Á sýningunni má sjá ný verk
eftir Arnfinn sem sækir innblástur í
óræðan myndheim íslenskrar
skemmtistaðamenningar frá átt-
unda og níunda áratug síðustu ald-
ar.
Heiðar Kári Rannversson starfar
sem sýningarstjóri við Nordatl-
antens Brygge í Kaupmannahöfn.
Heiðar segir frá
verkum Arnfinns
Heiðar Kári
Rannversson
Gleðistundir hefjast á ný á Kvos-
læk í Fljótshlíð á morgun, 27.
júní, en þá verða fyrstu tónleikar
sumarsins haldnir kl. 15. Á þeim
leikur salonhljómsveitin L‘Amour
fou (Brjáluð ást) fjölbreytta efnis-
skrá þekktra laga.
Hljómsveitin var stofnuð árið
1999 og er skipuð Hrafnhildi
Atladóttur fiðluleikara, Guðrúnu
Hrund Harðardóttur víóluleikara,
Hrafnkatli Orra Egilssyni selló-
leikara, Gunnlaugi Torfa Stefáns-
syni kontrabassaleikara og Tinnu
Þorsteinsdóttur píanóleikara.
Hljómsveitin gaf út plötuna Ís-
lensku lögin árið 2005 en á henni
eru gömul, íslensk dægurlög í út-
setningum Hrafnkels Orra fyrir
salonhljómsveit. L’amour fou lék
í áramótaþætti Sjónvarpsins árið
2010, Álfareiðinni, og var þátt-
urinn tilnefndur til Edduverð-
launanna árið 2011 sem menning-
ar- og lífsstílsþáttur ársins.
Miðaverð á tónleikana á morgun
er 2.500 kr.
Gleðistundirnar verða fleiri í
sumar. 17. júlí kl. 15 mun Hrafn-
hildur Schram listfræðingur
segja frá Nínu Sæmundsson
myndhöggvara og 7. ágúst kl. 15
mun Arndís S. Árnadóttir innan-
hússhönnuður fræða gesti um
Ámunda Jónsson smið sem fædd-
ist á bænum Vatnsdal í Rang-
árvallasýslu. Sunnudaginn 22.
ágúst kl. 15 verður Dagstund
með Schubert og Brahms en þá
munu Rut Ingólfsdóttir fiðluleik-
ari og vinir hennar flytja þekkt
kammerverk: 2 Gesänge op. 91
eftir Johannes Brahms, Der Hirt
auf dem Felsen D. 965 og Sil-
ungakvintettinn D. 667 eftir
Franz Schubert. Þórunn Elfa
Stefánsdóttir og Aðalheiður Mar-
grét Gunnarsdóttir syngja, Einar
Jóhannesson leikur á klarínett,
Rut á fiðlu, Svava Bernharðs-
dóttir á víólu, Sigurður Hall-
dórsson á selló, Richard Korn á
kontrabassa og Richard Simm á
píanó.
Gleðistundir hefjast
með L’Amour fou
Brjáluð ást Hljómsveitin L‘Amour
fou leikur á Kvoslæk á morgun.