Morgunblaðið - 26.06.2021, Blaðsíða 41

ÍÞRÓTTIR 41
MORGUNBLAÐIÐ LAUGARDAGUR 26. JÚNÍ 2021
Knattspyrnuhæfileikar
mínir fara seint í sögubækurnar.
Þrátt fyrir tvö glæsileg mörk á
Shellmótinu 1999 í Vest-
mannaeyjum og önnur tvö stór-
glæsileg á Essomótinu á Akur-
eyri tveimur árum síðar verður
mín minnst fyrir eitthvað allt
annað en afrekin á fótboltavell-
inum.
Ég, mamma og pabbi
erum væntanlega þau einu sem
muna eftir mörkunum mögnuðu.
Mörkin komu í rauðu og svörtu
Lotto Víkingstreyjunni með aug-
lýsingu frá Kaupþingi framan á.
Fólk man eflaust betur eftir
því að Kolbeinn Sigþórsson skor-
aði um það bil 100 mörk á sömu
mótum í sömu treyju. Hann var
og er víst aðeins betri en ég, en
hvað um það!
Eftir nokkur ómerkileg ár í
D-liði Víkings í yngri flokkum var
undirritaður eitt sumar á Grund-
arfirði. Hann mætti á nokkrar
fótboltaæfingar með knatt-
spyrnufélagi Grundarfjarðar,
sem því miður fer mjög lítið fyrir
í dag.
Á minni fyrstu æfingu með
liði Grundarfjarðar átti ég mitt
fyrsta skot og í kjölfarið heyrði
ég markvörðinn segja „Vó, hann
er skotfastur.“ Ég gat ekki annað
en brosað, því þetta var senni-
lega í fyrsta skipti sem einhver
hafði eitthvað jákvætt að segja
um knattspyrnuhæfileika mína.
Ég viðurkenni að það gaf mér
aukið sjálfstraust.
Ég mæli eindregið með að
ungt knattspyrnufólk í D-liðum
stórra félaga á höfuðborgar-
svæðinu skelli sér í sveitina á
sumrin og njóti þess að vera
stórir fiskar í litlum tjörnum. Það
var ótrúlega gaman að vera
„góður“ í fótbolta í eitt sumar.
BAKVÖRÐUR
Jóhann Ingi
Hafþórsson
johanningi@mbl.isKórdrengir og Grindvíkingar
gerðu 1:1 jafntefli í mikilvægum
leik í toppbaráttu Lengjudeildar
karla í knattspyrnu í gær, næst-
efstu deildar. Grindavík er í 2. sæti
deildarinnar með 16 stig, stigi fyrir
ofan Kórdrengi, og úrslit leiksins
breyta því ekki þeirri stöðu. Fram
er með gott forskot á toppnum eftir
að hafa unnið fyrstu sjö leikina.
Sigurður Hallsson kom gestunum
frá Grindavík yfir á 67. mínútu en
Albert Ingason tryggði Kór-
drengjum stig með jöfnunarmarki
á fjórðu mínútu í uppbótartíma.
Jöfnunarmark
á elleftu stundu
Ljósmynd/Þórir Tryggvason
Í 2. sæti Sigurbjörn Hreiðarsson
þjálfari Grindavíkur.
_ Guðrún Brá
Björgvinsdóttir,
Íslandsmeistari úr
Keili, er í 50. sæti
að loknum fyrsta
keppnisdegi á Tip-
sport Czech
mótinu á Evr-
ópumótaröðinni í
golfi. Guðrún lék
fyrsta hringinn á 71 höggi og er á einu
höggi undir pari. Á hún góða mögu-
leika að komast í gegnum niðurskurð-
inn í dag.
_ Körfuknattleiksmaðurinn Breki
Gylfason hefur gert samkomulag við
ÍR og mun hann leika með liðinu á
næstu leiktíð. Karfan.is greindi frá
þessu í gær en Breki kemur til ÍR-inga
frá Haukum, sem féllu úr efstu deild í
vetur. Breki, sem er uppalinn hjá
Breiðabliki, hefur leikið með Haukum
frá árinu 2016. Þá hefur hann verið í
íslenska landsliðshópnum undanfarin
ár og leikið með yngri landsliðum.
_ Knattspyrnukonan Betsy Hassett
hefur verið valin í landsliðshóp Nýja-
Sjálands fyrir Ólympíuleikana í Tókýó.
Hassett hefur spilað á Íslandi síðustu
fimm ár með KR og Stjörnunni.
_ Víkingur tilkynnti í gær að Gísli
Jörgen Gíslason muni leika með karla-
liði félagsins í handknattleik næsta
vetur en Víkingur er í næstefstu deild.
Gísli er Ísfirðingur en lék í vetur með
Þór Akureyri.
Eitt
ogannað
Öllum takmörkunum innanlands
var aflétt á miðnætti og þar á meðal
á íþróttaviðburðum. Engin sótt-
varnarhólf eða takmarkanir á
áhorfendum eru því í gildi.
Áhorfendur hafa verið leyfðir á
íþróttaviðburðum hér á landi síð-
ustu vikur en með grímuskyldu,
takmörkunum og sóttvarnarhólfum
en allar slíkar reglugerðir falla úr
gildi í dag.
Breytingarnar koma til með að
hafa nokkur áhrif á Íslandsmótum í
knattspyrnu, golfi, frjálsum, sundi
og fleiri sumargreinum.
Umgjörðin aftur
í fyrra horf
Ljósmynd/Sigfús Gunnar
Áhorfendur Engar sóttvarnareglur
eru lengur í gildi.
Í ÞORLÁKSHÖFN
Jóhann Ingi Hafþórsson
johanningi@mbl.is
Þór frá Þorlákshöfn tryggði sér sinn
fyrsta Íslandsmeistaratitil í sögunni
er karlalið félagsins vann verðskuld-
aðan 81:66-sigur á Keflavík í fjórða
leik liðanna í úrslitaeinvígi Íslands-
mótsins í körfubolta. Þórsarar unnu
einvígið 3:1.
Sigurinn er gífurlega verðskuld-
aður og er óhætt að segja að Þór hafi
toppað á réttum tíma gegn gríð-
arlega sterkum andstæðingi. Þór
vann ekki aðeins deildarmeistara
Keflavíkur í úrslitum heldur einnig
mjög sterkt lið Stjörnunnar í undan-
úrslitum og er ekki hægt að segja
annað en að titilinn sé gríðarlega
verðskuldaður.
Adomas Drungilas var ótrúlegur í
úrslitakeppninni, hinn 19 ára gamli
Styrmir Snær Þrastarson spilaði
eins og þrítugur reynslubolti úr
landsliðinu og Callum Lawson og
Larry Thomas voru mjög sterkir
sömuleiðis. Þá átti Davíð Arnar
Ágústsson ótrúlegan leik í gær og
raðaði inn hverri þriggja stiga körf-
unni á fætur annarri.
Íslenski kjarninn mikilvægur
Keflvíkingar áttu magnað tímabil
og töpuðu aðeins tveimur leikjum af
22 í deildarkeppninni. Domynikas
Milka var gífurlega sterkur í gær og
á öllu tímabilinu og Deane Williams
er skemmtikraftur. Keflavíkurliðið
er stórskemmtilegt og gerði sitt í því
að gera úrslitaeinvígið eins gott og
raun bar vitni. Þegar upp er staðið
munu hins vegar fáir muna eftir því
sem Keflavík gerði, þar sem það
voru Þórsarar sem rituðu nýjan
kafla í körfuboltasögu Íslands. Liðið
er auðvitað skipað sterkum erlend-
um leikmönnum, en íslenski kjarn-
inn í liðinu er einnig gífurlega sterk-
ur og mikilvægur. Áðurnefndir
Davíð og Styrmir hafa verið virki-
lega sterkir á tímabilinu og þeir
Halldór Garðar Hermannsson, Emil
Karel Einarsson og Ragnar Örn
Bragason leika einnig mjög mik-
ilvæg hlutverk.
Falleg augnablik og gleðitár
Þórsarar ætluðu sér nákvæmlega
þetta á meðan fáir höfðu mikla trú á
þeim fyrir mót. Á meðan önnur lið
sendu erlenda leikmenn heim og
stokkuðu upp í leikmannahópum
sínum í hléinu vegna kórónuveir-
unnar héldu Þórsarar í sína menn,
æfðu vel og uppskáru eftir langt,
erfitt og stundum hundleiðinlegt
tímabil.
Fögnuðurinn í leikslok hjá leik-
mönnum, þjálfurum og alls ekki síst
stuðningsmönnum var ósvikinn og
fallegur. Um þetta eiga íþróttir að
snúast. Falleg augnablik og gleðitár.
Hinn geðþekki Lárus Jónsson
hefur gert magnaða hluti með Þórs-
liðið, en einhverjir spáðu því jafnvel
falli fyrir tímabilið. Lárus hefur hins
vegar búið til stórskemmtilegt lið,
fallega liðsheild og verðskuldaða Ís-
landsmeistara.
Tæplega 2.000 manns búa í Þor-
lákshöfn og það er magnað afrek hjá
eins litlu bæjarfélagi að vera með Ís-
landsmeistara í einni allra vinsæl-
ustu íþrótt landsins.
Til hamingju Þór og til hamingju
Þorlákshöfn.
Fölskvalaus gleði
- Leikmenn Þórs frá Þorlákshöfn skrifuðu nýjan kafla í íþróttasögu bæjarins
- Urðu Íslandsmeistarar karla í körfuknattleik með sigri gegn Keflavík
Morgunblaðið/Kristinn Magnússon
Bikarinn Þessi mynd úr fagnaðarlátum gærkvöldsins fangar ágætlega samstöðuna hjá leikmönnum og stuðningsmönnum Þórs í Þorlákshöfn.