Morgunblaðið - 26.06.2021, Blaðsíða 45

MENNING 45
MORGUNBLAÐIÐ LAUGARDAGUR 26. JÚNÍ 2021
Hólmfríður María Ragnhildardóttir
hmr@mbl.is
Myndlistasýningin Spennistöð verð-
ur opnuð í Verksmiðjunni á Hjalteyri
í dag, 26. júní, en sýnendur eru þeir
Sigurður Ámundason, Páll Haukur
Björnsson, Gústav Geir Bollason,
Boris Labbé og Francoise Morelli.
Um er að ræða ólíka listamenn
sem ekki hafa mæst áður en sýningin
mun skarta vídeóverkum, teikn-
ingum og skúlptúrum, svo eitthvað sé
nefnt.
Gústav og Sigurður eru staddir í
Verksmiðjunni að setja upp sýn-
inguna þegar blaðamaður nær tali af
þeim. Hugmyndin að sýningunni
kom upprunalega fram í samtali
þeirra á milli og seinna meir fengu
þeir fleiri listamenn í lið með sér.
„Gústav stakk upp á að hafa teikni-
sýningu en ég þurfti að sannfæra
hann um að taka þátt. Við vildum
ekki hafa of marga til að taka þátt svo
við hentum þarna fram ýmsum nöfn-
um fram og til baka. Svo að lokum
passaði þetta vel saman,“ segir Sig-
urður. Þegar kom að því að velja inn
fleiri listamenn segir Gústav innsæið
hafa ráðið förinni. „Við höfðum áhuga
á þeim út frá ólíkum forsendum.
Þetta eru frekar ólíkir einstaklingar
en það eru ákveðin áhugasvið sem
tengja þá við okkur. Mér sýnist verk-
in ætla vinna vel saman.“
Segja þeir báðir að tilviljun ráði því
að einungis karlar komi við sögu.
Hafi þá heitið þótt afar viðeigandi í
ljósi kynjaskiptingarinnar. „Spenni-
stöðin lýsir kannski vel þessari yfir-
drifnu karlmennsku, það er ákveðinn
húmor í þessu,“ segir Sigurður.
Kraftmikill sýningarsalur
Orðið spennistöð er eitthvað sem
Sigurður hafði lengi haft í huga og
langaði að nýta sem titil. Fannst hon-
um tilvalið að grípa þetta tækifæri
núna enda afar viðeigandi í ljósi sýn-
ingarsalarins og verkanna sem þar
eru nú sýnd. „Titillinn vísar kannski
helst í sýningarsalinn sjálfan. Verk-
smiðjan er löngu yfirgefin, hrá og
stór bygging, það er ákveðinn kraft-
ur í henni. Svo eru það verkin, það er
ákveðinn kraftur sem heldur okkur
saman,“ segir Sigurður.
Gústav tekur undir með félaga sín-
um og telur ákveðna orku leynast í
verkunum en hreyfing, hljóð og ís-
lensk náttúra koma við sögu á sýn-
ingunni. „Það er einhver sammerk-
ing milli verkanna, þetta eru allt
blendingar í hugmyndalegu sam-
hengi. Verkin eru sett saman þann-
ig að það verða ákveðnar skaranir
og eru þau oft á mörkum milli mál-
verks og kvikmynda,“ segir Gústav.
Listamennirnir sem sýna eru ým-
ist staddir á Íslandi, í Kanada eða
Frakklandi. Þegar hann er spurður
að því hvort það hafi ekki verið áskor-
un að opna sýningu með verkum
listamanna sem væru staddir erlend-
is, segir Gústav það ekki koma að
sök. „Það getur alveg verið áskorun
að hafa ekki listamanninn á staðnum
en þetta gengur alltaf upp á end-
anum,“ segir hann.
Spennistöð mun standa opin í sum-
ar fyrir gesti og gangandi frá þriðju-
degi til sunnudags, klukkan 14 til 17,
til og með 25. júlí.
Karllæg orka á Spennistöð
- Samsýning fimm karla, Spennistöð,
opnuð í Verksmiðjunni á Hjalteyri
Teikning Landslag með vörumerki, blýantsteikning á pappír, eftir Sigurð Ámundason frá þessu ári, 2021.
Sönghátíð í Hafnarborg stendur nú
sem hæst og í dag, laugardag, kl. 17,
flytur Schola Cantorum íslenska
kórtónlist um vináttu, söknuð og ást
undir stjórn Harðar Áskelssonar.
Yfirskrift tónleikanna er Vinaspeg-
ill. Kórinn er skipaður atvinnu-
söngvurum og var stofnaður árið
1996 af Herði.
Á morgun, sunnudag, kl. 17, verða
haldnir tónleikarnir Íslensk kven-
tónskáld. Björk Níelsdóttir sópran,
Erla Dóra Vogler mezzósópran,
Eyjólfur Eyjólfsson tenór, Haf-
steinn Þórólfsson baritón og Eva
Þyri Hilmarsdóttir píanóleikari
flytja tónlist eftir Þórunni Guð-
mundsdóttur, Jórunni Viðar, Hildi-
gunni Rúnarsdóttur, Ingibjörgu
Bjarnadóttur, Ingibjörgu Azimu
Guðlaugsdóttur og Elínu Gunn-
laugsdóttur.
Sönghátíð í Hafnarborg er sjálf-
stæð hátíð sem hefur verið haldin ár-
lega frá árinu 2017 í samstarfi við
Hafnarborg og nýtur hún stuðnings
Hafnarfjarðarbæjar, Tónlistarsjóðs,
Starfslauna listamanna og Sjóðs
Friðriks og Guðlaugar.Frekari upp-
lýsingar um hátíðina og viðburði
hennar má finna á heimasíðu henn-
ar, songhatid.is.
Vinaspegill og kventónskáld
Samstillt Björk, Eva Þyri, Hafsteinn, Eyjólfur og Erla Dóra og flytja verk
íslenskra kventónskálda á morgun á Sönghátíð í Hafnarborg.
Halldór Ragnarsson opnar kl. 16 í
dag, laugardag, sýninguna Tungu-
málið sem ég næ að gráta við í
Listamönnum galleríi.
„Minningar um draumfarir næt-
urnar? Plön um komandi daga?
Sælar minningar? Hugsanir um
hvað mætti betur fara? Sam-
anburður við náungann í næsta
húsi? Söknuður í fortíðina? Til-
hlökkun í framtíðina? Ógeðið á
sjálfum sér eða jafnvel bara hreina
og beina hamingjan?“ er spurt í til-
kynningu og mögulega fást svör við
þessum spurningum á sýningunni.
Halldór segir tilgang sýningar-
innar að losa sig við hversdags-
legar tilfinningar og hugsanir sem
flestir hafi fundið fyrir, góðum og
slæmum, að koma þeim úr hausnum
á sér og skila þeim af sér í eitthvað
annað, staldra svo við um stund,
íhuga og halda svo áfram.
„Ég hugsa þessar setningar ekk-
ert ósvipað eins og abstrakt mál-
verk, þar sem ekkert er í eiginlegri
tímaröð heldur miklu frekar sem
myndræna heild sem myndar heim
hugsunar,“ skrifar Halldór.
Á sýningu Verk eftir Halldór Ragnarsson.
Tungumálið sem ég næ að gráta við
SsangYong Korando Dlx ‘18, beinskiptur,
ekinn 60 þús.km. Verð: 2.990.000 kr.
591367 4x4
SsangYong Tivoli Hlx. ‘18, sjálfskiptur,
ekinn 72 þús.km. Verð: 2.850.000 kr.
800017
Verð ................................ 2.850.000 kr.
Greitt m/notuðum ........ 500.000 kr.
Eftirstöðvar ................... 2.350.000 kr.
Afborgun á mánuði ..... 36.701 kr.**
Notaðir bílar
Meira úrval á
notadir.benni.is
Bílabúð Benna | Krókhálsi 9 | Reykjavík | 590 2035
Birt með fyrirvara um mynda- og textabrengl. * Tökum aðeins 1 bíl uppí hvern nýlegan notaðan bíl. **Forsendur: 7 ára lán hjá Lykli. Útborgun 500.000 kr.
Gamli bíllinn þinn gildir að lágmarki sem 500.000 króna innborgun* í nýlegan og öruggan bíl (sérmerktur á plani). Þinn
gamli þarf aðeins að vera með gilda skoðun og í ökufæru ástandi. Ef þú ert ekki með bíl uppí má alltaf ræða aðra díla.Not
að
u
r
u
p
p
í
n
ý
le
ga
n 00.000Við tökum gamlabílinn uppí á
Opel Astra Innovation ‘18, sjálfskiptur,
ekinn 76 þús. km. Verð: 2.990.000 kr.
800003
SsangYong Tivoli Xlv Dlx ‘17, sjálfskiptur,
ekinn 74 þús.km. Verð: 2.390.000 kr.
Langur
591429 4x4
4x4