Fiskifréttir - 21.09.1984, Qupperneq 8

8
föstudagur 21. september
Baaderþjónustan 25 ára:
Hugmyndir Baaders ollu
byltingu í fiskiðnaði
— og 65 árum siðar er fyrirtækið enn í fararbroddi
i hönnun og framleiðslu véla til fiskiðnaðarins
Margir eru þeir sem vilja telja að
verksmiðjan Nordischer Maschin-
enbau í Liibeck í Þýskalandi, betur
þekkt sem Baader, eigi stóran þátt
í þeim uppgangi, sem orðið hefur
í íslensku efnahagslífi síðustu ára-
tugina. Ef einhver tæki sig til og
kannaði áhrif þeirrar sjálfvirkni,
sem Baader-vélarnar innleiddu
hér, er ekki ótrúlegt að þetta kæmi
í Ijós sem staðreynd.
Baader-merkið og vélar þessa
fyrirtækis urðu ótrúlega fljótt vin-
sælar hér á landi og eru enn.
Margar þessara véla gegna mjög
mikilvægu hlutverki í vinnslurás
hraðfrystihúsanna og hjá öðrum
fiskverkendum hér á landi, og
hafa staðist allar raunir má full-
yrða. Og Baader hefur ekki aðeins
náð fótfestu í fiskiðnaði hér á
landi, heldur um allan heim.
Fyrirtækið var stofnað í júnílok
1919 af Rudolph Baader. í>á munu
fæstir hafa trúað því að þetta
fyrirtæki yrði síðar slík bylting í
þróun vélbúnaðar til fiskiðnaðar
sem það síðar varð. Þá var það svo
með fiskinn að mannshöndin ein
annaðist skurð á fiski, og orðið
flökun var nánast ekki til og fiskur-
inn fremur brytjaður. Hugmyndir
Rudolph Baaders voru því óvenj u-
legar því hann vildi að vélar
önnuðust þessa vinnu, - og skildu
beinin frá!!
Þessa dagana er þjónustufyrir-
tækið Baaderverksmiðjan hér á
landi 25 ára gamalt. Baader-þjón-
ustan h.f. í Ármúla 5 í Reykjavík
er stofnuð í september 1959 til að
þjónusta vélar þýska fyrirtækisins
hér.
Auðvitað hefur margt gerst í
þróun véla Baader-fyrirtækisins
þýska á 65 árum. Ljóst er þó að
vélvæðingin varð til þess að örva
mjög fiskveiðar og iðnað tengdum
veiðunum, að ekki sé talað um
fiskneyslu um allan heim. Vélarn-
ar sem Baader-þjónustan h.f. selur
og veitir varahluta- og viðgerða-
þjónustu eru háþróuð tæki, en
eiga þó uppruna sinn í fyrstu
vélum fyrirtækisins, síldarhaus-
ingavélinni og fyrstu flökunarvél-
inni.
Á Alþjóðlegu sýningunni í
Laugardal verða sýndar nýjungar
frá Baader-verksmiðjunum, sem
án efa munu verkja athygli. Karl
Ágústsson framkvæmdastjóri
Baader-þjónustunnar sagði í við-
tali við Fiskifréttir að fyrirtækið
yrði með allstórt sýningarsvæði í
viðbyggingu Laugardalshallar.
Þar verða sýndar tvær bolfisklín-
ur fyrir vinnslu í frystihúsum. Ba-
ader 426 hausingarvél, en við hana
er tengd Baader 184 flökunarvél
með áfastri roðflettivél fyrir 30-70
sentimetra heildarlengd. Hraði
þessarar samstæðu er 24-40 fiskar
á mínútu með þrepastillingu.
Baader 427 er með splúkunýja
roðflettivél áfasta, Baader 185.
Hún tekur þorsk 50-100 sentimetra
langan (1-9 kíló) og afkastar 24—32
fiska á mínútu. Þetta er aðallínan
í dag fyrir bolfisk.
Þá gefur að líta alveg nýja
síldarlínu Baader 35, síldarflök-
unarvél sem ekki er komin á mark-
að enn sem komið er. Fyrir framan
þessa vél er Baader 482 sjálfmat-
ari. þetta er flökunarvél en í hana
er sett lítið áhald sem haus- og
slósker og skilar samstæðan í síld-
inni tilbúinni til söltunar. í flökun
nær þessi vél 270 síldum á mínútu
þegar best lætur með sjálfmötun-
inni. Baader 35 er um þessar
mundir til reynslu í Meitlinum, en
þeir Baadermenn hafa talsvert gert
af því að fá reynslu á tæki sín hér
á landi, m. a. er ein allra nýjasta
vélin þeirra Baader 51F roðfletti-
vél fyrir flatfisk nú reynd í ísbirnin-
um, en þessi vél verður einnig
sýnd á sýningunni.
Svo haldið sé áfram að tala um
Baader 189 er vélartegund sem flestir þekkja í fiskvinnslunni.
Baader 694 skelfiskvélin á sýningunni.
nýjungar frá Baader sem sýning-
argestir fá að skoða, þá verður
þarna merkileg vinnslulína fyrir
fiskmarning. Hún samanstendur
af Baader 653 þvottavél, Baader
697 marningsvél, sem verður ekki
á markaði fyrr en á næsta ári, og
loks Baader 523 marningspressa,
sem sér um að matvaran haldi
réttu rakastigi og fái á sig jafnan
og fallegan blæ.
Karl Ágústsson sagði að auk
Baader-tækjanna mundu verða
kynntar aðrar vörur í bás þeirra á
sýningunni, sem Baader-þjónust-
an hefur umboð fyrir. Þetta eru
vísavogir frá Vega Vekt í Noregi,
kjörnar fyrir vigtun á grófri vörur
auk þess sem þær eru sérstaklega
hannaðar til notkunar um borð í
skipum. Þessar vogir eru sérlega
hannaðar úr ryðfríum stálböndum
í stað hnífa og panna.
Þá verður Strapex bindivélin frá
Sviss til sýnis. Þá er þarna Simna-
hreistursvél frá Kanada. Hún þyk-
ir afhreistra á mjög góðan hátt, fer
vel með fiskinn í allri meðhöndlun
sinni. Baader-þjónustan er að
byrja að kynna þessa vél á markaði
hér um þessar mundir.
Karl Ágústsson sagði að Ba-
aderþjónustan h.f. reyndi að veita
sem besta þjónustu í viðgerðum
og varahlutum. Fyrirtækið hefur
lager á ísafirði og í Vestmanna-
eyjum og heldur námskeið fyrir
félamenn tvisvar á ári, en þeir
annast síðan viðhald og viðgerðir
á vélum hver í sinni heimabyggð.