Rit Landbúnaðardeildar : A-flokkur - 01.05.1953, Blaðsíða 61

59
Útsceði jrá þremnr jar'ðvegstegnndum.
Árið 1947 var byrjað á tilraunum með útsæði frá þremur jarðvegs-
tegundum. Gullauga og Ben Lomond voru valin og þau ræktuð á moldar-
jarðvegi, sandjarðvegi og mýrarjarðvegi. Utsæði beggja afbrigðanna var
svo borið saman á sandjörð. Tilraunir þessar hafa ekki borið þann ár-
angur, sem í fyrstu var búizt við. Það virðist ekki vera mikill munur á
því, á hvaða jarðvegi útsæðið hefur verið ræktað. Meðaltal fimm ára
hefur orðið þannig:
Uppskera hkg/ha Smælki hkg/ha Nothæfar hkg/ha Hhitföll
Gullauga:
Moldarjarðvegur . 126.4 21.8 104.6 100
Sandjarðvegur . . . 121.3 22.0 99.3 96
Mýrarjarðvegur . . 111.8 22.6 89.2 90
Ben Lomond:
Moldarjarðvegur . 179.2 22.5 156.7 100
Sandjarðvegur . . . 197.0 23.5 173.5 110
Mýrarjarðvegur . . 182.7 24.5 158.2 102
Að rækta útsæði á mýri virðist ekki hafa reynzt betur til vaxtar árið
eftir en útsæði ræktað á mo’darjarðvegi og sandjörð. Má því ætla, að út-
sæðisræktun kartaflna geti eins farið fram á sandjörð eins og öðrum jarð-
vegstegundum, ef þess er gætt, að hafa heilbrigðar kartöflur til ræktunar.
3. Starfsskýrsla 1951 og 1952.
a. Biiið.
Rekstur búsins á Sámsstöðum og öll tilraunastarfsemi þar hefur verið
með líkum hætti og áður. Árin 1951 og 1952 hafa reynzt á margan hátt
fremur erfið til búrekstrar, vegna verri veðráttu en undanfarin ár, og
svo vegna vaxandi dýrtíðar.
Stofnframkvæmdir hafa orðið litlar. Bæði árin hefur ræktunarland
stöðvarinnar aukizt um 6 ha. — Lagt hefur verið rafmagn frá Soginu í
öll hús, og kostaði það um 50 þúsund krónur. — Verkfæraeignin hefur
lítið aukizt. Keypt. var ein mótorsláttuvél, og kostaði hún rúmar 4 þús.
krónur. Er hún ætluð til þess að nota við slátt á tilraunareitum. Þá var
sett ný olíukynding í bæði íbúðarhús stöðvarinnar (olíubrennari). Gamla
kartöflugeymslan, sem byggð var 1939, var rifin og endurbyggð nú síðast-