Rit Landbúnaðardeildar : A-flokkur - 01.05.1967, Side 59

Það þykir rétt að birta hér efnagreiningar bæði úr 1. og 2. slætti árin
1961—1964. Þó eru ekki tekin nema Mg, K og Na, enda þótt til séu efna-
greiningar á P, Ca og próteini í flestum tilraununum.
Ljóst er, að með vaxandi K eykst % K í þurrefni í ríkum mæli. Magnið
af K er yfirleitt meira í 1. slætti, enda mátti búast við þeirri niðurstöðu,
því að kalí er að jafnaði borið á með öðrum áburði á vorin og reyndin
er bæði hér og erlendis, að túngrösin taka upp mikið kalí, ef mikið er af
því í jarðveginum og langt um fram það, sem þau hafa þörf fyrir.
Kalí er því erfitt að geyma í jarðvegi.
Kalí % í uppskeru hinna einstöku tilrauna er talsvert breytilegt, eftir
sama áburð. Hæst er K % í tilraun 8—50 á Sámsstöðum. K er hæst 1962
í d-lið 3,47% af þurrefni. 1963 fer það einnig yfir 3% eða í 3.37%.
Ekki skal neitt fullyrt um, hvort hámarks innihald af kalí sé um 3%, og
þá fari að mega vænta „eiturverkana“ í túngrösum hérlendis, en þó skal
vakin athygli á, að uppskera í d-lið í þessari tilraun er talsvert minni en
í c-lið eins og áður er getið.
Mg-magn virðist yfirleitt vera mjög líkt í 1. og 2. slætti. Það fer
minnkandi í uppskeru með vaxandi kalí. Magnið í uppskeru er nokkuð
breytilegt frá einum stað til annars og ennfremur frá ári til árs. Hér verður
ekki gerð tilraun til þess að skýra þetta atriði. Mörg atriði munu koma
þar til greina, s. s. sláttutími, veðurfar, jarðvegur, uppskera o. fl.
Na-magn fylgir yfirleitt sama lögmáli og Mg. Það fer minnkandi með
vaxandi kalímagni. Yfirleitt er lítill munur á Na-innihaldi í 1. og 2. slætti,
nema á Hvanneyri. Þar er magnið mikið meira í 2. slætti. Þar sem magnið
er lítið eru litlar sveiflur á Na-innihaldi með vaxandi kalí-skammti.
Vaxandi skammtar af kalí-áburði á Hvítárbakka.
Increasing levels of potasli.
Uppskera hey hkg/ha
a b c d
K2O kg/ha: 0 30 60 90
Hvanneyri, 137. ’62, 1962: 48.6 47.7 57.2 61.6
(Hvítárbakki) 1963: 26.1 26.0 29.1 26.0
1964: 43.1 45.5 48.5 47.6
Meðaltal 3 ára: 39.27 39.75 44.91 45.06
Grunnáburður kg/ha: 100 N og 30 P2O5
57