Storð : heimur í öðru ljósi - 01.03.1985, Qupperneq 19

Það virtist vera um tvennt að
ræða. Annar möguleikinn var að
kaupa sér venjulega þriggja herbergja
íbúð í blokk. En þá yrði hún að byrja
aftur að vinna og Nonni yrði að vinna
enn þá meira. Samt hefðu þau varla
nokkuð að lifa af í tvö til þrjú ár
meðan þau væru að komast yfir erfið-
asta hjallann. Hinn möguleikinn var
að Nonni hætti að vinna svona mikið
og að þau stefndu að því að öðlast rétt
á íbúð í verkamannabústöðunum eftir
eitt og hálft ár. Ef tekjur Nonna yrðu
nógu lágar árið 1985 yrði þeim úthlut-
að íbúð á árinu 1987. Biðlistinn yrði
ekkert vandamál því Gerða hafði talað
við frænda sinn sem var í stjórn í einu
verkalýðsfélaginu. Þau hefðu að vísu
úr minna að spila þann tíma sem
Nonni ynni ekki eins mikið — ekki
síst vegna þess að skattarnir höfðu
hækkað mikið eftir að hún fór að vera
heima og Nonni að afla einn tekna
heimilisins. Skattakerfið gerir nefni-
lega ekki ráð fyrir að menn fái að
vinna fyrir heimili sínu.
Gerðu fannst að vissu leyti fífla-
legt að fólk gæti komist yfir íbúð með
því að hætta að vinna og lækka í tekj-
um, en hún var fyrir löngu hætt að
pæla í því. Kerfið var bara svona. Þau
voru bara venjulegt fólk að reikna út
hvernig best væri að fá sér íbúð. Því
skyldu þau ekki reikna dæmið eins og
aðrir.
Það var annars ekki víst að þau
þyrftu að hafa það svo miklu verra
árið 1985. Frændi Nonna hafði boðið
honum starf þar sem yinungis dag-
vinnan var gefin upp. Úr því að þau
þyrftu hvort eð er að lækka tekjurnar
var líka hugsanlegt að Nonni færi í
skóla. Hún hafði frétt að ýmsir iðn-
aðarmenn sem hefðu verið að læra á
síðustu árum hefðu sótt um verka-
mannabústað. Þarna voru kannski enn
ein rökin fyrir því að hann drifi sig í
iðnskólann og kláraði smiðinn.
Og svo gæti hann náttúrulega
byrjað að vinna á fullu strax og búið
væri að ná einu tekjurýru ári inn í
viðmiðunina en hún er meðaltal tekna
í þrjú ár. Og svo yrði ekkert fylgst
með tekjunum eftir að þau flyttu inn í
verkamannabústaðinn. Hún hafði að
vísu heyrt að það væri eitthvert vesen
að selja þessar íbúðir ef þau vildu
stækka við sig seinna, en það yrði bara
að hafa það. Aðalatriðið væri að kom-
ast í eigið húsnæði.
17