Heilsuvernd - 01.04.1948, Qupperneq 18

16
HEILSUVERND
ana. Það er síðasti kapítulinn í sögu um ófullnægjandi
hreinsun ristilsins og meltingarvegarins í heild.
Fyrstu orsakir hægðatregðu er að rekja til þess, að
móðirin sér fóstrinu ekki fyrir nauðsynlegri næringu;
annars eru aðalorsakirnar mataræði menningarþjóðanna
og sú algenga skoðun, að nægilegt sé að hafa hægðir einu
sinni á dag. Konur eru mun verr settar en karlar, vegna
þess að kviðarhol þeirra er miklu stærra, þar eð þær
þurfa að bera fóstrið í því, og mjaðmagrindin stærri.
Þunguðum konum stafar öðrum fremur mikil hætta af
tregum hægðum. Hægðatregða er fólgin í því, að ristill-
inn stíflast að nokkru leyti, þá smáþarmarnir, skeifugörnin
og að síðustu maginn. Meltingarvegurinn þenst því mjög út,
og á þeim stöðum, þar sem innihald hans þrýstir á að
staðaldri eða togar í, myndast síðar sár og krabbamein að
lokum. Önnur afleiðing af kyrrstöðunni, og hún ef til vill
enn mikilvægari, er sú, að inn í smáþarmana komast rotn-
unarbakteríur úr ristlinum. Fæðan, sem á að næra líkam-
an, blandast eiturefnum, sem bakteríurnar framleiða, og
úr þörmunum sjúgast þau inn í blóðið. Lifur, nýru og
fleiri líffæri þurfa að reyna óeðlilega mikið á sig til þess
að hreinsa blóðið, anna því ekki og ofreynast og skemmast
smátt og smátt. Hver einasti vefur líkamans verður fyrir
eiturverkunum, svo að hrörnun eða skemmdir koma fram
í þeim. En þetta skoða læknar sem sérstaka sjúkdóma,
hvern öðrum óháða. Sjálfseitrunin veikir mótstöðuafl allra
líffæra og fruma líkamans, sem megna ekki lengur að
standast innrás óvinveittra sýkla. Þeir ná fótfestu, og ótal
sjúkdómar koma fram, svo sem liðagigt, berklar, krabba-
mein og fjöldi annarra. Þessir sjúkdómar mundu ekki
þrífast í manni með fullkomlega eðlilega meltingu, og þeir
læknast, að krabbameininu undanskildu, ef innihald maga
og smáþarma er rækilega sótthreinsað. Ef magi og smá-
þarmar eru lausir við hinar skaðlegu smáverur, þá geta
frumur líkamans fengið fullkomna næringu frá innihaldi
þeirra, þegar það berst inn í blóðrásina.