Strandapósturinn - 01.06.1968, Side 32

Reykjaneshyrna, myndin er tekin jrá Arnesstöpum. Þórðar-
hettir er nálægt því, sem örin bendir. Litla-Avík sést ekki á
myndinni. Árnesstapar skyggja á hana.
ÞÓRÐUR SAKAMAÐUR.
Það er ein gömul sögn að maður nokkur hafi komið haust eitt
að Reykjanesi í Víkursveit og nefnt sig Þórð. Gisti (hann) þar
nokkrar nætur að bónda þess er Jón hét. Átti Jón sá tvo sonu; hétu
Grímur og Jón, efnilegir menn. Bóndi mæltist til að Þórður dveldi þar
og réri til fiskjar með sonum sínum hvað hann gjörði, og féll vel á með
þeim. Var Þórður maður stilltur og fátalaður, jafnan hljóður í skapi.
Þar dvelur Þórður um veturinn og fellur vel á með þeim bónda; töl-
uðu þeir löngum so ekki vissu aðrir en þeir. Um vorið eina nótt
hvarf Þórður og þar með lítill bátur er bóndi átti. Gaf hann sig ekki
að því, en synir hans spurðust fyrir um nálægar sveitir hvurt ekki yrði
vart við Þórð, og kunni enginn til hans að segja. Þótti þeim bræðrum
skaði í hvarfi bátsins, en þó meir Þórðar þvl aldrei höfðu þeir getað
dregið báðir so mikið af fiski að Þórður ekki fiskaði betur haust það
er hann réri með þeim. Líður nú á sumar fram.
Það var einn góðan veðurdag að þeir bræður róa, og er þeir hafa
víða leitað og ekkert fiskað sjá þeir bát við haf bera; halda nú þangað
og er þar Þórður og hefur fiskað. Þeir renna nú færum og stendur
30