Strandapósturinn - 01.06.1968, Qupperneq 89

an áhlaupi miklu um nótt á skeri því, er kallast Fjalir undir
Hælavíkurbjargi á Homströndum, með fjárhlut öllum og 18
mönnum. Þegar skipið strandaði hlupu 8 menn í skipsbátinn,
þeirra á meðal skiparinn, bátinn sleit strax frá skipinu áralausan,
rak að landi undir björg og dóu fjórir strax af frosti og sjóvolki.
Skiparinn og sonur hans komust lífs af í bjargið, en hvað um
þá varð veit enginn síðan. Frændur tveir klifraðu upp bjarg-
skoru eina, hröktust þeir í stórviðrinu, — heitir það Hvannadal-
ur og er um 3 klst. gangur, — þar til þeir fundu eyðikofa nokkum.
Lagðist annar þar fyrir og dó, en hinn gekk berhöfðaður og ber-
fættur þar til hann hitti fyrir sér bæinn Rekavík bak Höfn. Komst
hann einn af kalinn til örkumla.
Ar 1766 í ágúst eru spellvirki unnin í Reykjarfjarðarkaup-
stað. Oboðnir gestir höfðu gert þar strandhögg. Þar hafði flest
verið brotið og bramlað, en sumu stolið.
Halldór Jakobsson sýslumaður reið til alþingis það sumar, á-
samt prestum af Ströndum, til þess að sverja Kristjáni VII kon-
ungi trúnaðareiða. Hann spurði þegar tíðindin, er hann kom
heim, og hraðaði sér þá til Reykjarfjarðar ásamt allmörgum
bændum til þess að skoða verksummerkin. Þeir sáu það fyrst,
að fjöl hafði verið reist upp á krambúðinni og ofan á hana fest
tvö álnarlöng hvalbein. Þóttust þeir skilja, að þetta hefði verið
gert í háðungarskyni. En þetta voru þó bamabrek ein hjá spell-
virkjum þeim, sem unnin höfðu verið. Við syðri enda krambúð-
arinnar hafði verið brotin niður níu álna löng girðing, úr
beykisbúðinni var horfið lofthillur og fjalir ásamt hurðinni, þak-
ið eyðilagt og súðin rifin burt. Ur syðri hlið krambúðarinnar
hafði gluggi verið höggvinn með öxi, og slár, sem vom fyrir inn-
an hann, rifnar brott. Jörundur bóndi Ásbjörnsson á Krossnesi
varðveitti innsiglaða lykla að kaupmannshúsunum og afhenti
sýslumanni þá, svo að hann gæti svipazt um inni. Kom í ljós
að kaupmannsstóllinn hafði verið eyðilagður, og smjörskaka sett
á gólfið við borð hans, sjálft var gólfið brotið, saltmælirinn kom-
inn á flæking, en búið að stela kaupmannsbókinni, pundaran-
um, pottmálinu og alinmálinu. I kjallaranum var einnig ófag-
urt umhorfs. Níu lýsistunnur lágu á hliðinni n;eð opin spons,
87