Strandapósturinn - 01.06.1987, Blaðsíða 36

Ég þori ekki að fleira sé tekið og það hef ég skrifað öllum deildar-
stjórum. Reislu á Guðmundur í Ljárskógum að senda þér og nú
sendi ég þér anilín til að merkja með. Lítinn pensil verður þú að fá
á Borðeyri. Ég þarf ekki að taka því fram við þig, að þú skrifar
vigtarbókina greinilega svo ekki geti orðið rugl á með kindur sem
skrifast milli deilda. Féð er skrifað í 3 dálkum: Veturgamalt.
Geldar ær. Sauðir. Engin kind tekin léttari en 95 p. Engin ær eldri
en 4 vetra eða rýrleg. Engin tuskuleg kind þó að nái 95 p. Ég man
ekki fleira að skrifa og kveð þig með bestu óskum.
Þinn einl. vin TBjarnason.
P.S. Ég ætti að finna þig heima 4. okt. og þá þarf ég að fá yfirlit
yfir fjártöluna sem komin er úr hverri deild.
Ólafsdal 17. sept. 1893.
Kæri vin! Þú hefur fyrir löngu fengið frá mér öll plöggin
áhrærandi vigtina fyrir norðan. Ég hef nú kosið að biðja þig að
bæta við þig Bæjardeildinni. Ég sé að það er of seint að láta hana
bíða eftir Bjartmari. I Bæjardeildinni á þá að vigta mánudaginn 2.
október og býst ég við að þar korni urn 450 fjár. Ég þori því ekki
annað en senda þér til viðbótar anilín svo þú hafir nógan lit á féð
allt. Fyrirgefðu rispið. Þinn einl. vin TBjarnason. — Ég hef reynd-
ar beðið síra Pál að tala um fjárvigtina í Bæjardeildinni við þig og
Pétur, en ég minnist á það líka úr því að ég sendi þér litinn. Þinn
Torfi.
Ólafsdal 20. sept. 1893.
Kæri vin! Bestu þökk fyrir bréfið dags. 19. þ.m. Ef reislan ekki
verður komin til þín í tækan tíma, þá verð ég að biðja þig að senda
eftir henni, þó það auki kostnað. — Það getur verið að Jón á
Söndum láti þig þar að auki vigta nokkra sauði sem ég hef ekki
þorað að fast lofa honum að taka, en sem ég þó tel upp á að verði
pláss fyrir ef ekki heimtist því betur. Ég bið þig minnast á þetta við
hann. Ég hef nýlega skrifað þér að best sé að þú vigtir allt féð úr
Bæjardeild. Hef sent þér glas með viðbót af lit. Vona að það
komist í tíma. Ég ætlast til að það sé allt vigtað 2. október en það
verður máske tæpur tími, því það er alls um 450 sem ég tel upp á
34