Strandapósturinn - 01.06.1987, Blaðsíða 115

Tryggva Þórhallssonar sem þá var að verða utangátta í Fram-
sókn og hafði stofnað Bændaflokkinn.
Ef hallaði á einhvern í deilunum var eins víst að Einar kæmi
honum til hjálpar alveg óvænt. Honum þótti gaman að deila og
reka menn á stampinn. Minnið var svo afgerandi og allt sem
Einar las, og það var mikið, stóð honum opið lengi á eftir. Hann
var eins og tölva. Menn gátu ekki rekið hann í vörður svo neinu
næmi. Allir hlustuðu og sumir lögðu orð í belg öðru hvoru og
vildu láta ljós sitt skína líka.
Þannig liðu matsdagarnir óðfluga og sama mátti segja um
ýmsa aðra vinnu í fiskskúrunum hjá Árna, og ekki má því
gleyma að sjálfur tók Árni þátt í umræðum þessum og var vel
gjaldgengur.
Hreppurinn átti allgott bókasafn og var byggt hús undir það
innan við Bælið. Jón Adi var bókavörður og áttu margir þangað
erindi. Þar var mikið af fræðiritum enda höfðu þeir bræður Sig-
valdi á Sandnesi og Ingimundur Guðmundsson hreppsstjóri á
Hellu lengst af ráðið bókakaupum.
Aldrei reru margir bátar frá Hamarsbælinu, einkum voru það
Einar og Jón Atli og Halldór Magnússon. Það var allþröngbýlt
þarna. Þröngt mega sáttir sitja, segir gamalt mál og það átti við
þarna. Aðkomumenn sem voru þarna tíma og tíma urðu að
beita línu sína í skúrum hinna og sofa mjög þétt. Aldrei sá ég
þar drukkinn mann utan einu sinni, en þá stóð þannig á að tveir
sunnanmenn voru nýkomnir þar sem hásetar. Áttu þeir eina
flösku saman. En þegar annar var á sjó drakk hinn allt áfengið
°g varð svo hræddur við félaga sinn að við urðum að fela hann
uteðan hinum rann reiðin.
Það voru alloft frídagar vegna gæfta og aflaleysis. Tóku menn
þá tafl eða lásu í bók og landsmálablöðin ísafold og Tíminn voru
svo að segja lesin upp til agna. Stundum voru böll í gamla
Baldurshúsinu á Drangsnesi og var þá venjulega fámennt í
Bælinu á meðan. Eitthvað var þarna af húsdýrum. Eg man að
Auðunn var þarna með kú einn vetur, en svo byggði hann sér
hús á Helganesinu í Hafnarhólmslandi og fór þá þangað með
húna. Eitthvað var þar af kindum og má vera hestum. Þar voru
113