Luxus - 01.12.1984, Side 75

SAAB-9000
Frh. aj bls. 73
metra kappakstursvélum kleift að
framleiða yfir 800 hestöíl, en Saab
9000 er ekki kappakstursbíll og
lætur sér nægja 175 stór og feit
hestöfl við aðeins 5300 snúninga á
mín. Það sem meira var lagt upp úr
er mikið snúningsátak (tork), lítil
eyðsla og ekki síst afar hreinn út-
blástur sem hægt er að bæta enn
meir. Þessi vél mun duga Saab inn
í 21. öldina og er ein sú tæknilega
fullkomnasta sem fæst nú í fólksbíl.
Hún skutlar þessum rúmlega 1300
kílóa þunga bíl á aðeins 8,3 sekúnd-
um upp í 100 kílómetra hraða og
hámarkshraðinn er vel yfir 220 kíló-
metrar á klukkustund (hefur komist
yfir 240!). í fyrsta sinn í sögu Saab
er vélin höfð þversum milli fram-
hjólanna og við hana er nýr fimm
gíra kassi sem Saab-menn hönnuðu
og smíða sjálfir. Sjálfskipting er ekki
fáanleg strax, í hillum ZF og Getrag
eða Borg-Wamer sem selt hafa Saab
sjálfskiptingar er ekki til neitt pass-
andi ennþá, en úr því verður bætt á
næsta ári.
Vél, kassi og fjöðrun er sem sagt
allt nýhannað af Saab sjálfum, en
boddískelin varð til í samvinnu við
þijár ítalskar verksmiðjur, Alfa Rom-
eo, Fiat og Lancia. Þetta samstarfs-
verkefni hefur gengið undir nafninu
Tipo Quattro, eða gerð 4, sem Giug-
iaro teiknaði sameiginlega og hver
lagar að sínum smekk. Lancia hefur
nú birt myndir af sinni útgáfu sem
nefnist Lancia Thema og af þeim má
greinilega sjá skyldleikann við Saab
9000 þótt Thema sé fjögurra dyra
með skotti og með annað kram og
afturfjöðrun. Saab-menn segja að
aðeins um 18 hlutir séu í rauninni
þeir sömu hjá öllum, allt annað sé
þeirra eigið, en Lancia Thema V6
hlýtur að verða einn af skæðum
keppinautum Saab 9000.
Já, Saab er komið langa leið frá
sérvitringslega tvígengis apparatinu
sem var þeirra eini bíll frá byijun
1947 til 1967 þegar 99an kom. Þessi
fyrsti nýi bíll Svenska Aeroplan Akt-
iebolaget í 17 ár sýnir hvert stefnir,
Saab eru að færast upp á við og þvi
verður haldið áfram. Það þýðir nefni-
lega ekki fyrir jafn lítið fyrirtæki og
fólksbíladeild Saab að ætla að
reyna að keppa um bita á ódýrari
enda markaðarins, ekki einu sinni
á miðjunni. Leiðin liggur upp, þar
er styrkur Saab og þar er betri af-
komu að fá, þar sem alltaf er meira
lagt á dýra bíla en ódýra. Næsta
skrefið verður að láta þennan nýja
ávöxt evrópsks samstarfs smám
saman koma í stað 900 línunnar
sem er úrelt með öllu í samanburði
við 9000, og síðan hnígur Saab 90
hljóðlega út af.
Þá er eftir ómengað gæðabíls-
merki, það sama og á fullkomnustu
orrustuþotum heims.
Gult & Silfur er meðal fyrstu skartgripaverslana, sem
flytja inn slípaða demanta í háum gæðaflokki. Hverjum
demanti fylgir ábyrgðarskírteini, gæðastimpill okkar.
Viljir þú fá nýjan stein er sá gamli tekinn upp í á fullu
verði. Verð demantanna og sérþekking Gulls & Silfurs
stenst erlendan samanburð. Demantur er rómantísk gjöf
og um leið hagkvæm og skynsamleg fjárfesting.
Gefðu demant. > #
CEFÐU
DEMANT
» -i „ íjÉBþ,