Fréttablaðið - 15.01.2022, Blaðsíða 8

Gríðarleg eftirspurn er eftir
vel menntuðu tæknifólki til
starfa í íslenska hugverkaiðn-
aðinum, sem stefnir nú í að
verða verðmætasta útflutn-
ingsgrein Íslands.
ser@frettabladid.is
IÐNAÐUR Hugverkaiðnaðurinn á
Íslandi er í stórsókn, en svo mikill
vöxtur hefur hlaupið í atvinnu-
greinina að ráðningafyrirtæki hafa
ekki undan við að útvega nýsköp-
unarfyrirtækjum á þessu sviði vel
menntað tæknifólk.
„Það er fullt af spennandi fyrir-
tækjum að koma inn á þennan
markað hér á landi – og hann iðar
af lífi,“ segir Katrín S. Óladóttir,
framkvæmdastjóri Hagvangs, sem
segir greinina hreinlega soga til sín
vinnuafl sem aldrei fyrr.
„Síðustu mánuði hefur verið bull-
andi eftirspurn eftir vel menntuðu
tæknifólki hjá þessum ört vaxandi
fyrirtækjum – og ef aðeins er horft
til fyrstu daga þessa árs er ekkert
lát á eftirspurninni heldur þvert á
móti,“ segir Katrín.
Sigríður Mogensen, sviðsstjóri
iðnaðar- og hugverkasviðs hjá Sam-
tökum iðnaðarins, tekur undir orð
Katrínar og segir þau vera algerlega
í samræmi við það sem félagsmenn
samtakanna hafi orðið varir við á
síðustu mánuðum og misserum, en
vöxturinn sé þar að auki staðfestur
í opinberum hagtölum.
„Vaxtartækifæri greinarinnar
eru gríðarlega mikil til framtíðar –
og eru líklega meiri en við gerum
okkur grein fyrir,“ segir Sigríður, en
bendir svo á augljósa ógnun inni á
milli tækifæranna. „Við stöndum ef
til vill frammi fyrir náttúrulegum
hindrunum í þessum atvinnugeira,“
segir hún og á við að tækninámið á
Íslandi anni ekki þeirri ríku eftir-
spurn sem er eftir starfsfólki í grein-
ina. „Framhaldsnámið hér á landi
verður að fara að taka meira mið af
þróttmiklum vexti framsækinna
nýsköpunarfyrirtækja hér á landi,“
segir hún.
„Þetta eru stærstu gleðifréttirnar í
íslensku atvinnulífi,“ bendir Katrín
á. „Ungs og vel menntaðs tæknifólks
á Íslandi bíða vel launuð verkefni
í einstaklega spennandi vinnu-
umhverfi sem sækir fram af miklu
afli í alþjóðlegu umhverfi.“
Og Sigríður setur vöxtinn í
kunnuglegt samhengi. „Hugverka-
iðnaðurinn er orðinn jafn stór
og íslenskur sjávarútvegur hvað
varðar verðmæti útf lutnings og
stefnir fram úr honum á næstunni.
Verðmæti útflutningsins í þessari
grein hefur tvöfaldast frá 2013 og
allt bendir til þess að hugverka-
iðnaðurinn verði stærsta og verð-
mætasta útf lutningsgrein Íslands
innan örfárra ára,“ segir Sigríður
Mogensen. ■
Verðmæti hugverkaiðnaðar
stefnir fram úr sjávarútvegi
Stúdentar útskrifast frá Tækniskólanum, í Hörpu vorið 2021. FRÉTTABLAÐI/ERNIR
Sigríður Mogen-
sen, sviðsstjóri
iðnaðar- og hug-
verkasviðs SI
Þetta eru stærstu
gleðifréttirnar í
íslensku atvinnulífi.
Katrín S.
Óladóttir,
framkvæmda-
stjóri ráðninga-
fyrirtækisins
Hagvangs
bth@frettabladid.is
VEÐURFAR Alhvítir dagar í Reykja-
vík voru aðeins 17 á síðasta ári, sem
er langt undir meðaltali. Hafa hvítir
dagar aldrei verið færri í borginni ef
undan er skilið árið 2010 þegar þeir
voru 16.
Þetta kemur fram í svörum frá
Veðurstofunni við f yrirspurn
Fréttablaðsins. Fjöldi hvítra daga er
nokkuð breytilegur ár frá ári, sam-
kvæmt svörum Kristínar Bjargar
Ólafsdóttur, sérfræðings í veður-
farsrannsóknum hjá Veðurstofunni.
Meðalfjöldi alhvítra daga á 30
ára tímabili frá 1991 til 2020 var 55
dagar í Reykjavík. Til samanburðar
voru alhvítu dagarnir 95 á Akur-
eyri á sama tímabili. Alhvítir dagar
á nýliðnu ári á Akureyri voru 82 á
sama tíma og þeir voru 17 í Reykja-
vík. Snjóhula er því tæplega fimm
sinnum algengari á Akureyri en í
Reykjavík.
Jörð hefur verið hvít á höfuðborg-
arsvæðinu síðustu daga og hefur
sumum brugðið í brún í ljósi þess
hve undangengið ár var snjólétt. ■
Alhvítir dagar í sögulegu lágmarki
Snjór á Leifsg ötu í Reykjavík.
FRÉTTABLAÐIÐ/VALLI
hjorvar@frettabladid.is
UTANRÍKISMÁL Bandaríkin leita nú
leiða til þess að semja við Írani um
kjarnorkuáætlun þeirra. Antony
Blinken, utanríkisráðherra Banda-
ríkjanna, segir Írani vera á loka-
metrum þess að geta framleitt efni
sem nota má til að framleiða kjarna-
vopn.
Samkomulag var gert milli land-
anna sem gilti til ársins 2015, en
samkvæmt þeim samningi féllust
Íranir á að hætta augðun úrans.
Þá var eftirlitsmönnum Alþjóða-
k jar nork umálastof nunar innar
heimilt að gera vettvangsrann-
sóknir á kjarnorkuverum þeirra,
gegn því að Vesturveldin létu af
refsiaðgerðum og viðskiptaþving-
unum sínum í landinu.
Donald Trump, þáverandi forseti
Bandaríkjanna, sleit þessu sam-
komulagi árið 2018 og hóf á nýjan
leik refsiaðgerðir gagnvart Íran.
Það er mat Blinkens að Íranir hafi
tekið miklum framförum í auðgun
úrans síðustu árin og séu nú nálægt
því að geta smíðað langdræg kjarna-
vopn. Fulltrúar Bandaríkjanna og
Írans settust að samningaborðinu
í nóvember síðastliðnum, til að
leita leiða til að gera nýjan samning
um stöðvun á augðun úrans og þá í
kjölfarið afléttingu aðgerða Banda-
ríkjanna.
Blinken segir að þó að þokist í
samkomulagsátt sé enn töluvert í
það að samkomuleg sé í höfn. Utan-
ríkisráðherrann lét í veðri vaka að
hernaðaraðgerðum yrði beitt til
að stöðva auðgun úrans á íranskri
grundu ef samningar næðust ekki
innan tíðar. ■
Blinken telur nokkrar vikur til stefnu
Antony Blinken,
utanríkisráð-
herra Banda-
ríkjanna
thorgrimur@frettabladid.is
RÚSSLAND Spennan milli Rúss-
lands og Vesturlanda er á hápunkti
við landamæri Úkraínu, þar sem
Rússar hafa komið fjölda hermanna
fyrir að undanförnu. Ríkisstjórn
Bandaríkjanna hélt því fram í gær
að Rússar hefðu sent útsendara inn
í Úkraínu til að vinna spellvirki sem
Rússland geti síðan notað sem tylli-
ástæðu fyrir innrás í landið. Ætl-
unin sé að setja á svið árás Úkraínu-
manna gegn bandamönnum Rússa
svo hægt sé að útmála innrás sem
varnaraðgerð.
Í frétt á Russia Today, ríkisfjölmiðli
Rússlands fyrir enskumælandi, er
þessum ásökunum alfarið vísað á
bug. „Hingað til hafa allar þessar
staðhæfingar verið tilhæfulausar og
hafa ekki stuðst við neitt,“ var haft
eftir Dímítrí Peskov, talsmanni rúss-
neska forsetaembættisins. ■
Saka Rússa um að leggja grunn að innrás
Jake Sullivan,
þjóðaröryggis-
ráðgjafi
Bandaríkjanna,
segir aðgerðir
Rússa í takt við
hernaðarinngrip
þeirra í Úkraínu
árið 2014.
MYND/GETTY
Ef svo fer sem horfir
mun hvít jörð nánast
heyra til undantekn-
inga í Reykjavík. Hvítir
dagar voru fimm
sinnum fleiri á Akur-
eyri en í Reykjavík árið
2021.
8 Fréttir 15. janúar 2022 LAUGARDAGURFRÉTTABLAÐIÐ