Fréttablaðið - 15.01.2022, Page 67

Íris Ann Sigurðardóttir er
lærður ljósmyndari og rekur
listræna vinnustofu, ásamt
því að vera í veitingarekstri.
Nýlega opnaði Íris Lólu Flór-
ens í Garðastræti 6, ásamt
Svövu æskuvinkonu sinni.
sjofn@frettabladid.is
Þegar kemur að mataræði þá trúir
Íris Ann Sigurðardóttir því að allt
sé gott í hófi. „Ég elska kolvetni
og er alfarið á móti megrunum.
Ástæða þess að ég elska að vera í
veitingabransanum er að matur
kemur fólki saman; að elda, njóta
og skapa minningar í kringum
matarborðið er það sem mér
finnst lífið að mestu snúast um.“
Þegar kemur að því að huga að
mataræði og lýsa hinum hefð-
bundna degi hvað varðar næringu,
finnst Írisi skipta máli að velja það
sem eykur vellíðan og tileinka sér
að fasta.
Finnst þér skipta miklu máli
hvað þú borðar þegar kemur að því
að huga að orku og úthaldi?
„Ég las fyrir nokkrum árum
að það gæti hjálpað fólki eins og
mér með „athygliskost“ eins og ég
kýs að kalla það, að tileinka sér
að fasta. Það gefur líffærunum
ákveðna hvíld og hjálpar við ein-
beitingu. Ég hef gert þetta síðustu
árin en ekki strangt, ég borða
þegar ég er svöng en reyni að
forðast að borða eftir kvöldmat og
svo sleppi ég oftast morgunmat og
fæ mér næringarríkan hádegisverð
í kringum hádegið.“
Íris segir að þessi fasta sé alls
ekki heilög heldur bara viðmið.
„Þetta er alls ekki fyrir alla en
virðist henta mér vel. Mér finnst
ég svo alltaf fá aukna orku við að
stunda stutta hreyfingu á hverjum
degi.“
Ekki miklar kröfur til sjálfrar sín
Aðspurð segist Íris ekki breyta
mataræðinu í upphafi árs. „Mér
finnst að maður eigi að byrja árið í
ró og kærleika gagnvart sjálfum sér.
Gott og vel að hafa markmið fyrir
árið, en kannski ekki raunsætt að
gera of miklar kröfur til sjálfs sín í
dimmasta mánuði ársins. Ég reyni
yfir höfuð að tileinka mér ágætlega
hollan lífsstíl þannig það er ekki
mikil breyting í byrjun árs hjá mér.
Það helsta sem ég reyni að breyta í
byrjun árs er að vera sannari sjálfri
mér og gefa mér þann tíma sem
ég þarf til að huga að andlegri og
líkamlegri heilsu.“
Hvernig lítur hefðbundinn dagur út
hjá þér þegar kemur að því að raða
saman matseðli fyrir daginn?
„Ég byrja alla daga á hafra-cap-
puccino, fæ mér svo næringar-
ríkan hádegisverð, oftar en ekki á
Coocoo’s Nest. Einstaka sinnum
tek ég sparifund á La Primavera,
fátt er betra en pasta í hádegisverð
með einu rauðvínsglasi.“
Íris er þakklát fyrir elda-
mennsku eiginmannsins og sam-
verustundirnar við matarborðið.
„Svo er ég svo vel gift að þegar
maðurinn minn er ekki á kokka-
vakt þá eldar hann fyrir okkur
fjölskylduna kvöldverð. Reglulega
koma vinir og fjölskylda í mat.
Ég elska ekkert meira en að hafa
heimaalninga í mat með börn-
unum sínum og við njótum öll
saman.
Ég verð að viðurkenna að ég
elda sjaldnast hádegisverð fyrir
sjálfa mig enda heppin að eiga
Coocoo’s Nest að. Þar er næringar-
ríkur matur gerður frá grunni. Ég
elska að fá mér súpu og samloku
úr súrdeigsbrauði. Svo er ég líka
hrifin af matarmiklum salötum
með rótargrænmeti, byggi og
sítrónu-olíu. Það er auðvelt að
skera mikið af grænmeti og ofn-
baka og sjóða bygg, það endist
líka vel út vikuna og hægt að nota
í meðlæti með kvöldverðinum.
Með því að huga vel að andlegri
líðan þá ósjálfrátt ræður maður
betur við heilbrigðan matarlífs-
stíl, það helst í hendur og ætti að
vera fyrsta skrefið. Ef ég fæ mér
köku einn daginn þá geri ég það
samviskulaust og fæ mér líklegast
þá ekki daginn eftir, snýst um
ákveðið jafnvægi.
Ég hef þá trú að maður fitni við
tilhugsunina eina og sér um að
fara í megrun, ef maður bannar
sér eitthvað þá langar mann bara
enn þá meira í það. Mantran mín
er: Allt er gott í hófi.“ n
Matur er til að njóta og skapa minningar
Íris byrjar alla
daga á hafra-
cappuccino,
síðan fær hún
sér næringar-
ríkan hádegis-
verð, oftar en
ekki á Coocoo’s
Nest. Þá er það
oftar en ekki
samloka úr súr-
deigsbrauði og
súpa.
FRÉTTABLAÐIÐ/
ANTON
Salat og súrdeigsbrauð. Frábær há-
degisverður fyrir fólk á hlaupum.
Protis kappkostar að þróa
og markaðssetja hágæða
náttúrulegar heilsuvörur,
fyrir viðskiptavini sem kjósa
vörur úr íslensku hráefni,
sem er aflað og unnið á sjálf-
bæran hátt.
Protis var stofnað árið 2015. „Ég
vann þá sem framleiðslustjóri
hjá Ice Protein og var að þróa
lyktarlaust fiskiprótín. Um haustið
hófum við framleiðslu á IcePro-
tein® og í kjölfarið var fyrirtækið
Protis stofnað sem framleiðslu-
fyrirtæki. Í dag framleiðum við
IceProtein®, Protis® og SeaCol®
sem eru öll náttúruleg virk efni
sem við notum í fæðubótarvörur
okkar, Liði og Kollagen,“ segir
Heimir Haraldsson, framleiðslu-
stjóri Protis.
Öll framleiðsla Protis er á Íslandi
og er því um að ræða bæði íslenskt
hugvit og íslenska framleiðslu.
Sjálfbær framleiðsla
fæðubótarefna
„IceProtein® er framleitt úr
afskurði af snyrtilínum í þorsk-
vinnslu og stuðlar því að enn betri
nýtingu afurðarinnar. Um er að
ræða vatnsrofið og ensímmeð-
höndlað prótín, sem líkaminn
getur auðveldlega melt og nýtt sem
einstaka næringu og orkugjafa
fyrir vöðvana,“ segir Heimir. „Efnið
virkar að auki líkt og peptíð á blóð-
rásina og hefur þannig blóðþrýst-
ingslækkandi áhrif.
Protis® er svo hágæða kollagen
sem er unnið úr fiskroði sem fellur
til við fiskvinnslu, en á undanförn-
um árum hefur fjöldi rannsókna
sýnt fram á góða virkni kollagens á
húð, hár og neglur,“ segir Heimir.
Lykill að liðheilsu
SeaCol® er unnið úr sæbjúgum
og byggir á aldagamalli þekkingu
frá Austurlöndum. Kínverjar hafa
enda löngum neytt sæbjúgna fyrir
liðheilsu og fleira.
„Sæbjúgu, sem og brjóskfiskar
eins og skötur og hákarlar, eru afar
rík af kondroitín súlfati, sem þekkt
er að hafi góð áhrif á brjóskheilsu,
en heilbrigt brjósk er algert lykil-
atriði þegar kemur að liðheilsu,“
útskýrir Heimir.
Fæðubótarefni Protis, Liðir og
Kollagen, byggja á þessum þremur
virku innihaldsefnum. „Hver
blanda fyrir sig inniheldur önnur
virk efni sem styrkja og styðja við
virkni efnanna sem Protis fram-
leiðir frá grunni,“ segir Heimir.
Hjálpar mörgum með
liðavandamál
„Liðir frá Protis er frábær blanda
fyrir liða-, brjósk- og beinheilsu
og inniheldur IceProtein® og
Cucumaria frondosa extrakt, sem
unnið er úr skráp villtra sæbjúgna
sem veidd eru í hafinu við Ísland,“
segir Heimir. „Skrápurinn er að
mestu leyti úr brjóski og er því
mjög ríkur af kollageni en einnig
lífvirka efninu kondroitín súlfati,
sem þekkt er að hafi góð áhrif á
brjóskheilsu. Einnig inniheldur
blandan túrmerik, sem hjálpar til
við að lágmarka bólgur, og D-víta-
mín, sem er algert lykilatriði þegar
kemur að beinheilsunni.
Það er ekki að ástæðulausu að
við notum IceProtein® í Liði, en
þetta er frábær orkugjafi og algert
undraefni fyrir liði og vöðva,“
útskýrir Heimir. „Liðir hefur
hjálpað mörgum með liðavanda-
mál eins og liðagigt, en einnig fólki
sem hefur fengið brjósklos.“
Þéttari og sléttari húð
með Kollagen
„Kollagen frá Protis er síðan dúnd-
urblanda fyrir húð, hár og neglur.
Hún inniheldur Protis® kollagen
sem er framleitt úr íslensku
fiskroði og inniheldur einstaka
innihaldsefnið SeaCol®, en það
er blanda af vatnsrofnu kollageni
úr íslensku fiskroði og vatnsrofnu
þorskprótíni úr íslenskum þorski,
sem tekur þátt í að styrkja vefi
líkamans og viðhalda teygjan-
leika,“ segir Heimir.
Einnig inniheldur blandan
B-vítamín, sem gefur orku og er
frábært fyrir bæði húð og hár,
hýalúrónsýru, sem er alger raka-
bomba fyrir húðina og Q10, sem
hefur góð áhrif á eldri húð.
„Fólk finnur mikinn mun á sér
í húðinni, hún er bæði þéttari og
sléttari. Margir tala líka um þéttari
hárvöxt og að neglurnar styrkist.
Þá hafa margir vitnað um að hafa
verið með þurra og sprungna hæla,
en að það hafi lagast við að taka
inn Protis Kollagen,“ segir Heimir.
„Það finna líka margir sóríasis
sjúklingar fyrir miklum mun, en
blandan getur haft mildandi áhrif
á útbrot og sóríasissár.“ n
Fæðubótarefnin frá Protis fást í
matvöruverslunum, apótekum
og heilsuvöruverslunum um land
allt.
Gæðin endurspeglast í virkninni
Heimir Haraldsson segir hafið við strendur Íslands vera uppsprettu mikilla
gæðaafurða sem vel megi nýta til bættrar heilsu. FRÉTTABLAÐIÐ/ANTON BRINK
Kollagen frá Protis er frábær blanda
fyrir húð, hár og neglur og byggir á
íslensku hugviti.
Liðir er sérhönnuð blanda fyrir liði,
brjósk og bein sem gegnir allt lykil-
hlutverki í liðheilsu.
ALLT kynningarblað 3LAUGARDAGUR 15. janúar 2022