Morgunblaðið - 16.12.2021, Síða 4

4 FRÉTTIR
Innlent
MORGUNBLAÐIÐ FIMMTUDAGUR 16. DESEMBER 2021
„Gjalda þarf varhug þegar kemur að
heimildum til lántaka með ábyrgð
ríkisins þegar mikil óvissa ríkir um
fjárhagsgrundvöll þess verkefnis
sem lána skal til,“ segir ríkisendur-
skoðandi í umfjöllun um fjögurra
milljarða króna lántökuheimild rík-
isins í fjárlagafrumvarpi næsta árs
til að endurlána fyrirtækinu Betri
samgöngum ohf., en það var stofnað
um uppbyggingu samgönguinnviða á
höfuðborgarsvæðinu, þ. á m. borgar-
línu.
Þarf 4 milljarða lán á næsta ári
Þetta kemur fram í umsögn ríkis-
endurskoðanda til fjárlaganefndar
Alþingis um fjárlagafrumvarpið.
Bendir hann á að tekjur félagsins
sem eigi að standa undir kostnaði
séu annars vegar þriggja milljarða
kr. árleg framlög eigenda og hins
vegar ráðstöfun lands og hugsanleg
flýti- og umferðargjöld sem séu ekki
ennþá til staðar og fram komi í frum-
varpinu að erfitt sé að áætla hvenær
og hversu hratt þau renni til félags-
ins.
Gæti þurft að gefa eftir hluta
lána vegna Vaðlaheiðarganga
Brúa eigi bilið á fyrri hluta fram-
kvæmdatímabilsins milli tekna og
gjalda með lántöku frá ríkinu eða
með lánum frá öðrum með ríkis-
ábyrgð og gert sé ráð fyrir að félagið
þurfi fjögurra milljarða lántöku á
næsta ári.
Vekur ríkisendurskoðandi athygli
á að samgönguframkvæmdir sem
ætlunin sé að fjármagna með öðrum
hætti en beinum ríkisframlögum geti
haft áhættu í för með sér fyrir ríkis-
sjóð.
„Skemmst er að minnast Vaðla-
heiðarganga í því sambandi sem
upphaflega var gert ráð fyrir að
einkaaðilar myndu fjármagna og
sem í raun var forsenda þess að
ákveðið var að ráðast í verkefnið,“
segir í umsögn ríkisendurskoðanda.
„Mál skipuðust hins vegar með þeim
hætti að einkaaðilar töldu ávöxtun
og áhættu verkefnisins vera slíka að
þeir treystu sér ekki til að lána fé til
þess. Ríkissjóður stendur líklega
núna frammi fyrir því að þurfa að
gefa eftir hluta lána til félagsins í
tengslum við fjárhagslega endur-
skipulagningu þess þrátt fyrir að
ekki hafi verið gert ráð fyrir því þeg-
ar ríkið ákvað að stíga inn í verkefnið
og tryggja framgang þess. Áhættan
minnkar ekki ef aðrir aðilar en ríkið
eru ráðandi um tilhögun þess og
stýra í raun ferðinni,“ segir ríkisend-
urskoðandi.
Ríkisendurskoðandi væntan-
legur á fund fjárlaganefndar
Bjarkey Olsen Gunnarsdóttir, for-
maður fjárlaganefndar Alþingis, og
Haraldur Benediktsson, 1. varafor-
maður nefndarinnar, vildu ekki tjá
sig í gær um þessi ummæli ríkisend-
urskoðanda fyrr en hann hefði komið
á fund nefndarinnar og gert nefnd-
armönnum ítarlegri grein fyrir sjón-
armiðum sínum. Gert er ráð fyrir að
ríkisendurskoðandi komi fyrir
nefndina á allra næstu dögum.
omfr@mbl.is
Geldur varhug við lántökuheimild
- Lán með ríkisábyrgð til Betri sam-
gangna gæti haft áhættu í för með sér
Morgunblaðið/Kristinn Magnússon
Alþingi Fjárlagafrumvarp næsta
árs er til umfjöllunar í nefnd.
Höskuldur Daði Magnússon
hdm@mbl.is
„Þetta hefur gengið að áætlun en
auðvitað hafa verið einhverjir
hnökrar og byrjunarörðugleikar
eins og alltaf er með tölvukerfi,“
segir Jóhannes Rúnar Svavarsson,
framkvæmdastjóri Strætó. Einn
mánuður er í dag síðan Klapp, nýtt
greiðslukerfi fyrir Strætó á höfuð-
borgarsvæðinu, var innleitt. Klapp
sækir fyrirmynd sína til almenn-
ingssamgangna um allan heim og
virkar þannig að kort eða farsími er
settur upp við skanna þegar far-
gjald í vagninn er greitt.
„Fólk hefur kallað eftir því að við
myndum uppfæra greiðslukerfið og
Klapp er svar við því. Við erum að
taka stökk yfir margar kynslóðir
tölvukerfa með þessari innleiðingu,“
segir Jóhannes.
Mest hefur selst af
stökum fargjöldum
Samkvæmt upplýsingum frá
Strætó hafa alls 13.130 fargjöld ver-
ið seld í nýja greiðslukerfinu frá 16.
nóvember og fram til dagsins í dag.
Þar af eru 11.636 stök fargjöld,
1.219 mánaðarkort og 275 árskort.
Í heild hafa verið skráðar hátt í
fimmtíu þúsund skannanir, eða
klöpp, í kerfið. Fyrstu dagana hlupu
klöppin á nokkrum hundruðum en
notkun hefur smám saman aukist.
Síðustu vikuna hafa um og yfir þrjú
þúsund klöpp verið á hverjum virk-
um degi. Notkun um helgar er um-
talsvert minni en á virkum dögum.
„Fólk er enn að læra að skanna
og hitta á rétta staði. Ég held að
fólk muni smátt og smátt sjá betur
möguleikana sem felast í þessari
breytingu og á næsta ári aukast
möguleikarnir enn frekar,“ segir
Jóhannes.
Hafa klappað
50.000 sinnum
- Yfir 13 þúsund fargjöld hafa selst
Morgunblaðið/Sigurður Bogi
Strætó Nú borga allir með klappi í
strætó á höfuðborgarsvæðinu.
ÍTALÍA 2022
ÚRVAL ÚTSÝN HLÍÐASMÁRI 19, 201 KÓPAVOGUR SÍMI 585-4000 WWW.UU.IS
SKÍÐAFRÍ Á MADONNA
Nú er tíminn til að bóka skíðaferðina. Við
bjóðum beint flug vikulega til Ítalíu, þar sem
farþegar okkar geta valið úr tveimur frábærum
skíðasvæðum, Madonna og Pinzolo.
Kláfur tengir skíðasvæðin Pinzolo og Madonna, svo
auðvelt er að nýta sér bæði skíðasvæðin.
Farastjórar okkar á staðnum eru þau Dinna og
Helgi. En þau hafa mikla reynslu af skíðaferðum.
SKÍÐI
2022PINZOLO EÐAMADONNA
ÍSLENSK
FARARSTJÓRN OG
FLUTNINGUR Á
SKÍÐABÚNAÐI
INNIFALIÐ Í VERÐI
RESIDENCE AMBIEZ 3*- MADONNA
22. - 29. JANÚAR VERÐ FRÁ 134.900 KR.
Á MANN M.V. 2 FULLORÐNA OG 2 BÖRN
HOTEL GRIFONE 4* - MADONNA
29. JAN.- 05. FEB. VERÐ FRÁ 181.500 KR.
Á MANN M.V. 2 FULLORÐNA OG 2 BÖRN
GARNI ST HUBERTUS 3* - MADONNA
05. - 12. FEBRÚAR VERÐ FRÁ 154.900 KR.
Á MANN M.V. 2 FULLORÐNA OG 2 BÖRN
Sýning með hátt í tvö hundruð ljós-
myndum eftir Ragnar Axelsson –
RAX var opnuð boðsgestum í sýn-
ingarsölum Kunstfoyer í virtu
safni, Versicherungskammer Kult-
urstiftung, í München í Þýskalandi í
gær. Um er að ræða viðamestu yfir-
litssýningu sem sett hefur verið
upp með verkum Ragnars en hún er
í nokkrum sölum. Vegna hertra
sóttvarna í Þýskalandi var gestum
hleypt í hollum inn á sýninguna.
Mikið hefur verið fjallað um
Ragnar og verk hans í þýskum fjöl-
miðlum í tengslum við sýninguna.
Til að mynda var í dagblaðinu Süd-
deutsche Zeitung umfangsmikil
umfjöllun um skrásetningu ljós-
myndarans á norðurslóðum. Í
tengslum við sýninguna gefur hið
þekkta forlag Kehrer út myndar-
lega sýningarskrá en það er önnur
bókin með verkum Ragnars sem
kemur þar út á einu ári.
Viðamesta yfirlitssýning sem sett hefur verið upp með ljósmyndum Ragnars Axelssonar var opnuð í München í gær
Norðurslóð-
ir RAX í
München
Ljósmynd/Versicherungskammer Kulturstiftung