Strandapósturinn - 01.06.2010, Side 13

11
Það var lagt af stað á stórri rútu til Egilsstaða þar sem þessi indælis
læknir tók á móti okkur. Við konurnar fórum inn með Helga en
Steindi og Ármann fóru að skoða gamla bíla á meðan. Sem betur
fer gekk allt vel og Helgi fékk heilsuna aftur.
Nú var kominn sunnudagurinn 21. júní og þá lá leiðin í
Kárahnjúka í góðu veðri og sá vel til fjalla. Lítið vatn var í Lóninu
og Sandfellið ekki lengur umflotið. Farið var yfir brú á stíflunni
yfir á norðurbakkann og horft á stífluna í Sauðadal úr fjarlægð.
Margir kusu að ganga yfir brúna í bakaleiðinni og teknar voru
myndir í allar áttir. Frá Kárahnjúkum var farið inn á Eyjabakka og
áfram að Hraunaveitu þar sem safnað er í Ufsalón vatni af
vatnasvæði Jökulsár í Fljótsdal. Farið var yfir ána rétt fyrir ofan
Eyjabakkafoss sem nú er þurr.
Enginn veitingastaður hafði enn verið opnaður þarna svo
hópurinn var nestaður mjög svo vel frá hótelinu. Var matast í
blíðskaparveðri á flötinni þar sem gengið er upp að Hengifossi.
Að máltíð lokinni var haldið inn í Végarð þar sem fór fram fræðsla
um virkjanirnar. Þar gafst hópnum kostur á að fara í snögga ferð
inn í stöðvarhúsið en mannvirkin eru öll í göngum og
berghvelfingum neðanjarðar.
Við minjasafnið á Mánárbakka.