Strandapósturinn - 01.06.2010, Qupperneq 24

22
bræðslunni gerði mönnum þolanlegt að dvelja í næsta nágrenni.
Á ofninum má gera ráð fyrir breiðum en grunnum potti þar sem
spikið var brætt en utan um ofninn gangbraut sem hefur auðveldað
bræðslumeistaranum starfið. Hann hefur síðan stjórnað því
hvenær heppilegt var að ausa lýsinu í vatnsker sem staðið hefur
utan við tóftina. Þar var lýsið kælt en jafnframt sökk þá allt hrat úr
því svo aðeins hreint lýsi rynni ofan af vatninu í tunnur.
Stærsta tóftin er sú sem næst er ofninum og ekki fer á milli
mála að þar hefur verið íverustaður þeirra sem unnu við
bræðsluna. Inngangur að húsinu snýr að ofninum en að innan
hefur verið stórt herbergi, og í enda þess veglegur ofn eða arinn
úr múrsteini. Athyglisvert er að þeir gripir sem fundust í húsinu
voru fáir með veggjum og því er líklegt að þar hafi verið svefnflet
af einhverju tagi. Aftan við þetta hús er lítið afhýsi þar sem leifar
af eldstæði og töluvert magn af gjalli benda til þess að þar hafi
verið járnsmiðja þar sem gert hefur verið við verkfæri og annað
Frönsk átjándu aldar teikning af vinnslu spiksins – söxun, bræðsla, lýsi
fleytt úr kælikassa, lýsismettuðu hrati mokað út en það var síðan notað
sem eldsneyti við bræðsluna.