Strandapósturinn - 01.06.2010, Qupperneq 79

77
Hér verður barnaskólasenunni aðeins lýst. Margt gæti eins átt
við senu Braggans, einkum lögunin og samgönguleiðir milli
búningsklefa. Ennfremur var búnaður beggja að mörgu leyti sá
sami.
Eins og teikningin sýnir var sinn klefinn hvorum megin við
leiksviðið og afþiljaðir með föstum flekum. Ekki var innangengt
(á bak við) milli klefanna en hægt var að skríða milli þeirra undir
senunni. Ég gerði það einu sinni, utan dagskrár, til að prófa hvort
það væri gerlegt. Ekki veit ég til að nokkur maður reyndi að leika
þetta ferðalag eftir mér, enda var ekkert vitni að því. Þetta reyndist
mögulegt með því að beita olnbogunum og draga lappirnar. Ekki
var hægt að skríða á hnjánum, vegna lofthæðarinnar. Þetta þýddi
að færi leikari út af senunni öðrum megin, gat hann ekki komið
inn á hana hinum megin. Undir senunni var þykkt ryklag sem
aldrei var hreinsað.
Samband við salerni varð ekki fengið frá senunni. Það hefði
ekki verið auðleyst mál því að salerni var aldrei í þessu húsi. Þó að
Teikning af senunni