Strandapósturinn - 01.06.2010, Side 110

108
Þessar minningar um Hilmi og Mumma brutust fram þegar ég
horfði á það í sjónvarpinu um áramótin 2008–2009 er verið var
að mylja Hilmi ST 1 niður mélinu smærra.
Ég varð þess heiðurs aðnjótandi að fá skipsrúm á Hilmi
ST 1 1961–1962. Ég vissi það ekki þá að Hilmir sem var
smíðaður árið 1942, sigldi í fyrsta sinn inn Steingrímsfjörðinn á
sjómannadaginn, 3. júní 1944 – daginn sem ég fæddist.
Hilmir var einstök happafleyta og afburða sjóskip. Áhöfn og
landmenn sem ég kynntist voru alveg frábærir. Til skýringar
voru landmenn þeir sem beittu línuna í landi en Hilmir
stundaði línuveiðar í Húnaflóa haustið og veturinn 1961–62
þegar ég var háseti á honum. Um vorið var síðan farið á net
á Steingrímsfirðinum og um sumarið veiddum við smásíld á
Steingrímsfirði í samkeppni við Einar Hansen.
Sú frásögn bíður betri tíma.
Skipstjóri á Hilmi var Guðmundur Guðmundsson eða Mummi
eins og allir kölluðu hann. Einstaklega góður drengur og hvers
manns hugljúfi. Urðum við góðir vinir alla tíð eftir þessi kynni.
Magnús Ingimundarson var stýrimaður, alveg sérstaklega flinkur
og sjómaður af guðs náð og mikil heppni að fá hann sem
Guðbrandur Benediktsson
Til minningar um
Hilmi ST 1 og Mumma
(Guðmund
Guðmundsson
skipstjóra)