Strandapósturinn - 01.06.2011, Blaðsíða 12

10
auk maka, vorum búnar að undirbúa. Smurt brauð, kleinur,
snúðar og vínarbrauð og auðvitað kaffi, kakó og te, og svona
var þetta alla daga og gerði mikla lukku í hópnum. Síðan lá leið
okkar yfir á Þingeyri. Þar skoðuðum við íþróttahús staðarins með
mjög flottri sundlaug og fínu útisvæði með borðum og bekkjum
fyrir ýmsar skemmtanir. Að lokum var haldið heim á hótel eftir
skemmtilegan dag.
Fjórða daginn var ákveðið að fara og skoða Flateyri, Suðureyri
og Hnífsdal með smástoppi á öllum þessum stöðum. Næst var
farið til Bolungarvíkur, Ósvörin skoðuð og keyrt til Skálavíkur,
það er mjög fallegur staður. Í bakaleiðinni var hugmynd um að
fara upp á Bolafjall en það var svo mikil þoka að við gátum það
ekki og urðum að sleppa því í þetta sinn. Síðan keyrðum við
aðeins um Bolungarvík og skoðuðum þennan fallega stað, end-
uðum með því að keyra heim að Tröð þar sem hann Ingimundur
Guðmundsson býr. Var hann heldur en ekki hissa þegar allur
þessi hópur kom í heimsókn og tók hann vel á móti okkur með
kaffi og söng sem allir tóku vel undir með honum.
Að svo búnu var haldið yfir til Ísafjarðar. Þar fengum við að
ganga um bæinn og skoða okkur um en klukkan 18.00 vorum
við mætt í Tjöruhúsið þar sem við áttum pantaðan mat. Þau voru
svo hissa að við skyldum vera komin á réttum tíma því þau höfðu
aldrei fengið hópa sem voru svona stundvísir en svona eru nú
Strandamenn. Þarna fengum við hvert fiskifatið á fætur öðru, ég
hélt að það væru ekki til svona margar sortir af fiski en þetta var
alveg frábær matur. Og síðan var haldið heim á hótel. Við södd
en hress eftir góðan mat og skemmtilegan dag og enn var sungið
og dansað fram á kvöld.
Nú var kominn fimmti dagurinn, svo nú var að kveðja þennan
frábæra stað sem Núpur er og alla þessa góðu þjónustu sem við
fengum þar. Haldið var yfir Hvammsfjall og að Hrafnseyri þar
sem stoppað var smátíma. Áfram var haldið inn Arnarfjörð að
Mjólkárvirkjun þar sem gert var smástopp, áfram var haldið að
fossinum Dynjanda og voru þar teknar margar myndir af hópnum
og auðvitað fossinum líka. Síðan var farið yfir Dynjandisheiði að
Flókalundi og þar var komið að því að kveðja hann Þóri, þennan
frábæra leiðsögumann, sem var búinn að vera með okkur allan
þennan tíma og alla leið að Flókalundi. Þar beið okkar annar