Strandapósturinn - 01.06.2011, Side 17

15
þar til haldið var með rútunni til Reykjavíkur. Að loknum þess-
um góða degi var kórinn formlega kominn í sumarleyfi.
Æfingar haustsins hófust sunnudaginn 19. september og verk-
efnið fram undan var hin árvissa aðventuhátíð kórsins sem hald-
in var að venju í Bústaðakirkju annan sunnudag í aðventu sem
að þessu sinni bar upp á 12. desember. Á aðventuhátíðinni söng
Einar Clausen með kórnum, stjórnandi var að venju Krisztina
Szklenár sem einnig hljóp í skarðið fyrir píanóleikarann sem
forfallaðist á síðustu stundu. Jólahugvekjuna flutti Elín Elísabet
Jóhannsdóttir, fræðslufulltrúi á Biskupsstofu, og fjallaði m.a. um
mismunandi hefðir, siði og venjur hjá íslenskum fjölskyldum á
jólum á afar skemmtilegan hátt. Barnakórinn á sinn fasta sess á
hátíðinni og söng jólalögin beint inn í hjörtu áheyrenda undir
styrkri stjórn Jensínu Waage.
Hinn 17. desember söng kórinn nokkur jólalög á skemmtun
hjá verktakafyrirtækinu Ístak sem þeir nefna „glussaball“. Ástæða
þess að kórinn kom þarna við sögu er að einn kórfélagi starfar
hjá fyrirtækinu og fyrir hennar tilstilli hefur kórinn nokkrum
sinnum fengið góðfúsleg afnot af matsal fyrirtækisins til að gera
sér smávegis glaðan dag. Það var því ekkert nema sjálfsagt að
geta launað fyrir greiðann með nokkrum jólalögum.
Á árinu var stjórnandi kórsins Krisztina Kallo Szklenár.
Stjórn kórsins skipuðu: Haukur Guðjónsson formaður, Gíslína
Gunnsteinsdóttir varaformaður, Herdís Kristjánsdóttir gjaldkeri,
Ragnheiður Thoroddsen ritari og Helga Jónsdóttir meðstjórn-
andi.
Fyrir hönd kórsins vil ég að lokum þakka Átthagafélagi
Strandamanna góðan stuðning á árinu. Einnig fá þeir fjölmörgu
tónleikagestir sem glatt hafa okkur kórfélaga með nærveru sinni
bestu kveðjur og þakklæti.
Haukur Guðjónsson formaður