Strandapósturinn - 01.06.2011, Qupperneq 87

85
var mjög feginn þegar yfir var komið – og þakkaði mér fyrir stuðn-
inginn. Þegar komið var heim í bæ var honum tekið þar fagnandi
enda Strandamaður og þjóðþekktur í þokkabót, því þetta var Jak-
ob Thorarensen skáld sem þarna var á ferðinni.
Fleiri komu svo síðar sem þurftu á slíkri leiðsögn að halda.
Annars var áin vatslítil að sumarlagi jafnan og auðvelt var að vaða
hana eða stikla á flúðum.
Sundnámskeið í Reykjarfirði
Á næsta bæ við Skjaldabjarnarvík – í Reykjarfirði – bjuggu þá
Jakob Kristjánsson og Matthildur Benediktsdóttir. Þau eignuðust
14 börn. Á æskuárum gerðu synir þeirra hjóna stíflugarð úr torfi
og grjóti, svo að myndaðist lítið lón – moldarsundlaug – sem þeir
notuðu til leikja og að busla í – þegar frí var frá bústörfum.
Árið 1938 var svo steypt upp sundlaug og veitt í hana vatni úr
heitum hver, sem er þarna á staðnum. Mun Jóhannes Jakobsson,
einn þeirra bræðra, hafa átt frumkvæðið að þessu og þar kenndi
hann sund næstu árin – og þar lærði ég að synda eitt vorið – ásamt
nokkrum öðrum krökkum.
Sunndalsá þar sem gamla brúin stóð. Ljósm.: Bragi J. Ingibergsson - 1999