Strandapósturinn - 01.06.2011, Qupperneq 162

160
Norðan til úr gilinu er eitt einstíg yfir á þessa gnípu en brött
fjallshlíð neðan bjargið. Álitum vér ógjörning í þeim stað þjóf-
ana að vinna nema með byssum, einkum þar þeir höfðu fyllt
svo vel hillurnar sem kofann með stórar lausagrjóthrúgur sér
til varnar, en ekki varð neins staðar að á þá grjóti kastað.
Þegar vær komum upp var kofinn niður brotinn eftir sýslu-
mannsins tilsögn, og torfi, við og grjóti rutt ofan fyrir hamar-
inn, síðan grundvöllurinn upp rifinn …“
Í varðveittum gögnum málsins í skjalasafni amtmanns kemur
fram að við bústaðinn í Drangavíkurfjalli fundu leitarmenn sýslu-
manns sama dag „andvana piltbarns líkama“ undir steinhellu og
var vottað, m. a. af tveimur ljósmæðrum, að barnið muni hafa
fæðst lifandi fyrir um það bil þremur vikum en þó lifað stutta
stund. Í dómi Halldórs sýslumanns yfir Eyvindi og Höllu, sem upp
var kveðinn á Broddanesi 30. maí 1763, kemur skýrt fram að hann
telur þau hafa reynt það sem unnt var til að halda lífi í barninu.
_________________________
Þann 11. júlí 2010 fór tíu manna hópur til Drangavíkur í því
skyni að kanna hvar í Drangavíkurfjalli bústaður Eyvindar og
þeirra sem með honum voru þar muni hafa verið.
Við leit okkar byggðum við á lýsingu Halldórs Jakobssonar
sýslumanns frá árinu 1763 á staðháttum og á vitnisburðum fylgd-
armanna hans frá sama ári, sem hér var áður gerð grein fyrir.
Halldór segir að bústaður útilegufólksins hafi verið „ofan til við
Drangavíkurkot“. Ljóst er að jörðin Drangavík var í eyði árið 1763
og þar var hvorki búið árið 1706 eða 1801 (sjá Jarðabók Árna og
Páls og Manntal 1801). Engin önnur bújörð var nokkru sinni í
Drangavík og er því ljóst að það sem Halldór sýslumaður kallar
Drangavíkurkot er rústir eyðibýlisins Drangavíkur en algengt var
að orðinu „kot“ væri bætt aftan við bæjarnafn þegar rætt var eða
ritað um eyðibýli.
„Ofan fjallið eina gjá rennur eitt gil“, segja fylgdarmenn Hall-
dórs í vitnisburði sínum sem hér var áður getið. Sé horft frá
túninu í Drangavík (bærinn féll endanlega í eyði árið 1947) til
fjalls fer ekki milli mála hvaða gil þetta er því þar er aðeins einn
lækur og fellur hann ofarlega í hlíðinni í djúpu gili sem vel má