Bændablaðið - 23.09.2021, Blaðsíða 32

Bændablaðið | Fimmtudagur 23. september 202132
Anja Egger-Meier er svissneskur
hrossaræktandi íslenska hestsins
sem hefur einstaklega gott auga
fyrir gæðingum ef marka má
hesteign hennar. Hryssan hennar,
Katla frá Hemlu II, er hæst dæmda
kynbótahrossið á Íslandi í ár.
Katla er undan heiðursverðlauna-
stóðhestinum Ský frá Skálakoti og
Spyrnu frá Síðu. Ræktendur henn-
ar eru Anna Kristín Geirsdóttir og
Vignir Siggeirsson en Anja keypti
hana árið 2019.
„Ég sá Kötlu fyrst á Landsmóti
hestamanna árið 2016. Þá var hún
fjögurra vetra gömul. Ég heillaðist
af hreyfingamýktinni í henni og
reyndi að fá hana keypta, en hafði
ekki erindi sem erfiði fyrr en þremur
árum síðar,“ segir Anja.
Á þessu Landsmóti keypti hún
hins vegar tvær aðrar ungar hryssur
af kynbótabrautinni sem hafa síðan
þá sannað sig sem stólpagæðingar.
Þetta eru Harpa Sjöfn frá Hvolsvelli
og Viðja frá Hvolsvelli, sem hlaut
9,00 fyrir hæfileika sem reyndist
hæsti hæfileikadómur ársins 2019.
En aftur að Kötlu.
Fjölhæfur listagæðingur
Anja segir Kötlu sérstakan karakter,
hún sé mjög kurteis, yfirveguð og
samstarfsfús. Undir það tekur Árni
Björn Pálsson, þjálfari hryssunnar.
„Katla er listagæðingur frá
náttúrunnar hendi. Að mörgu leyti
endurspeglar hún það sem við
erum að leita að í ræktun íslenska
hestsins. Hún er stór og glæsileg í
byggingu, framhá og með mikla
útgeislun. Svo er hún einstaklega
fjölhæfur gæðingur.“
Katla hlaut í aðaleinkunn 8,77.
Þar af hlaut hún 8,56 fyrir sköpulag
og 8,88 fyrir hæfileika. Þar af hlaut
hún einkunnina 9,0 fyrir tölt, skeið,
hægt tölt og fegurð í reið og 9,5
fyrir samstarfsvilja.
Kostir Kötlu hafa svo endur-
speglast í góðum árangri á
keppnisbrautinni að undanförnu.
Þannig hlutu þau Árni Björn og
Katla einkunnina 7,73 í forkeppni
Fimmgangs F1 á Íslandsmótinu í
hestaíþróttum í sumar sem mun
vera hæsta einkunn í forkeppni í ár.
Að sögn Önju mun Katla vera í
þjálfun hér á landi fram yfir næsta
Landsmót.
Framúrskarandi hestagull
Anja hefur verið forfallinn hrossa-
ræktandi í sautján ár. Hún er mikill
fagurkeri sem heillast af útgeislun,
fallegu höfuðlagi og gangmýkt í
hrossum.
Anja segist vilja rækta falleg
gæðahross og hestakostur hennar
er ekki af verri endanum. Meðal
hrossa í hennar eign eru stóðhest-
arnir Draupnir frá Stuðlum og
Ódinn vom Habichtswald, sem hún
á í sameign með Frauke Schenzel
á Kronshof. Auk fyrrnefndra gæð-
ingshryssa segist hún halda mikið
upp á Þórhildi frá Hamarsey og
Lýdíu frá Eystri-Hól, báðar hryssur
með einkunnina 9,5 fyrir tölt.
Góður aðbúnaður mikilvægur
Hún segist heimsækja hrossin sín á
Íslandi reglulega. Samstarf hennar
við hrossaræktendur og þjálfara
nær þó víða um Evrópu, þannig
vinnur hún mikið með Frauke
Schenzel á Kronshof í Þýskalandi
auk þeirra Markus Albrecht í Sviss
og Bjarna Jónassonar bæði í Sviss
og á Íslandi að ónefndu farsælu
samstafi hennar við Árna Björn
Pálsson. Hrossin hennar séu því
víða.
„Ég tel afar mikilvægt að hross-
unum líði vel, að þeim sé búinn
góður og rúmur aðbúnaður þar sem
þau eru, hvort sem það er í þjálfun
eða úti í haga,“ segir Anja.
Hún er dugleg við að ríða út og
nefnir þrjú eftirlætis hross í reið-
túrum. „Það er tvímælalaust Katla,
svo stóðhesturinn Ódinn vom
Habichtswald og hyssan Úlfhildur
frá Strönd, en hún er með 9,5 fyrir
tölt og ég er með hana heima í
Sviss.“
Anja getur að sönnu verið stolt af hryssunni sinni Kötlu, sem er ekki bara hæfileikabúnt heldur glæsileg á velli. Hún hlaut m.a. einkunnina 9 fyrir höfuð
og prúðleika. Myndir / Nicki Pfau
Katla er bæði rúm, þjál og yfirveguð. Hún er jafnvíg á tölt og skeið en hér
fer hún fallega undir eiganda sínum.
HROSS&HESTAMENNSKA
Katla einkunnagjöf
Höfuð 9,00 Vel opin augu - Skarpt/þurrt - Bein neflína Tölt 9,00 Léttstígt - Góð fótlyfta - Skrefmikið - Rúmt - Takthreint
Háls/herðar/bógar 9,00 Mikil reising - Hátt settur - Hvelfdur Brokk 8,50 Há fótlyfta - Skrefmikið - Hvelfd yfirlína - Takthreint
Bak og lend 8,00 Afar öflug lend Skeið 9,00 Rúmt - Skrefmikið - Sniðgott - Taktgott
Samræmi 9,00 Fótahátt - Sívalvaxið - Hlutfallarétt Greitt stökk 8,50 Góð skreflengd - Rúmt
Fótagerð 8,50 Hægt stökk 8,50 Góð skreflengd - Takthreint
Réttleiki 7,50 Afturf.: Nágengir Samstarfsvilji 9,50 Mikil framhugsun - Þjálni - Yfirvegun
Hófar 8,00 Fegurð í reið 9,00 Há fótlyfta - Góð reising - Góður höfuðburður
Prúðleiki 9,00 Fet 8,50 Góð skreflengd - Takthreint
Sköpulag 8,56 Hæfileikar 8,88
Aðaleinkunn 8,77 Hægt tölt 9,00 Há fótlyfta - Skrefmikið - Mjúkt
Hæfileikar án skeiðs 8,86
Aðaleinkunn án skeiðs 8,76
Sköpulag Hæfileikar
SVFR leitar að veiðisvæðum, sér í lagi fjölskylduvænum
svæðum þar sem kynslóðirnar geta veitt saman.
Við horfum til ár- og vatnasvæða með góðri veiðivon, sérstaklega
svæða þar sem bæði börn og fullorðnir geta notið sín. Ef þörf er
á aðstöðu, t.a.m. veiðihúsi, er félagið reiðubúið í samtal um að
koma að þeirri uppbyggingu.
Allar hugmyndir eru vel þegnar, þær skal senda á
framkvæmdastjóra SVFR, Sigurþór Gunnlaugsson, í tölvupósti
á sigurthor@svfr.is. Nánari upplýsingar eru veittar á skrifstofu
félagsins í síma 568 6050.
SVFR var stofnað 1939 og er traustur samstarfsaðili. Tilgangur
félagsins er m.a. að styrkja stöðu stangaveiði sem almennings-
og fjölkskylduíþróttar. Lykilþáttur í þeim tilgangi er að efla áhuga
barna og unglinga á stangaveiði með fræðslu og góðu aðgengi að
ár- og vatnasvæðum.

Ár- og vatnasvæði óskast!
STOFNAÐ 1939
Næsta blað kemur út 7. október
Guðrún Hulda Pálsdóttir
gudrunhulda@bondi.is