Bændablaðið - 23.09.2021, Blaðsíða 49

Bændablaðið | Fimmtudagur 23. september 2021 49
Þau Ólína Þóra Friðriksdóttir
og Eiríkur Jónsson, sem búsett
eru á bænum Gýgjarhólskoti í
Biskupstungum, tóku heldur betur
skemmtilegt tvist á réttardaginn 11.
september síðastliðinn, en öllum að
óvörum bundust þau heitböndum
í Tungnaréttum, umkringd sínum
nánustu.
Parið, sem hefur verið saman í sex
ár, tryggðu sér prestinn með stuttum
fyrirvara og laumuðu fréttunum að
börnum sínum og öðru heimilisfólki,
en ákváðu að leyfa uppátækinu að
koma öðrum skemmtilega á óvart.
Réttardagur í hverri sveit, sem
alltaf er hátíðisdagur, rann upp
sæmilega bjartur og fagur, lítils
háttar rigning og milt veður meðan
réttað var en meðan á athöfninni stóð
birti yfir. Börn Ólínu og Eiríks, sem
eru uppkomin, voru viðstödd auk
góðra vina fjölskyldunnar sem taka
árlega þátt í réttunum og tímasetningin
því tilvalin.
Þótt fyrirvarinn hafi verið skammur
gekk allt að óskum, athöfnin var létt
og skemmtileg og brúðarmarsinn
sömuleiðis. Viðstaddir söngmenn
í réttunum tóku sig nefnilega til og
sungu „Fyrr var oft í koti kátt“, hátt
og snjallt, er séra Sveinn Valgeirsson
hafði lokið athöfninni. Þá var nestinu
gerð góð skil, fé rekið heim og sólin
skein sínu skærasta þegar nálgast var
Gýgjarhólskot og glaðst var yfir mat
og drykk er heim var komið.
Réttardagurinn, sem á sérstakan
stað í huga og hjarta margra
Íslendinga, mun nú vera þeim hjónum
enn hjartfólgnari og með réttu enda
ekki á hverjum degi sem lofast er
undir heiðum himni. /SP
Finnsk gæði sem henta vel
fyrir íslenskar aðstæður
VETRARBÚNAÐUR
HILLTIP
Tangarhöfða 1, 110 Reykjavík
551 5464 / wendel.is
Nánari upplýsingar í síma 550 3000 eða
á netfangið magnus@fasteignamidstodin.is
Fasteignamiðstöðin Hlíðasmára 17,
201 Kópavogi s. 550 3000 er með
til sölu sumarhús til flutnings.
Húsið eru staðsett í Fljótstungu í Hvítársíðu.
Vegna skipulagsbreytinga á að selja þetta hús til flutnings. Stærð húss er um 33fm
auk svefnlofts sem er um 9 fm. Húsið er byggt 2000-2001 það hefur verið notað
allt fram á þennan dag. Það er vel byggt og er ástand á því ágætt.
Ólína Þóra Friðriksdóttir og Eiríkur Jónsson:
Gifting í Tungnaréttum
LÍF&STARF
Ólína Þóra Friðriksdóttir og
Eiríkur Jónsson eru aldeilis
lukkuleg eftir góðan dag sem
mun verða lengi í minnum hafður.
Hringarnir eru sérstök smíð, unnir
úr vatnsfittings, afar fallegir og
hannaðir af Eiríki. Ólína pússaði
þá svo lítillega og lakkaði svo þeir
væru hæfilega grófir.
Dásamlega fallegar hnallþórur glöddu
gesti eftir athöfnina.
Ólína og Eiríkur voru gefin saman af Sveini Valgeirssyni, vini þeirra hjóna,
og nutu svo brúðarskálarinnar, sem var eðalfínt skoskt viskí.