Bændablaðið - 23.09.2021, Blaðsíða 70

Bændablaðið | Fimmtudagur 23. september 202170
Í síðasta tölublaði var talað um að
lítið væri í boði af umhverfisvæn-
um bílum nema rafmagnsbílum.
Þá prófaði ég metanbíl, nú er
röðin komin að því að prófa aðra
kynslóð af Nissan Leaf, en Nissan
Leaf hefur unnið nánast öll hugs-
anleg verðlaun sem rafmagnsbíll
getur unnið.
Leaf einn af vænlegri kostum
í rafmagnsbílaflórunni
Nissan Leaf kom fyrst á markað seint
á árinu 2009, þá með uppgefna 117
km drægni á 24 kWh rafhlöðunni
sem skilaði 110 hestöflum. Þungur
og frekar máttlaus bíll miðað við
rafmagnsbíla í dag (uppgefin hröðun
þá úr 0 í 100 var 11,9 sek.). Nú eru
þrjár gerðir í boði með misstórum
rafhlöðum (40kWh og 62kWh), með
annaðhvort 150 eða 218 hestafla
vélar. Uppgefin snerpa úr 0 í 100 er
7,4 sek. Uppgefin drægni á minni
rafhlöðunni er allt að 270 km, en
með stærri vélinni og rafhlöðunni
er drægnin allt að 385 km.
Verðið á Leaf er frá 4.490.000
upp í 5.790.000. Í desember á síð-
asta ári fór heimssala á Nissan Leaf
yfir hálfa milljón, sem segir nokkuð
um vinsældir bílsins.
Prufuaksturinn var sléttir 111 km
Þegar ég tók bílinn hjá BL sýndi
aksturstölvan að á bílnum væri
rafmagn til að keyra 238 km, en
þegar ég skilaði bílnum, 111 km
síðar, sýndi aksturstölvan að eftir
væri hleðsla fyrir 74 km. Þannig
að á þessum 111 eknu km hafði ég
eytt rafmagni sem svarar til 164 km
aksturs. Greinilegt að þarna hafði
ég ekki verið í neinum sparakstri.
Enda ekki minn háttur að prófa bíla
sem einhverja sparibauka, ég held
mínum akstursstíl og aksturslagi á
sama hvernig ökutæki ég ek. (Vera
má að þetta hafi eitthvað með hita-
stig að gera frekar en aksturslag
samkvæmt erlendum rannsóknum)
Í þessum nýja Nissan Leaf eru
öll nútímaþægindi, hiti í stýri,
blindhornsvari, akreinalesari og fl.
Þægilegur bíll að keyra, en þrátt
fyrir þetta allt þá eru hlutir sem
ekki má treysta á, s.s. akreinales-
arinn sem virkar vel, en þá er ekki
þar með sagt að maður geti sleppt
stýrinu og látið bílinn keyra sjálf-
an og lesa línurnar. Nei, þá kvartar
hann að ekki sé haldið um stýrið
og bremsar. Einnig hraðastillirinn
(cruse control), hann heldur bilinu
í næsta bíl fínt úti á vegum, en á það
til að týna bílnum á undan í hring-
torgum (gerðist tvisvar hjá mér).
Eins og alla bíla sem ég prófa þá
hávaðamæli ég bíla inni í bílnum á
90 km hraða og mældist þessi bíll
66,7db., flott mæling og með þeim
betri þrátt fyrir að bíllinn væri á
ónegldum vetrardekkjum.
Á malarvegi fannst mér
steinkastið undir bílnum vera of
mikið (eflaust hjálpaði ekki að vera
á grófum vetrardekkjum). Holurnar
í malarveginum fundust of mikið
inn í bílinn sem segir að fjöðrunin sé
of hörð fyrir malarvegi, en á malbiki
hentar þessi fjöðrun vel (greinilegt
að þessi bíll er ekki hannaður fyrir
íslenska malarvegi).
Ekki allar breytingarnar til góðs
Þegar kaupandi talar við sölumann
nýrra rafmagnsbíla er yfirleitt 99%
öruggt að sölumaðurinn nefnir ekki
allt sem skiptir máli:
Bíllinn er þyngri en hann lítur út
fyrir að vera. Þess vegna slítur hann
bremsum og dekkjum meira en aðrir
sambærilega stórir bílar.
Í bílnum er ekkert varadekk.
Þessari síðustu setningu getur sölu-
maðurinn á Nissan Leaf snúið sér
í hag því í öllum Leaf síðan 2019
er varadekk, sem er almennt ekki í
neinum öðrum rafmagnsbíl (örfáir
hybrid-bílar eru með varadekk).
Aðeins Acenta bíllinn er með
16 tommu felgur sem gera það að
dekkin á þeim bíl eru aðeins hærri
og minni líkur á að höggva dekk,
en í staðinn eru dekkin mjórri og
slitna hraðar.
N-Connecta og Tekna bílarnir eru
á 17 tommu felgum sem eru með
allt of lágan prófíl og höggvast auð-
veldlega og oft á lélegum íslenskum
vegum.
Sprungið dekk á varadekkslaus-
um bíl kostar eigandann á bilinu
20–100.000, en þá miðast verðið
við að felgan sé í lagi, þekki þetta
vel af eign raun sem vegaþjónustu-
starfsmaður.
Lokaorð
Bíllinn sem var prófaður er minni
Tekna bíllinn, kostar 5.190.000,
með 40kWh rafhlöðu og uppgefna
hámarksdrægni 270 km, fínn bíll að
keyra á malbiki, en ef notkunin er
þannig að oft sé ekið á malarvegi þá
myndi ég velja Acenta. Það er vegna
auka fjöðrunarinnar sem maður nær
út úr hjólbörðunum með því að vera
á 16 tommu felgum í stað 17.
Nissan Leaf fær stóran plús fyrir
að vera með varadekk (að vísu ekki
á skemmtilegasta stað þar sem það
er undir bílnum að aftan, en enginn
annar hreinn rafmagnsbíll sem ég
man eftir er með varadekk).
Bíllinn er þægilegur í akstri,
hljóðlátur, fín snerpa, bakkmynda-
vélin mjög góð og fleira. Einu
mínusarnir sem ég get gefið bílnum
er akstur á möl og lítil drægni á raf-
hlöðunni í bílnum sem prófaður var.
VÉLABÁSINN
Hjörtur L. Jónsson
liklegur@internet.is
Nissan Leaf Tekna. Myndir / HLJ
Bakkmyndavélin sýnir vel umhverfið og fær topp einkunn frá mér.
Þyngd 1.580-1.640 kg
Hæð 1.530 mm
Breidd 1.788 mm
Lengd 4.490 mm
Helstu mál og upplýsingar
Svona holur er ekki uppáhaldið á dekkjum með svona lágan prófíl. Með hraðastillirinn stilltan á 90 fylgdi bíllinn umferðinni í gegn um fyrsta
hringtorg, en datt út í næsta.
Akreinalesarinn virkar vel, en ekki
það vel að maður megi sleppa stýr-
inu því þá kvartar mælaborðið.
Eini rafmagnsbíllinn sem ég man eftir að hafa prófað og er með varadekk,
þó svo að ég kalli þetta aumingja þá er hægt að bjarga sér á þessu.
Hávaðinn inni í bílnum mældist 66,7
db,mjög góð mæling á rafmagnsbíl
(hef séð mælingu upp á 70+)