Fréttablaðið - 29.01.2022, Blaðsíða 2

bth@frettabladid.is
SAMFÉLAG Leit að nýjum formanni
SÁÁ stendur yfir. Nýr formaður
verður kosinn f ljótlega en ekki er
búið að boða til aðalfundar.
Þóra Kristín Ásgeirsdóttir, sem
situr í aðalstjórn SÁÁ, staðfestir
að rætt hafi verið við hana um að
gefa kost á sér sem formaður eftir
að Einar Hermannsson sagði af sér
í síðustu viku vegna hneykslismáls.
„Ég er að hugsa mig um, þetta er
stórt og mikið verkefni,“ segir hún.
Þóra Kristín er fyrr verandi
fréttamaður, fréttastjóri og ritstjóri
og núverandi upplýsingafulltrúi
Íslenskrar erfðagreiningar. Hún
hefur víðtæka reynslu af félags-
málum, meðal annars sem varafor-
maður og formaður Blaðamanna-
félags Íslands. n
Ég er að hugsa mig um,
þetta er stórt og mikið
verkefni.
Þóra Kristín
Ásgeirsdóttir
Strákarnir okkar
Fundurinn er einungis ætlaður sambandsaðilum/félagsmönnum Bílgreina-
sambandsins og starfsfólki þeirra. Við hvetjum alla félagsmenn til að mæta en
skráning fer fram á heimasíðu Bílgreinasambandsins.
Dagskrá:
1. Kynning á tillögu stjórnar Bílgreinasambandsins um sameiningu Bílgreinasam-
bandsins og SVÞ - Samtaka verslunar og þjónustu
2. Atkvæðagreiðsla um staðfestingu aukaaðalfundar á samkomulagi stjórna
Bílgreinasambandsins og SVÞ – Samtaka verslunar og þjónustu um
sameiningu samtakanna
3. Atkvæðagreiðsla um tillögu stjórnar Bílgreinasambandsins um sameiningu
Bílgreinasambandsins og SVÞ - Samtaka verslunar og þjónustu
4. Atkvæðagreiðsla um tillögu stjórnar Bílgreinasambandsins um nýjar sam-
þykktir Bílgreinasambandsins.
5. Önnur mál
Skráning á aukaaðalfundinn skal gerð á heimasíðu Bgs - www.bgs.is
AÐALFUNDUR
BGS
verður haldinn þriðjudaginn 15. febrúar 2022 kl. 15:00
í Húsi Atvinnulífsins, Borgartúni 35, 105 Reykjavík.
Fundarstaður er fundarsalurinn Hylur á 1. hæð Húss atvinnulífsins.
Þóra Kristín Ásgeirsdóttir íhugar að
bjóða sig fram til formanns hjá SÁÁ
Ein hugmyndin í skýrslu um
aðgerðir gegn kolefnisfótspori
höfuðborgarsvæðisins er að
bjóða ungu fólki að fresta því
að taka bílpróf gegn árskorti
í Strætó. Þá er hvatt til að
bensínstyrkir verði afnumdir
og samið við stóra vinnustaði
um ívilnanir eða aðstoð ef
gerðir eru vistvænir sam-
göngusamningar.
benediktboas@frettabladid.is
SAMGÖNGUR „Enn fremur þarf að
þrengja að einkabílnum svo sem
með aukinni gjaldtöku á bílastæðum
og afnámi samgöngustyrkja fyrir
jarðeldsneytisknúin ökutæki,“ segir
í skýrslunni Kolefnisfótspor höfuð-
borgarsvæðisins sem lögð var fram
á fundi Sambands íslenskra sveitar-
félaga um miðjan mánuðinn. Skýrsl-
an var unnin af ráðgjafarstofunni
Environice.
Í skýrslunni er einnig bent á ýmsar
aðgerðir sem geti stuðlað að sam-
drætti í losun. Meðal hugmynda er
að ráðast í auglýsinga- og ímyndar-
herferð til að auka hlutdeild virkra
samgöngumáta, gera samkomulag
við stóra vinnustaði um einhvers
konar ívilnanir eða aðstoð ef gerðir
eru vistvænir samgöngusamningar
við starfsfólk og að hætta að greiða
bílastyrki þar sem púströrsbílar eru
notaðir til aksturs. Þá er sett fram
hugmynd um að bjóða samninga
um frestun bílprófs í til dæmis þrjú
ár gegn árskorti í strætó.
Skýrsluhöfundar gera ráð fyrir að
þriðjungur unglinga taki tilboðinu
og sé þannig komið í veg fyrir að 13
þúsund kílómetrar séu keyrðir.
Árið 2019 var losun vegna vega-
samgangna á höfuðborgarsvæðinu
49 prósent af heildarlosun vegna
vegasamgangna á landinu öllu. Á
sama tíma voru íbúar höfuðborgar-
svæðisins 64 prósent af íbúum lands-
ins. Í skýrslunni er bent á að vega-
samgöngur voru stærsti þátturinn í
kolefnisspori höfuðborgarsvæðisins
árið 2019. Þær eru einnig sá þáttur
sem hvað mest áhersla er lögð á í
aðgerðaáætlun ríkisstjórnarinnar í
loftslagsmálum, enda stærsti þáttur
samfélagslosunar hér á landi.
Að auki hefur losun vegna vega-
samgangna á landsvísu aukist veru-
lega síðan 1990. Losunin jókst um 86
prósent frá 1990 til 2018.
Jón Kjartan Ágústsson, svæðis-
skipulagsstjóri höfuðborgarsvæðis-
ins, segir í samtali við Fréttablaðið
að tillagan sé vissulega áhugaverð.
Varast beri að að draga of miklar
ályktanir af henni enda sé þetta
ennþá bara á hugmyndastigi. „Þetta
er ekki eiginleg aðgerðaáætlun sem
sveitarfélög á höfuðborgarsvæðinu
ætla að grípa til heldur dæmi um
aðgerð sem þau gætu gripið til.“
Hann bendir á að sveitarfélögin á
höfuðborgarsvæðinu séu ólík, sum
séu með álver, sum með hafnir og
enn önnur ekki neitt af þessu. Sveit-
arfélögin hefðu því viljað opna stefnu
sem næði vítt um málaflokkinn en
einnig svokallað dótabox sem hægt
væri að grípa til þegar hvert og eitt
sveitarfélag færi í sínar aðgerðir. n
Unglingar fresti bílprófi og
fái árskort í Strætó í staðinn
Það getur tekið langan tíma að ferðast milli staða í bílaumferðinni á höfuð-
borgarsvæðinu, sérstaklega á háannatíma. FRÉTTABLAÐIÐ/ERNIR
Mögulegar viðbótar-
aðgerðir úr skýrslunni
n Greiða leið þeirra sem vilja
og geta nýtt sér aðra sam-
göngumáta en einkabílinn.
n Byggja upp öflugri og jafn-
vel gjaldfrjálsar almenn-
ingssamgöngur.
n Auglýsinga- og ímyndar
herferð til að auka hlut-
deild virkra samgöngu-
máta.
n Auka aðgengi að metani,
s.s. frá urðunarstöðum.
n Gera samkomulag við stóra
vinnustaði um einhvers
konar ívilnanir eða aðstoð
ef gerðir eru vistvænir
samgöngusamningar.
n Bjóða samninga um
frestun bílprófs í t.d. þrjú ár
gegn árskorti í strætó.
n Auka gjaldtöku á bílastæð-
um og fækka gjaldfrjálsum
stæðum.
n Fjölga göngugötum,
stækka bíllaus svæði og
skilgreina losunarfrí svæði í
miðbæjum.
Einar Þorsteinsson fjölmiðlamaður.
adalheidur@frettabladid.is
STJÓRNMÁL Einar Þorsteinsson fjöl-
miðlamaður er sterklega orðaður
við framboð í prófkjöri Sjálfstæðis-
flokksins í komandi sveitarstjórnar-
kosningum í Kópavogi, sem fram fer
12. mars næstkomandi.
Einar sagði nýverið upp starfi
sínu á RÚV en hann er landsmönn-
um einkum kunnur fyrir að stýra
fréttaskýringaþættinum Kastljósi.
Einar var virkur í starfi Sjálf-
stæðisflokksins áður en hann hóf
að starfa í fjölmiðlum og var til að
mynda formaður Týs, félags ungra
Sjálfstæðismanna í Kópavogi.
Karen Elísabet Halldórsdóttir,
bæjarfulltrúi í Kópavogi, hefur
þegar lýst yfir framboði í fyrsta
sæti á lista flokksins í sveitarfélag-
inu. Hún hefur starfað í bæjarstjórn
Kópavogs í átta ár. n
Einar orðaður við
oddvitaframboð í
Kópavogi í mars
Íslenska landsliðið í handbolta endaði í 6. sæti á Evrópumótinu í handbolta eftir hetjulega baráttu í tapi gegn Noregi í framlengdum leik í gær. Þessi niður-
staða í mótinu þýðir að Ísland þarf að leika umspilsleik til að tryggja sér sæti á heimsmeistaramótinu á næsta ári. Strákarnir okkar sigruðu enn og aftur hjörtu
þjóðarinnar með leik og ekki síst karakter í mótinu. Ísland er á ný á meðal bestu handboltaþjóða heims. FRÉTTABLAÐIÐ/GETTY
2 Fréttir 29. janúar 2022 LAUGARDAGURFRÉTTABLAÐIÐ