Fréttablaðið - 29.01.2022, Síða 6

Það er náttúrulega
ekki gott fyrir einn né
neinn að vita ekki
hvort hægt verði að
borga laun.
Baldur Guðmundsson Hraun-
fjörð, vaktstjóri á Veður barnum
Verum vakandi yfir
umræðunni og sam-
þykkjum ekki skilmála
í blindni.
Helga Þórisdóttir, forstjóri
Persónuverndar
Verðbólga hefur ekki
mælst meiri í tæplega
tíu ár.
ÚTSÖLULOK 20% AUKA AFSLÁTTUR
AF ALLRI ÚTSÖLUVÖRU
kristinnhaukur@frettabladid.is
SAMFÉLAG Persónuvernd brýnir
fyrir fólki að vera meðvitað um
netnotkun sína. Beita skuli gagn-
rýninni hugsun þegar við hleypum
vefsíðum og forritum inn í þær
upplýsingar sem síminn getur
safnað um okkur. „Verum vakandi
yfir umræðunni og samþykkjum
ekki skilmála í blindni,“ segir
Helga Þórisdóttir, forstjóri Per-
sónuverndar.
Í gær greindi Fréttablaðið frá
nýrri könnun Evrópusambandsins
þar sem kom í ljós að Íslendingar
voru undir meðallagi hvað varðar
marga f lokka netnotkunar. Til
dæmis værum við síður meðvituð
um vafrakökur og værukærari þegar
kæmi að upplýsingasöfnun í auglýs-
ingatilgangi.
Helga bendir á að ríkar skyldur
séu settar á þá sem vinna per-
sónuupplýsingar í lögum um hvaða
upplýsingar megi vinna, í hvaða til-
gangi, hverjir fái aðgang og fleira í
þeim dúr.
„Ýmis fyrirtæki hafa séð hag sinn
í því að stíga fram fyrir skjöldu og
bjóða einstaklingum upp á meiri
stjórn yfir sínum upplýsingum
heldur en við höfum áður séð og
því ber að fagna,“ segir Helga. „Á
sama tíma hafa önnur fyrirtæki
verið gagnrýnd harkalega fyrir að
villa um fyrir notendum sínum,
til dæmis með óþarflega f lóknum
samþykkisferlum, óskýrri fræðslu
til notenda, áframsendingu upp-
lýsinga til óviðkomandi og fleira.“
Háttsemi þeirra sé nú til skoð-
unar hjá systurstofnun Persónu-
verndar á Írlandi og niðurstöðu að
vænta bráðlega. Helga segir Evr-
ópureglur mun strangari en þær
bandarísku. Í Bandaríkjunum hafi
leyniþjónustan nær óheftan aðgang
að upplýsingum og því sé miklum
takmörkunum háð hvaða upp-
lýsingar megi f lytja frá Evrópu til
Bandaríkjanna. ■
Persónuvernd hvetur til gagnrýninnar hugsunar á netinu
Breytingar á sóttvarna-
reglum tóku gildi á miðnætti
og má nú til að mynda opna
bari og skemmtistaðir á ný.
Starfsmaður á Veðri segist
spenntur að geta mætt aftur
til vinnu. Til stendur að öllum
takmörkunum verði aflétt á
næstu sex til átta vikum.
ingunnlara@frettabladid.is
COVID-19 Almennar fjöldatakmark-
anir fóru úr tíu í fimmtíu manns á
miðnætti. Katrín Jakobsdóttir for-
sætisráðherra tilkynnti á blaða-
mannafundi í gær að á næstu sex
til átta vikum yrði öllum takmörk-
unum aflétt.
Á miðnætti tóku gildi breyt-
ingar á sóttvarnaaðgerðum. Auk
breytinga á fjöldatakmörkunum
tóku gildi breytingar á nándar-
reglu sem er nú einn metri í stað
tveggja metra. Sund-, baðstaðir,
líkamsræktarstaðir og skíðasvæði
mega hafa opið með 75 prósenta
af köstum og íþróttakeppnir eru
heimilar með 50 þátttakendum. Nú
eru áhorfendur einnig heimilaðir á
íþróttakeppnir.
Hámarksfjöldi í verslunum er
500 manns og sami fjöldi er heimill
á sitjandi viðburðum. Ekki er gerð
krafa á neikvætt hraðpróf hjá gest-
um á viðburðum. Viðhalda skal eins
metra nándarreglu á milli óskyldra
einstaklinga á viðburðum.
Heimilt er að opna krár, skemmti-
staði og spilasali á ný og leyfilegt er
að taka á móti gestum til klukkan
ellefu á kvöldin en allir skulu hafa
yfirgefið staðinn á miðnætti. Mikil
óánægja hefur ríkt hjá eigendum og
starfsfólki skemmtistaða eftir að
þeim var skylt að loka enn á ný þann
15. janúar síðastliðinn en veitinga-
stöðum og kaffihúsum var heimilt
að hafa opið.
Baldur Guðmundsson Hraun-
fjörð, vaktstjóri á Veður barnum á
Klapparstíg, segist spenntur fyrir
því að fá að fara aftur í vinnuna.
Mikil óvissa hafi ríkt hjá starfsfólki
á börum og skemmtistöðum. „Það
er bara búið að vera þannig meira
og minna í tvö ár að við vitum
lítið um það hvenær við eigum að
mæta í vinnuna og hvort við fáum
útborgað.“
Þegar Fréttablaðið náði tali af
Baldri var hann í óðaönn að undir-
búa opnun barsins í kvöld. Hann
segir að mestallt sé tilbúið enda hafi
starfsfólk nýtt tímann vel í tiltekt
og annan undirbúning. „Við erum
búnir að mæta hérna og halda hlut-
unum gangandi þrátt fyrir lokanir.
Þrífa og svona en það verður frábært
að fá fólk inn til okkar í kvöld.“
Spurður út í þá óvissu sem hann
nefnir hér að framan segir Baldur
mikið álag hafa fylgt lokununum
síðustu tvö ár fyrir alla þá sem
starfi á börum og skemmtistöð-
um. „Það er náttúrulega ekki gott
fyrir einn né neinn að vita ekki
hvort hægt verði að borga laun eða
hvort vinnustaðurinn manns loki
á morgun eða opni á hinn,“ segir
hann.
„Núna bara krossar maður fing-
ur um að þessu linni og að hlut-
irnir séu að færast í eðlilegra horf,“
segir Baldur. ■
Krossa fingur um að óvissu sé lokið
Nú má opna krár, skemmtistaði og spilasalir á ný, en gestum er gert að yfirgefa staðina á miðnætti. FRÉTTABLAÐIÐ/HARI
bth@frettabladid.is
EFNAHAGSMÁL Seðlabankastjóri
vill engu svara um verðbólgutölur
að svo stöddu, enda sé vaxtaákvörð-
unarfundur rétt handan við hornið.
Þetta kemur fram í skriflegu svari
frá Ásgeiri Jónssyni seðlabanka-
stjóra við fyrirspurn Fréttablaðsins.
Verðbólga hefur ekki mælst
meiri í tæp tíu ár. Vísitala neyslu-
verðs hækkaði um 0,5 prósent milli
mánaða. Verðbólga á ársgrundvelli
mælist nú 5,7 og þarf að fara aftur
til ársins 2012 til að finna eins mikla
verðbólgu.
Hiti, rafmagn og húsaleiga hækk-
ar mest.
Matur og drykkjarvara fór upp í
verði upp um 1,3 prósent og er frek-
ari verðhækkun í pípunum, að sögn
talsmanna stórmarkaða.
Sérfræðingar búast við stýri-
vaxtahækkun hjá Seðlabankanum
eftir helgi. ■
Seðlabankastjóri
vill engu svara
um verðbólguna 
Ásgeir Jónsson,
seðlabanka-
stjóri
6 Fréttir 29. janúar 2022 LAUGARDAGURFRÉTTABLAÐIÐ