Fréttablaðið - 29.01.2022, Síða 18

Það hefur verið stór-
kostlegt að fylgjast
með ykkur strákar.
Takk fyrir gleðina,
baráttuna og inn-
blásturinn og til ham-
ingju með árangurinn
á EM!
Katrín Jakobsdóttir
Markametið á EM er í
eigu Sander Sagosen
sem skoraði 65 mörk á
Evrópumótinu 2020.
Sjötta sætið reyndist niður-
staðan hjá Strákunum okkar
á Evrópumótinu í handbolta,
eftir sárgrætilegt tap gegn
Noregi í gær. Umspil fyrir HM
bíður en efniviðurinn til að
komast í fremstu röð að nýju
er til staðar.
kristinnpall@frettabladid.is
HANDBOLTI Þrátt fyrir naumt tap
gegn Norðmönnum, 33-34, í leik
upp á fimmta sætið á Evrópumótinu
í handbolta geta Strákarnir okkar
í handboltalandsliðinu gengið
stoltir frá borði eftir frammistöðu
sína undanfarnar vikur. Ári eftir að
óvissa var um framtíðarhorfur liðs-
ins eftir vonbrigðin á HM í Egypta-
landi voru sterkustu handboltaþjóð-
ir heims í stökustu vandræðum með
lið Íslands, þrátt fyrir að Íslendingar
væru að missa leikmenn úr liðinu á
milli leikja vegna smita.
Sjötta sætið er besti árangur
liðsins á stórmóti frá Evrópumót-
inu 2014 og fjórði besti árangur á
Evrópumóti frá upphafi. Það er því
hægt að taka margt jákvætt úr þessu
móti inn í umspilið fyrir HM, þar
sem Strákarnir okkar virðast vera
að banka á dyrnar hjá bestu hand-
boltaþjóðum heims á ný.
Í aðdraganda leiksins í gær þurfti
Guðmundur Guðmundsson aftur að
leggja leikinn upp með breyttum
áherslum í fjarveru Arons Pálmars-
sonar. Framan af leik virtust Norð-
menn vera með leikinn í sínum
höndum og leiddu með fjórum
mörkum í hálfleik. Í seinni hálfleik
steig íslenska vörnin upp og hélt
Norðmönnum í ellefu mörkum og
mátti minnstu muna að stolinn
boltinn á lokasekúndum leiksins
hefði ráðið úrslitum, en þess í stað
þurfti að grípa til framlengingar.
Janus Daði fór fyrir liði Íslands
í framlengingunni en flautumark
Noregs réð úrslitum og stráði salti
í sár Íslendinga eftir hetjulega
frammistöðu.
„Það er sjálfsagt að ætla að gera
sitt besta, en þeir fóru í alla þessa
leiki til að vinna þá. Þeir vissu að
þeir gátu ekki stjórnað þessum
aðstæðum og þjálfarateymið og
leikmennirnir stjórnuðu þeim
hlutum sem þeir gátu, og gerðu það
frábærlega,“ segir Halldór Jóhann
Sigfússon, þjálfari karlaliðs Selfoss,
aðspurður út í þær áskoranir sem
íslenska liðið mætti í milliriðlinum
og frammistöðu liðsins.
„Þeir stigu upp og það kom maður
í manns stað í hvert sinn. Leikmenn
sem maður bjóst ekkert við að spil-
uðu mikið komu allir með eitthvað
á borðið. Þessi Frakkaleikur er eitt-
hvað það ótrúlegasta sem ég hef séð.
Magnað að fara í svona leik og hver
einasti maður á nánast fullkominn
leik,“ segir Halldór og tekur undir að
Ómar Ingi sé kominn í fremstu röð
á heimsvísu.
„Ómar Ingi er besti leikmaður
mótsins og jafnvel besti handbolta-
maður heims í dag. Hann verður 25
ára á þessu ári og hefur nægan tíma
til að taka framförum. Ég er viss
um að árangurinn hefði ekki verið
sá sami ef hann hefði fengið Covid
og fyrir mér eru hann og Ýmir þeir
sem við hefðum ekki mátt missa út
á þessu móti. Ég er bjartsýnn fyrir
næstu ár fyrir hönd landsliðsins, við
fundum jafnvægi sem við höfum
leitað að síðustu ár. Sóknarleikur-
inn var skynsamur og við töpuðum
ekki mörgum boltum, varnarlínan
og markvarslan góð þegar líða tók
á mótið,“ segir Halldór, sem segir að
það sé mikilvægt að láta kné fylgja
kviði.
„Þetta var stórt stökk á milli ára
og núna er það okkar að festa okkur
í sessi meðal 6-7 efstu og minnka
sviptingarnar. Við erum núna komin
á þann stað að öll lið taki leiki gegn
okkur alvarlega að nýju og við þurf-
um að standa undir því.“ ■
Full ástæða til bjartsýni fyrir næstu stórmót
Ýmir og Elvar
voru fljótir að
hughreysta
Elvar Örn eftir
að skot Elvars
fór hárfínt fram-
hjá, um leið og
lokaflautið gall
í venjulegum
leiktíma gegn
Norðmönnum
í gær. FRÉTTA-
BLAÐIÐ/GETTY
18 Íþróttir 29. janúar 2022 LAUGARDAGURÍÞRÓTTIR FRÉTTABLAÐIÐ 29. janúar 2022 LAUGARDAGUR

Styrkir til verkefna sem
tengjast hagsmunum
fatlaðs fólks
Öryrkjabandalag Íslands veitir árlega sérstaka styrki til ýmissa
hagnýtra verkefna sem tengjast hagsmunum fatlaðs fólks í
samræmi við málefni, markmið og/eða stefnu bandalagsins.
ÖBÍ auglýsir hér með eftir styrkumsóknum.
Umsóknarfrestur er til 15. mars næstkomandi.
Sótt er um styrk rafrænt á vef Öryrkjabandalagsins, obi.is.
Nánari upplýsingar veitir starfsfólk á skrifstofu ÖBÍ.
Netfang: mottaka@obi.is. Sími: 530 6700.
kristinnpall@frettabladid.is
HANDBOLTI Selfyssingurinn Ómar
Ingi Magnússon er markahæsti leik-
maður Evrópumótsins fyrir loka-
leikina sem fara fram um helgina
með 59 mörk. Ómar var markahæst-
ur í liði Íslands í gær með tíu mörk
sem var þriðji leikur hans á mótinu
með tíu mörk eða meira í einum
leik. Hann bætti um leið markamet
Íslands á lokakeppni EM og var sex
mörkum frá markameti mótsins.
Ómar sem var kosinn íþrótta-
maður ársins fyrir stuttu hafði
hægt um sig í markaskorun í fyrstu
tveimur leikjum Íslands gegn Portú-
gal og Hollandi. Eftir fyrstu tvo leik-
ina var hann með sjö mörk og lauk
riðlakeppninni með átta mörkum
gegn Ungverjalandi. Þegar lykil-
menn í sóknarleik Íslands tóku að
heltast úr lestinni tók Ómar málin
í eigin hendur og var hann marka-
hæstur í fimm af sex síðustu leikjum
Íslands í mótinu.
Þá lýkur hann leik með 28 stoð-
sendingar samkvæmt tölfræði-
veitu HBStaz og kom því að 87 af
230 mörkum Íslands á mótinu eða
37 prósentum af mörkum Íslands
á EM.
Ólafur Indriði Stefánsson er eini
Íslendingurinn sem hefur hreppt
markakonungstitilinn á Evrópu-
mótinu í handbolta, fyrir tuttugu
árum þegar hann skoraði 58 mörk
á EM í Svíþjóð.
Með tíu mörkum í gær er Ómar
búinn að bæta markamet Íslendings
á einu Evrópumóti og gæti orðið
annar Íslendingurinn til að vinna
markakonungstitilinn, rúmu hálfu
ári eftir að hann var markahæsti
leikmaður þýsku deildarinnar í
handbolta. ■
Ómar bætti met Ólafs
Ómar Ingi skoraði 2.000. mark Íslands á EM í gær. FRÉTTABLAÐIÐ/GETTY