Fréttablaðið - 29.01.2022, Qupperneq 28

Annars
gerum við
bara ótal
pítsur og
skerum
þær niður
þannig að
allir geti
smakkað.
Sjöfn
Þórðardóttir
sjofn
@frettabladid.is
Eva Dögg Sigurgeirsdóttir,
viðskipta- og markaðs-
fræðingur, veit fátt skemmti-
legra en að vera með fjöl-
skyldukvöld og eru þá oftar
en ekki eldbakaðar pítsur.
Eva er fjögurra barna móðir
og tvö yngstu börnin búa á
heimilinu, synirnir Bjarni
Gabríel og Viktor Áki Bjarna-
synir. Hin eldri eru farin að
heiman.
„Ég var svo heppin að eignast tvo
dásamlega drengi á miðjum aldri
og ég hugsa að barnauppeldi eftir
fertugt sé það sem hefur gefið mér
mest í lífinu,“ segir Eva.
Bjarni Gabríel, 13 ára, hefur
fetað í fótspor ömmu sinnar, leik-
konunnar Eddu Björgvinsdóttur, en
hann leikur Remó í Kardemommu-
bænum, en einnig hefur hann
komið fram í Áramótaskaupinu,
Jólagestum Björgvins, lesið inn
á teiknimyndir og fleira. Yngsti
prinsinn á heimilinu er 10 ára og er
hans fókus mest á stærðfræði, en
báðir æfa þeir fótbolta hjá Fylki af
mikilli ástríðu.
Bakstur á fjölskyldukvöldum
„Þegar ég var yngri ólst ég upp við
fjölskyldukvöld en þá var oftast
bökuð pítsa og það frá grunni.
Mamma og pabbi voru með
séruppskrift sem þau bjuggu til
sjálf, en þau kynntust pítsum fyrst
á Ítalíu. Þau bjuggu þar úti um tíma
en þegar þau komu heim fannst
þeim úrvalið heldur slakt hér á
landi, þannig að þau bjuggu til sína
eigin leyniuppskrift af sósu og öllu
Fjölskyldukvöld
með pítsu langbest Eva Dögg Sigurgeirsdóttir og strákarnir hennar elska að baka pítsur og eiga saman góða kvöldstund. FRÉTTABLAÐIÐ/EYÞÓR
Eva Dögg býr til
sitt eigið deig,
en freistast þó
stundum til
að kaupa það
tilbúið. Þá velur
hún súrdeig.
Pítsuofninn
sem Eva Dögg
féll fyrir. Fjöl-
skyldan bakaði
humarpítsu úti
á palli fyrir þátt-
inn Shark Tank
sem sýndur var í
Bandaríkjunum.
Pítsan lítur glæsilega út þegar hún kemur úr ofninum.
tilheyrandi. Pítsurnar þeirra eru
ógleymanlegar og ég sjálf geri þær
stundum.“
Þegar Eva er spurð hvort fjöl-
skyldan sé oft með pítsukvöld,
svarar hún: „Já, og veistu að þetta
eru bara langbestu kvöldin. Ég og
maðurinn minn eigum bæði börn
frá fyrra hjónabandi og stóran
vinahóp og fjölskyldu og ég verð
að segja að þessi kvöld eru ótrúlega
vinsæl. Það er nefnilega svo gaman
að búa þetta til og mikil stemning
og svo getur líka hver og einn ráðið
sinni pítsu. Annars gerum við bara
ótal pítsur og skerum þær niður
þannig að allir geti smakkað.“
Kolféll fyrir úti-pítsuofni
Pítsurnar eru bakaðar í úti-pítsu-
ofni úti á palli, sem skapar sérstaka
stemningu.
Hver er tilurð þess að þið eignuð-
ust úti-pítsuofninn góða?
„Þetta atvikaðist þannig að ég var
að horfa á bandarískan þátt á Hulu
þar sem fjölskyldan í þættinum
var með eldhús í garðinum og var
einmitt með svona úti-pítsuofn.
Ég nefndi þetta við manninn
minn, sem fór af stað og fann alveg
geggjað bandarískt fyrirtæki, Ber-
tello, sem framleiðir einfalda og
afar öfluga pítsuofna. Við fengum
svo sýnishorn og byrjuðum að baka
á pallinum og þá var bara ekki aftur
snúið.“
Þið fjölskyldan fóruð í viðtal í
bandarískum sjónvarpsþætti þar
sem þið bökuðu pítsur, hvernig
atvikaðist það?
„Fyrirtækið Bertello byrjaði, eða
öllu heldur fékk fjármagn, í þætt-
inum Shark Tank í Ameríku, við
vissum það nú ekki í upphafi en það
voru sem sagt tveir frumkvöðlar
sem vildu framleiða pítsuofn með
öllu, sem sagt enginn falinn kostn-
aður. Það eru til ótal pítsuofnar,
en þá ertu að kaupa ofn sér, spaða
sér, stein sér og svo framvegis, sem
þýðir að ofninn endar í mjög hárri
upphæð. Bertello-strákarnir vildu
gera góðan ofn á verði þar sem allt
var innfalið sem til þarf. Þeir í Shark
Tank féllu fyrir þessu og úr varð að
þeir fóru af stað með fyrirtækið. Í
sumar höfðu Bertello-strákarnir
samband við okkur og báðu okkur
að taka upp myndband af Bertello
á Íslandi, því að Shark Tank ætlaði
að skoða fyrirtækið nokkrum árum
eftir að þeir fóru af stað. Úr varð að
við tókum upp innslag á pallinum
þar sem ég og strákarnir bökum
íslenska humarpítsu. Strákunum
finnst nú ekki leiðinlegt að hafa
komið fram í þætti í Ameríku sem
margar milljónir horfa á.“
Hvernig virkar Bertello-pítsu-
ofninn?
„Hann virkar þannig að það eina
sem þú þarft er gaskútur og hráefni,
allt annað fylgir með í pakkanum.
Ég hita minn í sirka hálftíma á fullu
blasti og lækka svo niður í honum
og byrja að eldbaka, en það tekur
mest 2 mínútur að baka pítsuna.
Þú þarft samt að snúa henni allan
tímann því þetta gerist hratt. Ofn-
inn tekur 12 tommu pítsu og það
er mikilvægt að vera með durum
hveiti undir svo að botninn festist
ekki við steininn,“ segir Eva.
Eva segist oftar en ekki kaupa til-
búið deig í dag. „Nýjasta æðið mitt
er að kaupa deig hjá Brauð & Co eða
í Bónus og þá vel ég helst súrdeigið.
Þetta auðveldar mér pítsugerðina
til muna og allt er hreinna og miklu
minna vesen að halda risa pítsu-
kvöld. Ég hef búið til ótal pítsudeig
í gegnum tíðina og er hætt að mæla,
ég sé bara hvað ég þarf mikið, en
upprunalega uppskriftin er svona:
Heimatilbúið pítsudeig
180-200 ml volgt vatn
1 bréf af þurrgeri
¾ tsk. salt
2-2 ½ bolli hveiti
2 msk. ólífuolía
Ég læt deigið hefast í sirka 30
mínútur, eða þar til það hefur tvö-
faldast.
Það er mikilvægt að hafa í huga
að þegar maður er að búa til pítsur
í Bertello ofninum þá borgar sig
ekki að hafa þær of stórar og ekki of
þunnar, nota nóg af durum hveiti
og bara prófa sig áfram.
Uppáhaldspítsurnar
Uppáhaldspítsusósa Evu er frá
Mutti, en hún kostar mjög lítið og
fæst öllum verslunum.
„Ég hef verið að prófa ýmislegt
ofan á, en nýjasta æðið mitt er
humarpítsa en ég kaupi frosinn,
lítinn, skelflettan humar í mat-
vöruverslun og steiki upp úr
smjöri, hvítlauk og steinselju og set
á pitsuna og skelli stundum kletta-
salati yfir.
Sömuleiðis elska ég ostapítsu. Þá
kaupi ég rifinn piparost, gráðost,
mozzarellakúlur, camembert, eða
bara það sem mér dettur í hug og
þá er mikilvægt að hafa rifsberja-
hlaup með. En grunnurinn er alltaf
sósa og rifinn pítsuostur.
Uppáhaldspítsan hans Bjarna
Gabríels er með hráskinku kletta-
salati og mozzarella en uppáhaldið
hans Viktors Áka er með þunn-
skorinni skinku, beikonbitum og
mozzarellaosti.
Uppáhaldseftirréttarpítsa fjöl-
skyldunnar er með Nutella, en þá
er botninn næstum fullbakaður,
síðan er Nutella smurt yfir botn-
inn og bakað í smástund í viðbót.
Síðan er Nutellabotninn toppaður
með jarðarberjum og bláberjum.
Leyniuppskrift Eddu
Björgvins og Gísla
3 tómatpaste-dósir
3 tómatpaste-dósir af AB mjólk á
móti
3-4 kramin hvítlauksrif
2-3 msk. púðursykur, eða eftir
smekk
3 msk. ólífuolía
Stundum bý ég til leynisósu
mömmu og pabba en hún er meira
fyrir örþunnar pítsur og þá nota
ég alltaf óðalsost og olíu á pítsuna,
ekkert annað álegg. n
4 kynningarblað A L LT 29. janúar 2022 LAUGARDAGUR