Skessuhorn - 15.12.2021, Qupperneq 36

MIÐVIKUDAGUR 15. DESEMBER 202136
Fréttaannáll ársins 2021 í máli og myndum
þetta er fyrsta kvikmynd hennar í fullri lengd. Myndin fékk
einróma lof gagnrýnenda og kom áhorfendum skemmtilega á
óvart. Hér í jólablaðinu er m.a. rætt við Ólöfu Birnu.
Skagamenn gera góða hluti í sundi
Keppt var í sundi í Laugardalslauginni á alþjóðlegu móti
Reykjavík International Games – RIG 2021 í febrúar. Ellefu
keppendur komu frá Sundfélagi Akraness og stóðu sig vel og
Guðbjörg Bjartey Guðmundsdóttir tryggði sér áfram sæti í
unglingalandsliði Sundsambands Íslands með því að synda
tvisvar undir lágmarki. Sundfólkið í SA hélt á árinu áfram að
standa sig afburðavel eins og lesa hefur mátt um í fjölmörgum
fréttum Skessuhorns á árinu.
112 dagurinn
Haldið var upp á 112 daginn víða um landshlutann. Í Borg-
arnesi fóru viðbragðsaðilar í hópakstur um bæinn. Í Grundar-
firði var sjónum beint að barnavernd og öryggi og velferð
barna og ungmenna. Í Búðardal tók neyðarteymið sinn ár-
lega rúnt með sírenum og ljósasýningu og í Snæfellsbæ söfn-
uðust viðbragðsaðilar saman við Björgunarstöðina Von í Rifi
þaðan sem ekið var með ljósum og sírenum sem leið lá um
Rif, út á Hellissand og loks til Ólafsvíkur. Gott er að haldið
er upp á þennan dag með þessum hætti, því um leið er verið
að stimpla 112 Neyðarnúmerið inn í huga fólks. Eitthvað sem
lífsnauðsynlegt getur verið að muna á ögurstundu.
Dalamenn gerðu það gott í glímu
Bikarglíma Íslands fór fram í Akurskóla 13. febrúar. Jóhanna
Vigdís Pálmadóttir frá Glímufélagi Dalamanna varð bik-
armeistari hjá 15 ára stelpum og Guðbjört Lóa Þorgrímsdótt-
ir tók þátt á mótinu eftir nokkurra ára hlé frá keppni og sigr-
aði í báðum flokkunum sem hún keppti í; opna flokkinn og
+70 kg. Glíma er þjóðaríþrótt Íslendinga og eru Dalamenn
sem fyrr þar í fararbroddi.
Brimilshólmi keypti Eðalfisk
Í byrjun árs samþykktu eigendur Eðalfisks ehf. í Borgarnesi
kauptilboð Brimilshólma ehf. í allt hlutafé félagsins. Brimils-
hólmi kemur að rekstri Norðanfisks. Eðalfiskur ehf. er 34 ára
fyrirtæki sem stofnað var í Borgarnesi þar sem það hefur ver-
ið rekið alla tíð. Fyrirtækið sérhæfir sig í framleiðslu, sölu og
dreifingu á ferskum, frystum, reyktum og gröfnum laxaafurð-
um þar sem stór hluti afurða fyrirtækisins er seldur á erlend-
um mörkuðum. Jafnframt eru þessar afurðir vinsælar á inn-
anlandsmarkaði ásamt reyktum silungi, reyktri Egilssíld og
graflaxsósu. Samlegð Norðanfisks og Eðalfisks er mikil og má
segja að þar sé Vesturland að styrka stöðu sína, m.a. í vinnslu
á eldislaxi.
Jarðskjálftar og svo eldgos
Öflug og langvinn
jarðskjálftahrina hófst
á Reykjanesskaga í
febrúarlok. Tugþús-
undir skjálfta voru
á svæðinu vikurn-
ar á eftir og fundust
þeir vel á Suðurnesj-
um, höfuðborgar-
svæðinu, Akranesi,
Borgarfirði, Snæfells-
nesi, Dölum og víð-
ar. Skjálftahrinunni
lauk þegar eldgos
hófst í Geldingadöl-
um í Fagradalsfjalli
að kvöldi föstudagsins
19. mars. Strax urðu
gosstöðvarnar vinsæl-
asti áfangastaður allra
ferðalanga, hvort sem
það voru Íslendingar eða erlendir ferðamenn. Margir lögðu
leið sína að gosinu til að berja mikilfengleikann augum með
eigin augum. Björgunarsveitir af öllu landinu stóðu vaktina
svo vikum skipti og gættu þess að enginn færi sér að voða á
svæðinu í kringum gosið og má eflaust þakka þeim fyrir að
engin alvarleg slys urðu á fólki þetta hálfa ár sem gosið stóð
yfir.
Fyrsta loðnan á Akranes í þrjú ár
Fyrsta dag marsmánaðar kom Venus NS-150 í Akraneshöfn
með fyrsta loðnufarminn sem þangað hafði borist í þrjú ár.
Aflinn var 520 tonn og fékkst út á Breiðafirði. Hrognavinnsla
og frysting hófst svo strax kjölfarið. Vertíðin var stutt, en nú
er útlit fyrir að hér við land sé að hefjast stærsta loðnuvertíð í
tvo áratugi. Skuggi fellur á þá ánægju vegna skorts á raforku
til að knýja bræðslurnar. Olía verður þar orkugjafinn, eitthvað
sem seint fellur undir að geta talist umhverfisvænn orkugjafi.
Riðuveiki greindist í Húnaþingi
Riðuveiki var greind í kind á bænum Vatnshóli í Húnaþingi
vestra snemma árs, en á bænum voru um 925 fjár. Vatns-
hóll er í Vatnsneshólfi en í hólfinu hefur einu sinni greinst
riða undanfarin tuttugu ár, en það var árið 2015. Þar áður
greindist riða á bænum Vatnshóli árið 1999. Þá varð óhapp
við flutning á riðusmituðum úrgangi á leið til brennslu í
Kölku á Suðurnesjum. Mikill þrýstingur af völdum gasmynd-
unar úr úrganginum myndaðist í einum gámnum og varð það
til þess að hleri á ofanverðum gámnum gaf sig og uppgötv-
aðist það áður en komið var að Hvalfjarðargöngum. Ekki var
talin smithætta af völdum vökva sem barst á þjóðveginn við
þetta óhapp og ekki var talin ástæða til að gera sérstakar ráð-
stafanir.
Ferðafélag Borgarfjarðarhéraðs
var stofnað
Ferðafélag Borgafjarðarhéraðs var formlega stofnað 1. mars
á fjölmennum stofnfundi á Hótel B-59 í Borgarnesi. Gísli
Einarsson vann að undirbúningi og boðun stofnfundar ásamt
vöskum hópi félaga sinna. Stofnganga félagsins var svo loks
farin í maílok þegar gengið var um Jafnaskarðsskóg í Staf-
holtstungum undir leiðsögn Birgis Haukssonar. Tæplega eitt
hundrað manns mættu í gönguna og þeirra á meðal var Guðni
Th. Jóhannesson forseti Íslands.
Rakaskemmdir í skólum
Rýma þurfti hluta húsnæðis Grundaskóla á Akranesi í byrjun
mars þar sem loftgæðum var ábótavant og rakaskemmdir voru
greindar í húsinu. Þá var mygla staðfest í grunnskólahúsi á
Kleppjárnsreykjum snemma á árinu. Keyptar voru færanlegar
skólastofur til að forða nemendum úr mögulega sýktu hús-
næði. Á vormánuðum komu upp svipaðar aðstæður í grunn-
og leikskólanum í Laugagerði. Mygla var þó ekki staðfest með
óyggjandi hætti eftir sýnatökur en þó sýndu tvö sýni af 30
hækkuð gildi. Þá kom í ljós núna í nóvember að rakaskemmd-
ir fundust á nokkrum svæðum í skólahúsnæði Heiðarskóla
Fyrsta fimleikamótið í nýju húsi
Í febrúar var fyrsta fimleikamótið haldið í nýja fimleikahús-
inu við Vesturgötu á Akranesi. Á mótinu var keppt í meistara-
flokki, 1. flokki og 2. flokki og var mótið glæsilegt í alla staði.
Aðstaðan reyndist mjög vel og önnur félög höfðu orð á því
hversu góð hún væri í nýja fimleikahúsinu á Akranesi.
Baldur varð vélarvana
Í mars kom upp bilun í flóabátnum Baldri þar sem hann var
á siglingu innarlega á Breiðafirði, á suðurleið frá Brjánslæk
til Stykkishólms. Skipið var nýlega komið út úr hættulegasta
kafla siglingaleiðarinnar, þar sem er siglt er milli fjölda skerja
og eyja. Þá bilaði túrbína í aðalvél skipsins en eins og kunnugt
er er engin varavél í skipinu og það var því ógangfært. Norð-