Skessuhorn - 15.12.2021, Síða 71
MIÐVIKUDAGUR 15. DESEMBER 2021 71
Óskum starfsmönnum og Vestlendingum
gleðilegra jóla og farsældar á komandi ári
SK
ES
SU
H
O
R
N
2
01
8
ar datt ég í lukkupottinn með það.
Frá fyrstu tíð ákvað ég að láta sjúk-
dóminn ekki slá mig út af laginu og
leyfði mér ekki að láta hann taka
stjórn á lífinu. Þannig held ég að
fólk geti með jákvæðu hugarfari
lært að lifa með þessum sjúkdómi
og gera það besta úr stöðunni. Ég
leit því á Parkinson sem hvert ann-
að verk efni, datt aldrei í hugsanir á
borð við; „af hverju ég!“ Þessi sext-
án ár frá greiningu hef ég því unnið
með mínu fólki í búðinni okkar og
farið í gegnum bankahrun og ýmsa
erfiðleika í rekstri sem kannski hafa
tekið stærri toll en sjúkdómurinn
sjálfur. Það er því með mikilli gleði
sem við stefnum á að halda upp á
þrjátíu ára afmæli Módels á næsta
ári, með miklu betri heilsu,“ segir
Guðni.
Fagleg þjónusta
Guðni ber íslenska heilbrigð-
iskerfinu vel söguna og ekki síður
þeirri þjónustu og viðtökum sem
þau fengu í ferðinni örlagaríku til
Svíþjóðar í haust. „Allt sem við
kom ferðum eða uppihaldi í Sví-
þjóð var alveg frábært. Þar vil ég
m.a. þakka Sjúkratryggingum Ís-
lands og sænska heilbrigðisstarfs-
fólkinu. Okkur var skaffaður leið-
sögumaður, sem tók á móti okk-
ur ytra og tryggði meðal annars
fullkomna túlkaþjónustu. Iceland-
air stóð sig frábærlega og starfs-
fólkið á flugvöllunum úti og hér
heima. Allir eiga þakkir skyld-
ar. Úti á Karólínska voru tveir ís-
lenskir svæfingalæknar og einn ís-
lenskur taugalæknir sem túlkaði
ásamt konu frá Sjúkratryggingum
Íslands. Þannig var tryggt að við
næðum að skilja allt sem fram fór
í greiningu, rannsóknum og að-
gerðinni. Það tryggði betri líðan,
enda kannski dálítið fyrirkvíðan-
legt að fara í langa aðgerð á heilan-
um sem öllu stjórnar.“
Dregur úr skjálfta
Guðni segir að almennt sé með
þessari nýju tækni verið að bæta
lífsgæði þeirra sem taldir eru tæk-
ir til að gangast undir svona að-
gerðir. „Ég er þakklátur fyrir það
og að hafa fengið þetta tækifæri.
Það eru því miður ekki allir jafn
heppnir hvað það snertir. Ég er bú-
inn að vera rosalega heppinn með
lækna og aðra sem tengjast mínum
sjúkdómi og meðferð. Vala Guð-
rún Pálmadóttir taugalæknir hef-
ur verið að annast mig en hún er
nýlega komin heim úr sérnámi
sínu í taugalækningum í Boston.
Þessi aðferð að græða rafskaut í
heila Parkinsonsjúklinga hefur ver-
ið þekkt frá aldamótum og byrjað
var að beita henni árið 2013 með
eins póla tækni. Nú er búið að bæta
fleiri pólum við og gerir það að
verkum að sjúklingar fá miklu betri
möguleika til að halda niðri ósjálf-
ráðum hreyfingum. Þannig má í
gríni segja að við verðum miklu
stilltari en áður,“ segir Guðni og
hlær.
Að halda coolinu
Heilinn í okkur fólkinu er sjálf-
ur tilfinningalaus þótt hann stjórni
tilfinningum okkar að öðru leyti.
Samt sem áður segir Guðni að það
hafi komið honum á óvart eftir að-
gerðina í haust að hann hafi ekki
einu sinni fengið höfuðverk. „Heil-
inn er bara stjórnstöð sem send-
ir boð, þú finnur einungis áhrifin
þegar önnur líffæri svara kalli hans
og eru þá að láta vita um að eitt-
hvað sé að.“ Þegar rafstraumi var
hleypt á nýju vírana í heila Guðna
nú í október segist hann hafa feng-
ið smá kippi í fæturna og ekkert
litist á það í fyrstu. Þá hafi tækið
bara verið stillt og hætti skjálftinn
um leið og hefur hann ekki fund-
ið fyrir honum síðan. Nú er í gangi
ferli við að minnka lyfjagjöfina hjá
honum. „Hliðarverkanir með sjúk-
dómnum sem lyfin eru að orsaka,
eru m.a. skjálfti og ósjálfráðar
hreyfingar. Samhliða því að lyf-
in draga úr ósjálfráða hreyfingum
hægist á fólki. En Parkinson tekur
á sig ólíkar myndir. Það velur auð-
vitað enginn að fá Parkinson. Fyr-
ir marga er sjúkdómsgreiningin
þungbær en umfram allt hvet ég
fólk til að halda „coolinu“ ef það
mögulega getur. Stundum getur
verið besta leiðin sú að gefa sjúk-
dómnum ekki leyfi til að ná yfir-
höndinni. En vissulega get ég ekki
talað fyrir hönd annarra en sjálfs
mín,“ segir hann að lokum. mm
Hér má sjá skýringarmynd úr bæklingi Karolínska af þeim búnaði sem komið er fyrir.