Læknablaðið - 01.12.2021, Blaðsíða 43

L ÆKNABL AÐIÐ 2021/107 607
Nú þegar aðventan gengur í garð og ég
með hvítvoðung á heimilinu er mér þakk-
læti efst í huga. Eflaust myndu einhverjir
kalla það viðkvæmni nú eða bara að ég sé
stútfull af hormónum. En ég er afar þakk-
lát fyrir alla þá lækna sem halda „lækna-
samfélaginu“ á Íslandi gangandi. Það
er eftirtektarvert að sjá – í jafn fámennu
landi – hvað kollegar láta prógrammið
ganga. Það er ekki sjálfgefið að fólk
helgi jafn stóran hluta lífsins starfinu og
starfstengdum hlutum.
Líkt og í öðru erum við örugglega
með flest læknafélög og sérgreinafélög
miðað við höfðatölu. Sú vinna er oftar en
ekki fyrir utan hefðbundinn vinnutíma
og kostar ómælda vinnu margra lækna
– oftast á kostnað persónulegs frítíma.
Læknablað er gefið út mánaðarlega og
við höldum veglegt vikulangt þing á ári
hverju. Sérnám á Íslandi hefur aldrei
verið faglegra og öflugra með ítarlegu
frammistöðumati sérnámsgrunnslækna
og sérnámslækna. Ég geri fastlega ráð
fyrir því að íðorðanefnd LÍ sé í fullri
vinnu við að þýða þessar skammstafan-
ir – minicex og cbd – yfir á okkar ylhýra.
Læknar eru hvarvetna í framlínunni í
kennslu heilbrigðisstétta og í fræðslu til
almennings samhliða því sem við erum
hlaðin störfum í klíník. Vísindasamfélagið
vex og dafnar í kvöld- og helgarvinnu
lækna. Læknastarfið er ekki 8-16 vinna!
Þess vegna var það hjákátlegt þegar
Ú R P E N N A S T J Ó R N A R M A N N A L Í
„Nagyon köszönöm szépen
mindenkinek“*
Í pistlunum Úr penna stjórnarmanna LÍ birta þeir eigin
skoðanir en ekki félagsins.
geðlæknir
gudrundb@landspitali.is
Guðrún Dóra Bjarnadóttir
Landspítali setti þá stefnu að læknar
mættu ekki vinna önnur launuð störf ef
við værum í 100% starfi. Enn furðulegra
var þegar teknar voru af aukagreiðslur
fyrir aukavakt tekna með minna en 24
tíma fyrirvara. Eins gott að vera úthvíldur
heima fyrir þegar kallið kemur frá spítal-
anum. Við erum eign Landspítalans nótt
sem nýtan dag. Allt eftir höfði spítalans.
Þrátt fyrir að ég sé ekki alltaf sammála
ákvörðunum yfirstjórnar spítalans þá er
ég þakklát fyrir óeigingjarnt starf henn-
ar. Það þarf kjark til að standa frammi í
stafni og láta ölduganginn úr öllum áttum
gusast yfir sig. Það er ekki allra að sitja í
framkvæmdastjórn. Guð forði mér frá því
– og golfi!
Sérstakar þakkir
Fyrir skömmu lét Páll Matthíasson af
störfum sem forstjóri Landspítala. Hann
tók við þröngu búi svo ekki sé fastar að
orði kveðið. Undirfjármögnun til lengri
tíma og gjá milli stjórnenda og starfsfólks
spítalans. Sú gjá var engir tveir metrar. En
á undraverðan hátt náði hann að skapa
samstöðu meðal starfsfólks á afar erfiðum
tímum. Með hann í forystu setti starfsfólk
höfuðið undir sig og hélt áfram - „the
show must go on“. Páll stóð keikur! Hann
stýrði stærsta vinnustað landsins af festu.
Hann talaði máli Landspítala og starfs-
fólksins á mannamáli. En því miður talaði
hann oft fyrir daufum eyrum. Ótrúlegt
hvað sértækt heyrnarleysi er smitandi
– smitstuðullinn er ansi hár í kringum
Austur völl.
Hvöss og oft óvægin umræða í garð
Páls náði hámarki rétt fyrir kosningar þar
sem þeir sem valdið hafa kepptust við að
upphefja sjálfa sig og kasta rýrð á störf
stjórnenda Landspítala – en hvað er ekki
gert fyrir atkvæði.
Svo má ekki gleyma að Páll kom með
betra kaffi inn á spítalann og í hans
stjórnartíð kom sushi í matsalinn. Ef mað-
ur er ekki svo framúrstefnulegur er alltaf
hægt að stóla á snitsel á miðviku dögum.
Ég hefði ekki treyst nokkrum manni
betur fyrir stjórn Landspítalans í þessu
árferði og gerði hann það með sóma.
Hann getur gengið stoltur frá sínu dags-
verki … rakleiðis heim í geðþjónustuna!
Nú mun Páll þurfa að „díla við“ annars
konar mótvind – nánar tiltekið norðan-
áttina á Seltjarnarnesinu.
LÆKNAFÉLAG ÍSLANDS - MAIN LOGO + 100 YEARS ANNIVERSARY LOGO
FAL
Árni Johnsen
Þórdís Þorkelsdóttir
FÍH
Margrét Ólafía Tómasdóttir
FSL
Theódór Skúli Sigurðsson
Guðrún Dóra Bjarnadóttir
LR
Guðmundur Örn Guðmundsson
Ingibjörg KristjánsdóttirOddur Steinarsson starfandi formaður
Stjórn Læknafélags Íslands
* Nagyon köszönöm szépen mindenkinek er ungverska og þýðir „Takk kærlega allir saman“.