Leikhúsmál - 01.11.1963, Síða 6

þessa eiginleika átti Indriði til að bera í ríkum mœli. Enda
mun Indriða ávallt verða minnzt sem þess brautryðjanda,
er traustastur var, og sannastur í list sinni í þau 40 ár,
er hann vann að íslenzkum leikhúsmálum og áhrifa mun
gœta frá starfi hans um mörg ókomin ár.
Þegar skyggnst er til baka yfir langan leiklistarferil Indr-
iða, er það mjög einkennandi, hvað hann nœr fljótt full-
um þroska sem listamaður. Honum eru strax í byrjun fal-
in mjög erfið hlutverk, og þótt hann vœri ungur að árum
og hefði skamma reynslu að baki, skilaði hann hlutverk-
um sínum með miklum ágœtum og er brátt kominn í
fremstu röð bœði sem leikari og leikstjóri. Ástœðan til
þess er fyrst og fremst sú, að hann var alinn upp i nán-
um tengslum við leiklistina og var gœddur flestum þeim
kostum, sem góðan leikara og leikstjóra má prýða. Indriði
var skarp gáfaður, hafði fágaðan smekk og óvenju ríkt
og lifandi tilfinningalíf. Hann hafði nœmt auga fyrir lit-
um og var gœddur góðri tónlistargáfu. Bjó yfir ríkri kýmni-
gáfu, sem hann beitti á sérkennilegan og skemmtilegan
hátt. Minni hans var frábœrt og var vel lesinn i leikbók-
menntum. Mátti segja að hann vœri sjór af fróðleik í öllu
því er leikhús snerti.
Fyrsta hlutverk Indriða var „Gvendur smali", í Skugga-
Sveini, og var leikurinn sýndur á vegum Knattspyrnufé-
laganna hér í bœ eturinn 1921—1922. Á árunum 1922—
1923 dvaldist hann í Þýzkalandi og kynnti sér leikmenn-
ingu í leikhúsunum þar. Þýzk leiklist var þá, eins og oft,
bœði fyrr og síðar, í miklum blóma. Dvöl hans þar og
nám reyndist honum mjög lœrdómsríkt og varð honum
öruggt veganesti á löngum leiklistarferli.
Fyrsta hlutverk Indriða eftir dvöl hans í Þýzkalandi var í
„Franska œvintýrinu" eftir de Fleurs, árið 1923, og við
það hlutverk miðaði hann aldur sinn, sem leikari. Eftir
það verður skammt stórra högga á milli á leikristarferli
Indriða. Árið 1925 byrjar hann fyrir alvöru að starfa hjá
Leikfélagi Reykjavíkur og þá setti hann fyrsta leikritið á
svið fyrir félagið og er jafnframt einn af aðalleikurum
þess.
Formaður L. R. varð hann 1926—'28 og aftur 1940—41.
En það er ekki fyrst og fremst á sviði félagsmála, sem
hann lét mest að sér kveða, heldur sem leikari og leik-
stjóri, og jafnframt farsœll ráðgjafi um val leikrita og
kom þar að góðu gagni þekking hans á leikbókmenntum.
í 25 ár var Indriði einn af aðalleikstjórum og leikurum hjá
L. R. og þar vann hann marga stóra sigra.
Um nokkurt árabil stjórnaði hann einnig gamanleikjum
Þjóðleikhúsið:
Kirsjuberjagarðurinn (Chekov)
Með á myndinni eru Arndís Björnsdóttir
og Guðbjörg Þorbjarnardóttir